Skipulags- og umferðarnefnd Rangárþings ytra

Eigendur Næfurholts óska eftir að fá að skipta út tveimur lóðum úr jörð sinni í samræmi við uppdrátt frá Landtækni dags. 17.8.2021. Fyrri lóðin fengi heitið Næfurholt 2, stærð 7.000 m2 og landeignanúmerið L232212. Seinni lóðin fengi heitið Lambhústún, stærð 757 m2 og landeignanúmerið L232213. Stærð jarðarinnar minnkar í samræmi við stærðir útskiptra lóða.

Lóðin Múlaland L165049 var skipt úr landi Múla L164996 fyrir allnokkrum árum. Lóðin var upphaflega skráð 10000 m2 og girt samkvæmt samkomulagi eigenda og lóðarhafa. Lóðin er hér GPS mæld að nýju og hnitsett í fyrsta skiptið. Lóðin mælist nú 12296 m2. Aðkoma að lóðinni er eftir vegslóða sem liggur af Landvegi (26) við Brúarlund. Múli L164996 verður 372,7 ha eftir landskiptin. Óskað er eftir að heiti lóðarinnar breytist í Múlaland B.

Staða byggingarleyfismála kynnt

Ágúst Ómar Eyvindsson óskar eftir að fá að byggja um 59,5 m2 íbúðarhús á lóð sinni Brekkur 1C í samræmi við uppdrætti frá Sigurði Unnari Sigurðssyni, dags. 20.8.2021. Áform umsækjanda eru í samræmi við aðalskipulag Rangárþings ytra en þar er viðkomandi lóð skilgreind sem landbúnaðarsvæði. Ekkert deiliskipulag er af svæðinu. Þó hefur verið byggt á lóðinni Brekkur 1B en þar er íbúðarhús. Aðkoma er af Suðurlandsvegi meðfram Brekkum 1B og framhjá lóðinni Brekkur 1A. Samþykki nærliggjandi lóðarhafa liggur fyrir.

Skipulagsstofnun óskar eftir umsögn sveitarstjórnar um mat á umhverfisáhrifum uppbyggingar í Landmannalaugum skv. 10. gr. laga nr. 106/2000. Umsagnaraðilar skulu gefa álit sitt í samræmi við 24. gr. reglugerðar nr. 660/2015. Í umsögn skal umsagnaraðili gera grein fyrir hvort hann telji að á fullnægjandi hátt sé gerð grein fyrir fyrirhugaðri framkvæmd og umhverfi, umhverfisáhrifum og mati framkvæmdaraðila á þeim, þörf á að kanna tiltekin atriði frekar, mótvægisðagerðum og vöktun.

Rúnar Steinn Gunnarsson Nestúni 17 óskar eftir að fá að byggja bílgeymslu á lóð sinni. Gert er ráð fyrir að bílgeymslan fari út fyrir byggingarreit að aftanverðu, næst Helluvaðsvegi.

Silje Dalen fyrir hönd landeigenda að Næfurholti hefur lagt fram deiliskipulag af tveimur lóðum úr Næfurholti í samræmi við uppdrátt frá Eflu dags. 29.4.2021. Gert verði ráð fyrir lóð undir íbúðarhús og bílskúr sem fengi heitið Næfurholt 2 ásamt lóð undir skemmu. Sú lóð fengi heitið Lambhústún. Aðkoma er af Þingskálavegi (268) um núverandi aðkomuveg (2759). Tillagan var auglýst frá 26.5.2021 til og með 7.7.2021. Engar athugasemdir bárust frá umsagnaraðilum en skipulagsstofnun telur að áform séu ekki í samræmi við ákvæði aðalskipulagsins um heimilaða uppbyggingu. Gerð var breyting á greinargerð skipulagsins þar sem bætt var inn texta varðandi helgunarsvæði minja, veghelgunarsvæði bætt við og lóð fyrir skemmu var felld út.

Friðlýsing Hólmsársvæðisins hefur tekið gildi með ákvörðun Umhverfis- og auðlindaráðherra.

Eigandi Leirubakka, lands undir frístundasvæðinu Fjallalandi, hefur óskað eftir að gerðar verði breytingar á gildandi deiliskipulagi fyrir Fjallaland dags. 1.2.2006. Bætt verði við tveimur lóðum nr. 59 og 61 í framhaldi af núverandi lóðum á svæðinu. Nýju lóðirnar fylgja þeim skilmálum sem gilda um sambærilegar lóðir í gildandi skipulagi. Á síðasta fundi skipulagsnefndar var samþykkt að landeiganda verði heimilt að leggja fram endurbætta tillögu að breytingu á gildandi deiliskipulagi þar sem tekið verður á þeirri náttúruvá sem af sprunguhreyfingum getur orðið og staðsetning byggingareita innan lóðanna verði fyrir komið þar sem mannvirki í nálægð við sprunguna verði fyrir sem minnstum áföllum vegna hennar. Velja skuli staðsetningu mannvirkja þar sem hraunbreiðan er sléttust og minnst sprungin svo takmarka megi áhrif af völdum hreyfingar og mögulegra skjálfta. Lögð er fram ný tillaga frá Eflu dags. 17.9.2021

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á svæði úr löndum sveitarfélagsins vestan við Gunnarsholtsveg norðan Suðurlandsvegar, þar sem hluti af núverandi skógræktar- og landgræðslusvæði SL1 verði gert að íþróttasvæði ÍÞ6. Tillaga að breytingu var auglýst frá og með 25.8.2021 til og með 6.10.2021. Athugasemd barst frá hestamönnum og eigendum hesthúsa á Hellu þar sem mótmælt er fyrirhugaðri staðsetningu á akstursíþróttasvæði. Ábending barst frá Heilbrigðiseftirliti Suðurlands um að landmótun væri starfsleyfisskyld. Ábending varðandi hljóðvist barst frá Umhverfisstofnun ásamt að gera þyrfti frekari grein fyrir mótvægi gegn rykmengun.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á nokkrum lóðum úr Þjóðólfshaga, þar sem núverandi frístundabyggð verði gerð að landbúnaðarsvæði að nýju. Bæst hafa við lóðir frá fyrri breytingu. Tillaga að breytingum var auglýst frá 25.8.2021 til og með 6.10.2021. Athugasemd barst frá Umhverfisstofnun þar sem stofnunin telur mikilvægt að tillagan taki á samræmi við kafla 2.1.1. í landsskipulagsstefnu og núgildandi aðalskipulagi.

Sveitarstjórn Rangárþings ytra hefur samþykkt að gera breytingar á skilgreiningu landnotkunar í aðalskipulagi á Gaddstöðum, þar sem núverandi frístundabyggð verði gerð að íbúðabyggð. Bæst hafa við nokkrar lóðir frá fyrri breytingu. Tillaga var auglýst frá og með 25.8.2021 til og með 6.10.2021. Ábending barst frá Skipulagsstofnun um að skýra þyrfti betur skipulagsákvæði í greinargerð varðandi umfang íbúðabyggðarinnar. Athugasemd barst frá Heilbrigðiseftirliti Suðurlands um að skýra þurfi betur afmörkun vatnsverndarsvæðis við nærliggjandi vatnsból sem þjónar t.d. byggðinni í Þykkvabæ. Athugasemd barst frá Umhverfisstofnun þar sem stofnunin telur mikilvægt að tillagan taki á samræmi við kafla 2.1.1. í landsskipulagsstefnu og núgildandi aðalskipulagi.

Lóðarhafi og eigandi lóðar nr. 4 við Borgarbraut í Þykkvabæ hefur fengið heimild sveitarstjórnar til breytinga á landnotkun lóðar sinnar í aðalskipulagi sveitarfélagsins, þar sem núverandi íbúðarnotkun verði breytt í verslunar- og þjónustunot. Viðkomandi hefur rekið ferðaþjónustutengda starfsemi á lóð sinni í fjölda ára og hefur hug á að auka við möguleika sína. Umrædd lóð er upphafslóð núverandi íbúðabyggðar að Borg. Tillaga að breytingu var auglýst frá og með 25.8.2021 til og með 6.10.2021.

Við endurskoðun Aðalskipulags Rangárþings ytra 2010-2022 var gerð breyting á afmörkun grannsvæðis vatnsverndar við Tvíbytnulæk og Kerauga eftir rannsóknir og skýrslu ÍSOR-2016/067. Sú breyting skilaði sér ekki inn í gögn/heimasíðu ISOR, sveitarfélags eða til landeigenda. Í ljósi þessa óskaði sveitarfélagið eftir því að ÍSOR endurskoðaði afmörkun grannsvæðis vatnsverndar við Tvíbytnulæk og Kerauga. Lýsing skipulagsáætlunar var kynnt frá og með 21.4.2021 til og með 14.5.2021. Athugasemd barst frá þremur landeigendum úr Litla-Klofa. Lögð er fram tillaga skipulagsáforma frá Eflu dags. 4.10.2021.

Að beiðni eigenda 12 lóðar úr landi Litla Klofa 2 hefur sveitarstjórn heimilað að landotkun lóða þeirra verði breytt úr frístundasvæði í landbúnaðarsvæði. Um er að ræða stærstan hluta úr svæði merkt F37 í aðalskipulagi Rangárþings ytra 2016-2028. Allar lóðirnar eru samliggjandi og liggja allar neðan við Stóru-Valla veg. Ekkert deiliskipulag liggur fyrir. Fimm lóðir verða áfram í frístundanotkun og eru þær allar samliggjandi í jaðri svæðisins að mörkum Stóru-Valla. Lýsing skipulagsáætlunar var kynnt frá og með 21.4.2021 til og með 14.5.2021. Lögð er fram tillaga skipulagsáforma frá Eflu dags. 5.10.2021.

Eigendur Bjalla 1, L229405, Ingibjörg Hulda Yngvadóttir og Ingvar Þór Magnússon óska eftir framkvæmdaleyfi til ræktunar skógar á samtals 44,4 ha svæði úr jörð þeirra, skv. meðfylgjandi gögnum málsins. Samningur liggur fyrir við Skógræktina þar sem afmarkað er það svæði sem ætlað er til skógræktar. Uppdráttur frá Skógræktinni dags. 26.7.2021.

Landeigendur og lóðarhafar í Árbæjarhelli 2 óska eftir að fá að gera breytingar á gildandi deiliskipulagi frá 2016, breytt 2017. Breytingar eru í skipulagsferli á landnotkun í aðalskipulagi þar sem svæðinu verður breytt úr frístundasvæði í íbúðasvæði og taka framlagðar breytingar nú mið af því.

Umhverfisstofnun í samráði með hagsmuna- og rekstraraðilum í Landmannahelli leggur fram tillögu að breytingum á gildandi deiliskipulagi fyrir svæðið. Helstu breytingar eru þær að óbyggðar lóðir verði felldar út, lóðamörkum einstakra lóða breytt, bætt við möguleikum á byggingu þjónustuhúsa og gert ráð fyrir tjaldsvæðum bæði á efra svæðinu og á bökkum Helliskvíslar. Skipulagsnefnd féllst ekki á að felldar yrðu út tvær lóðir úr fyrra skipulagi og hafnaði því erindi umsækjenda. Sveitarstjórn staðfesti niðurstöðu nefndarinnar. Samráðsfundur var haldinn með aðilum og málin reifuð. Lögð er fram greinargerð Umhverfisstofnunar þar sem gerð er frekari grein fyrir áherslum málsins.

Íslenska nýsköpunarfyrirtækið ehf hefur lagt fram tillögu að deiliskipulagi fyrir lóð sína fyrir starfsemi leiðtoga- og kyrrðarseturs. Áform eru uppi um byggingar á gistiskálum og kennslustofum. Tillagan var auglýst frá og með 28.7.2021 til og með 8.9.2021. Athugasemd barst frá Heilbrigðiseftirliti Suðurlands um að gera þurfi betur grein fyrir útfærslu fráveitu.

Hermann Ólafsson fyrir hönd eigenda að Fosshólum 3 og 4 hefur lagt fram tillögu að deiliskipulagi. Deiliskipulagið gerir ráð fyrir að á hvorum stað megi byggja íbúðarhús, gestahús og reiðhöll / skemmu. Tillagan var auglýst frá og með 28.7.2021 til og með 8.9.2021. Ábending barst frá Vegagerðinni um að sýna þurfi svæði undir veghelgun. Athugasemd barst frá Minjastofnun um að færa þurfi staðsetningu og útlínur gamals garðs inná skipulagsuppdrátt.

Unnið er að gerð deiliskipulags fyrir atvinnusvæði sunnan Suðurlandsvegar á Hellu. Um er að ræða svæði austast í þéttbýlinu, verslunar- og þjónustusvæðið VÞ20, athafnasvæðið AT4 og iðnaðarsvæðið I26. Í deiliskipulaginu verða afmarkaðar lóðir, settir byggingarskilmálar og gerð grein fyrir götum, bílastæðum, frágangi á lóðamörkum o.fl. Tillaga að deiliskipulagi var auglýst frá og með 23.6.2021 til og með 3.8.2021 og bárust engar athugasemdir frá umsagnaraðilum en athugasemd barst frá skipulagsstofnun um að skýra þurfi betur legu veitna innan svæðis og einnig að svo virðist sem stærð og afmörkun iðnaðarsvæðis sé í ósamræmi milli aðal- og deiliskipulags.

Rangárþing ytra hefur samþykkt að vinna að gerð deiliskipulags fyrir Fossabrekkur. Lögð er fram lýsing skipulagsáætlunar.