Skipulags- og umferðarnefnd Rangárþings ytra

Eigendur Skemmtigarðsins ehf leggja fram hugmyndir um að hefja rekstur ferðaþjónustu á bökkum Rangár eins og meðfylgjandi uppdráttur frá Landnotum dags. 29.9.2022 sýnir. Óskað er eftir heimild til breytingar á gildandi deiliskipulagi Gaddstaðaflata, Hesthúsasvæði, frá Steinsholti, dags. 29.10.2015. Um er að ræða 10 stök gistirými með sjálfstæðu baðherbergi, eldhúsi og heitum potti. Hvert gistirými getur hýst 4 fullorðna og verður um 38 m² ásamt gufubaði fyrir hver 3 rými og þjónustuhúsi fyrir starfsfólk. Gert er ráð fyrir að minnsta kosti 15m fjarlægð á milli rýma og að engin rými nái nær árbakka en 10m. Aðilar verkefnisins, Eyþór og Snorri, skýra út áform sín.

Eigendur Eystri-Kirkjubæjar óska eftir að fá að skipta úr landi sínu, alls fjórum spildum. Spildurnar verða Eystri-Kirkjubær 1, L234779, stærð 1,4 ha; Eystri-Kirkjubær 2, L234780, stærð 1,2 ha; Eystri-Kirkjubær 3, L234781, stærð 1,5 ha og Eystri-Kirkjubær 4, L234782, stærð 3,0 ha og eru skilgreindar í samræmi við gildandi deiliskipulag dags. 3.8.2021. Umsókn send 18.10.2022.

Eigandi Leirubakka 2, Efra-Fjallalands, L232306, óskar eftir að fá að skipta úr landi sínu alls 13 frístundalóðum, sem afmarkaðar eru í samræmi við gildandi deiliskipulag svæðisins dags. 4.10.2022. Lóðirnar munu bera heitið Efra-Fjallaland og einkvæð númer innbyrðis. Lóðir eru nr. 20, 22, 224, 26, 28, 30, 32, 34, 36, 38, 40, 42 og 44. Stærðir lóða eru á bilinu 6894 m² - 10392 m². Landeignanúmer eru frá L234766 til og með L234778. Upprunalandið Leirubakki 2 minnkar sem nemur útskiptum spildum. Landskipti eru í samræmi við lóðablöð frá Eflu dags. 5.10.2022.

Eigandi Áerbæjarhjáleigu 2 óskar eftir að fá að stofna lóð úr jörð sinni. Lóðin yrði 210 m² stærð, fengi heitið Árbæjarhjáleiga 2B og landeignanúmerið L234896. Afmörkun er í samræmi við deiliskipulag.

Sveitarfélagið sem landeigandi að svæði akstursíþrótta við Rangárvallaveg, hefur hug á að stofna lóðir í samræmi við skipulag svæðisins. Lóðirnar fengju heitin Rangárvallavegur 1, 3 og 5 í samræmi við stærð, staðsetningu og númeringu í skipulagi.

Eigendur Stóru-Valla L165011 óska eftir að fá að skipta út tveimur lóðum úr jörð sinni. Annars vegar 12 ha spildu sem fengi heitið Stóru-Vellir 2 og landnúmerið Lxxxxxx og hins vegar 11 ha spilda sem fengi heitið Stóru-Vellir 3 og landnúmerið Lxxxxxx. Jafnframt er óskað eftir að stofnuð verði 3,8 ha lóð sem fengi heitið Sléttuvellir og sú lóð sameinist lóðinni Stóru-Vellir lóð, L200571 og héldi heitinu. Uppdráttur landskipta frá Landnotum dags. 1.11.2022.

Byggingarfulltrúi Rangárþings ytra hefur móttekið umsókn Tómasar Ellerts Tómassonar um leyfi til að byggja tvggja hæða íbúðarhús ásamt bílskúr á lóð sinni, Áströð 5, skv. aðaluppdráttum frá VOR, Verkfræði og ráðgjöf, dags. 28.8.2022. Vegna ósamræmis við gildandi deiliskipulag varðandi mænishæð er erindið lagt fyrir skipulags- og umferðarnefnd. Nefndin samþykkti að erindið skildi grenndarkynnt og fór kynning fram bréfleiðis. Fresti til athugasemda lauk 7. október og bárust engar athugasemdir.

Málefni lóðarhafa á Stóru-Völlum gagnvart umferðarrétti. Borist hefur erindi frá Landslögum fyrir hönd lóðarhafa og jarðareigenda þar sem því er beint til sveitarfélagsins að hlutast til um opnun vegarins frá Minni-Völlum í gegnum Stóru-Velli og jafnframt að fjarlægt verði lokunarskilti sem eigendur lóðar innan Stóru-Valla hafa sett upp til varnar umferð gegnum lóð sína.

Elísabet Guðbjörnsdóttir frá Ljósleiðaranum ehf óskar eftir framkvæmdaleyfi til lagningar ljósleiðara frá Þjórsá í vestri að Hólsá í austri. Tillaga að lagnaleið lögð fram. Bréf frá Fjarskiptastofu lagt fram þar sem stofnunin leggur áherslu á mikilvægi umræddrar framkvæmdar. Fjölamrgar athugasemdir bárust frá landeigendum í lagnaleiðinni sem varð til þess að óskað var eftir áliti Úrskurðarnefndar umhverfis- og auðlindamála. Álit nefndarinnar er hér lagt fram en niðurstaða nefndarinnar er að umrædd framkvæmd skuli ekki háð framkvæmdaleyfi sveitarfélagsins.

Samráðsfundur með Vegagerðinni. Lagt fram minnisblað eftir fund.

Umferðarmál innan Rangárþings ytra, merkingar og yfirferð. Lögð er fram framkvæmdaáætlun frá Þjónustumiðstöð um fyrirhugaðar lagfæringar og uppsetningar á merkjum og merkingum.

Gunnlaugur S. Ólafsson fyrir hönd eiganda að Húsagarði óskar eftir að fá að leggja fram deiliskipulag af bæjarstæði og nágrenni Húsagarðs. Gera skuli ráð fyrir lóðum undir sumarhús, skemmur og gripahús og fl. Umsókn send inn 31.10.2022.

Eigandi Hrafnhólma og Hrafntófta 3 hefur lagt fram deiliskipulag af lóðunum. Gert er ráð fyrir byggingu íbúðarhúss, gestahúss og skemmu á hvorri lóð skv. skipulagsgögnum frá Eflu dags. 4.5.2022. Í lokaafgreiðslu skipulagsstofnunar kom fram að leita skuli eftir undanþágu frá ráðuneyti frá grein 5.3.2.5 í skipulagsreglugerð vegna fjarlægða milli bygginga og vega.

Breyting á núverandi deiliskipulagi felur í sér byggingarreit fyrir einbýlishús á sér lóð. Þinglýst aðkoma að Beindalsholti 2 ásamt aðkomu að nýju einbýli og að eldra einbýlishúsi á Beindalsholti verði færð og þannig aðskilin aðkomu að ferðaþjónustu sem er nú þegar starfrækt á Beindalsholti. Þessi breyting kemur til með að minnka allt ónæði vegna umferðar tengdri ferðaþjónustunni og þar af leiðandi skapa meira næði fyrir ábúendur. Tillagan var auglýst frá og með 21.9.2022 til og með 2.11.2022.

Eigandi lóðarinnar Rangá veiðihús L198604 hefur lagt fram tillögu að deiliskipulagi fyrir lóð sína þar sem gert er ráð fyrir byggingu alls fjögurra húsa en fyrir eru tvö hús. Uppdráttur og greinargerð frá Eflu dags. 25.8.2022. Tillagan var auglýst frá og með 21.9.2022 til og með 2.11.2022.

Sveitarfélagið í samráði með Isavia og flugklúbbnum á Hellu hefur unnið að gerð deiliskipulags fyrir flugvallarsvæðið. Lögð er fram tillaga að deiliskipulagi frá Landhönnun þar sem gert er ráð fyrir lóðum undir flugtengda starfsemi.

Sveitarstjórn Rangárþings ytra hefur samþykkt að gera þurfi nauðsynlegar breytingar á landnotkun í aðalskipulagi sveitarfélagsins þar sem núverandi opið svæði norðan við grunnskólann og núverandi knattspyrnuvöll á Hellu, merkt OP2 á uppdrætti og í greinargerð aðalskipulagsins, verði gert að íþróttasvæði. Um er að ræða u.þ.b. 10 ha svæði. Tillagan var auglýst frá og með 2.2.2022 til og með 16.3.2022. Athugasemd og ábending barst frá íbúa við Hólavang þess efnis að ekki verði byggt of nærri lóðamörkum lóða við Hólavang og að ekki verði hróflað við "hólnum". Þá verði áformuð hæð mannvirkja og áformuð flóðlýsing hugsanleg skerðing á hagsmunum fasteignaeigenda. Skipulagsstofnun telur að ekki hafi verið brugðist nægilega við ábendingum þeirra og því þurfi að fjalla um erindið aftur áður en að tillagan öðlast gildistöku.

Svarbréf til þeirra sem skiluðu inn umsögnum vegna heildarendurskoðunar á aðalskipulagi Rangárþings eystra 2020-2032.

Breyting á gildandi deiliskipulagi dags. 25.11.2021 þar sem jarðstreng Rimakotslínu 2 er bætt við á uppdráttinn, lega götunnar Faxaflatir breytist lítillega, staðföng eru uppfærð og tveimur lóðum undir spennistöðvar bætt inn. Breyting í samræmi við gögn frá Eflu dags. 31.10.2022.

Landsnet vinnur að verkhönnun stækkunar tengivirkisins á Hellu í tengslum við styrkingu dreifikerfisins á Suðurlandi. Fyrir liggur að lengja þarf rofasalinn um 4-5 metra, sem er með 66kV rofabúnaði, en reiturinn er ekki deiliskipulagður.
Lögð er fram tillaga að deiliskipulagi frá Eflu dags. 31.10.2022.

Vegna legu nýs jarðstrengs frá Landsneti fyrir Rimakotslínu 2 þarf að gera breytingar á gildandi deiliskipulagi þar sem umræddur jarðstrengur er settur inn á uppdráttinn. Staðsetning hans hefur ekki áhrif á afmörkun byggingareits eða lóðar vegna Suðurlandsvegar 2-4.