Skipulags- og umferðarnefnd Rangárþings ytra

Eigendur Skarðs lóðar 5, L164412, óska eftir að fá að stofna tvær lóðir úr spildunni og afmörkun yrði í samræmi við gildandi deiliskipulag af svæðinu frá árinu 2008. Fyrri lóðin fengi heitið Skarðsvegur 2, landeignanúmerið LXXXXXX og stærðina 3400 m2. Seinni lóðin fengi heitið Skarðsvegur 3, landeignanúmerið LXXXXXX og stærðina 3400 m2. Skarð lóð 5 fengi heitið Skarðsvegur 1 og yrði 6428 m2 að stærð eftir skiptin.

Jóna Guðrún Ólafssdóttir óskar eftir að fá að skipta úr jörð sinni, Skrokkhóli L227571, 1743 m2 spildu undir borholu. Lóðin fengi landeignanúmerið L229712 og heitið Lunansholt 1S skv. uppdrætti frá eiganda dags. 26.2.2020. Skrokkhóll verður 63,9 ha eftir skiptin.

Staða byggingarleyfismála kynnt

Valtýr Valtýsson fyrir hönd Veiði/fiskræktarfélags Landmannaafréttar óskar eftir heimild til að leggja nýjan vegslóða að Lifrafjallavatni frá Dómadalsleið.

Sett er fram skipulagslýsing vegna breytingar á Aðalskipulagi Rangárþings ytra 2016-2028 á Hellu og breytingar á deiliskipulagi. Um er að ræða athafnasvæði við Dynskála, AT3. Svæðið verður stækkað og lóðum fjölgað.

Sett er fram skipulagslýsing fyrir breytingu á deiliskipulagi fyrir miðbæjarsvæðið á Hellu. Um er að ræða svæði norðan Suðurlandsvegar. Í deiliskipulaginu verður gerð breyting á gatnakerfi til að bæta umferðaröryggi. Einnig verður lóðum fjölgað til að þétta byggð.

Sett er fram skipulagslýsing fyrir gerð deiliskipulags fyrir atvinnusvæði sunnan Suðurlandsvegar á Hellu. Um er að ræða svæði austast í þéttbýlinu, verslunar- og þjónustusvæðið VÞ20, athafnasvæðið AT4 og iðnaðarsvæðið I26. Í deiliskipulaginu verða afmarkaðar lóðir, settir byggingarskilmálar og gerð grein fyrir götum, bílastæðum o.fl.

Markús Ársælsson hefur lagt fram deiliskipulag af spildu úr landi sínu. Áformað er að byggð verði 3 hús, íbúðarhús, bílgeymsla og skemma. Athugasemdir bárust frá Skipulagsstofnun eftir auglýsingu þar sem talið var að þyrfti umsögn Siglingasviðs Vegagerðarinnar fyrir gólfkóta á þessum stað. Umsögn frá Siglingasviði barst 6.3. þar sem ekki eru gerðar athugasemdir en bent á að gólfkóti húsa skuli ekki vera neðar en 3.3 mys.

Eigandi Jarlsstaða, L205460, hefur fengið heimild sveitarstjórnar frá fundi þeirra 13.2.2020 til að láta breyta afmörkun frístundasvæðis nr. F74 í aðalskipulagi. Engar aðrar breytingar verða gerðar.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á spildunni Svínhagi L6B úr landi Svínhaga, þar sem núverandi landbúnaðarsvæði verði gert að verslunar- og þjónustusvæði. Tillagan var auglýst frá og með 15.1.2020 til og með 26.2.2020. Engar athugasemdir bárust, hvorki frá almenningi né umsagnaraðilum.

Andreas Stedler hefur lagt fram tillögu að deiliskipulagi fyrir land sitt, Svínhaga L6B, L222399, nú Austurkrók. Gert verði ráð fyrir 6 gestahúsum sem hvert um sig verður allt að 30m2 að stærð og allt að 120m2 þjónustuhúsi, sem einnig getur nýst til gistingar og/eða fyrir starfsfólk. Fyrirhugað er að nýta húsin til útleigu fyrir ferðamenn, starfsfólk og/eða búsetu. Aðkoma verður af Þingskálavegi. Áætlað er að ný byggð muni tengjast þeim veitukerfum sem fyrir eru hjá sveitarfélaginu. Tillagan var auglýst frá og með 15.1.2020 til og með 26.2.2020.

Sveitarstjórn samþykkti á fundi dags. 13.2.2020 að gerðar verði nauðsynlegar breytingar á landnotkun í aðalskipulagi þar sem núverandi landbúnaðarsvæði verði gert að íbúðasvæði. Lögð er fram lýsing skipulagsbreytinga.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á 7 lóðum úr Þjóðólfshaga, þar sem núverandi frístundabyggð verði gerð að íbúðasvæði. Samkvæmt áliti Skipulagsstofnunar telur stofnunin að breyta þurfi forsendum skipulagsbreytingarinnar þannig að það svæði þar sem heimila á fasta búsetu verði skilgreint sem íbúðarbyggð í aðalskipulagi.
Það svæði sem nú er skilgreint sem frístundabyggð og átti að fella út og breyta í landbúnaðarsvæði ætti því að vera breytt í íbúðarbyggð.

Eigendur Öldutúns L197141, áður Helluvað 2 lóð, hafa lagt fram nýtt deiliskipulag af svæði sínu. Áformað er að skipta spildunni í 3 jafnstórar lóðir til byggingar íbúðarhúsa ásamt bílskúr og gestahúsum. Athugasemdir bárust frá Skipulagsstofnun eftir auglýsingu þar sem gerðar voru nokkrar athugasemdir. Lögð er fram endurbætt tillaga.

Sveitarstjórn, með staðfestingu á tillögu Byggðaráðs um að úthluta lóðum við Sporðöldu til bygginga á íbúðum ætluðum til skammtímaleigu, hefur samþykkt að gerðar verði nauðsynlegar breytingar á aðalskipulagi sveitarfélagsins, þar sem heimildir verði settar til útleigu gistingar í flokki II í götunni. Heimildin nær eingöngu til Sporðöldu. Bætt verður eftirfarandi texta í töflu í greinargerð fyrir íbúðabyggð á Hellu: "Í íbúðum við götuna Sporðöldu er heimilt að vera með gistingu í flokki II, tegund "g" í samræmi við 3. og 4. gr. reglugerðar um veitingastaði, gististaði og skemmtanahald nr. 1277/2016 m.s.br. og skal bílastæðaþörf uppfyllt innan lóða."