Skipulags- og umferðarnefnd Rangárþings ytra

Landeigandi óskar eftir að fá að skipta úr jörð sinni, svæði sem tileinkað var lóð nr. 13 í gildandi deiliskipulagi, en hefur aldrei verið stofnað. Lóðin er 9091,0 m² að stærð og fengi landeignanúmerið L235491 og heitið Þjóðólfshagi 13. Jörðin Þjóðólfshagi 1, L165164 minnkar sem nemur nýrri lóð og verður 179,6 ha í samræmi við uppdrátt frá Landnotum dags. 24.1.2023.

Eigendur Meiri-Tungu 1, L165129 óska eftir að fá að skipta úr jörð sinni tveimur spildum. Jörðin er skráð með 0-stærð í Þjóðskrá en samkvæmt uppdráttum virðist hún vera um 160 ha að stærð. Fyrri spildan yrði 40,2 ha, fengi heitið Meiri-Tunga 1A og landeignanúmerið Lxxxxxx. Seinni spildan yrði 98,6 ha að stærð, fengið heitið Meiri-Tunga 1B og landeignanúmerið Lxxxxxx. Meiri-Tunga 1, L165129, yrði um 19,1 ha að stærð eftir skiptin og er í samræmi við uppdrætti frá Landnotum dags. 25.11.2022.

Fulltrúar félagasamtakanna Vinir Íslenskrar náttúru segja frá hlutverki félagsins og áherslum við skipulag skógræktarsvæða.

Forsætisráðuneytið hyggst halda fund mánudaginn 22. maí nk. kl. 13:00 í Litla-sal, Hvoli á Hvolsvelli. Efni fundarins eru málefni þjóðlendna.
Yfirleitt hefur ráðuneytið farið í fundarferð um landið og fundað með sveitarstjórnum (sem eru með þjóðlendur innan sinna marka) á hverju vori. Síðustu ár hafa þó verið nokkuð skrýtin, covid 2020 og 2021 og svo voru sveitarstjórnarkosningar 2022. Ráðuneytið hefur því ekki farið í þessa árlegu fundarferð sína síðan 2019. Ætlunin er að taka þessar fundarferðir aftur upp. Ætlunin er að byrja á Suðurlandi og fikra okkur svo áfram hringinn í kring um landið
Fyrirhugað er að bjóða forsvarsmönnum fjallskilanefnda með á fundinn.

Páll Jóhannsson íbúi á horni Langasands og Eyjasands óskar eftir að sett verði upp hraðahrindrun á Langasand á mótum umræddra gatna.

Skipulags- og byggingarfulltrúi óskar eftir af persónulegum ástæðum að næsti fundur nefndarinnar sem áformaður er þann 4. maí nk og er í samræmi við útgefna fundaráætlun verði færður til föstudagsins 28. apríl.

Staða byggingarleyfismála í marsmánuði kynnt

Landsvirkjun óskar eftir framkvæmdaleyfi til leitar á heitu og köldu vatni í landi Hvamms.

Landsnet áformar að leggja 132 kV jarðstreng, Rimakotslínu 2 (RI2), milli tengivirkis Landsnets við Hellu og tengivirkis Landsnets í Rimakoti. Óskað er eftir framkvæmdaleyfi vegna fyrirhugaðra framkvæmda við lagningu jarðstrengja fyrir Rimakotslínu 2 í samræmi við meðfylgjandi framkvæmdalýsingu og yfirlitskort frá Mannvit dags. 20.3.2023.

Sverrir G. Kristinsson umsjónarmaður hestagerðis í Landmannalaugum óskar eftir leyfi til að bera efni í gerðið í vor, strax og aðstæður leyfa þar sem núverandi ástand er alls óviðunandi. Efnið sem væri æskilegast að nota er vikur úr efnisnámum við Tjörvafell.

Eigandi Gaddstaðaeyjar leggur fram fyrirspurn um heimildir til skipulags. Um er að ræða byggingu brúar út í eyjuna sem þolir bílaumferð og umferð gangandi fólks. Áform eru um að skipuleggja eyjuna til íbúðahúsabyggðar (fastrar búsetu) og fyrir verslun og þjónustu. Að auki verði eyjan skipulögð til útivistar með lagningu göngustíga og fl.

Landeigandi óskar heimildar til að leggja fram tillögu að deiliskipulagi fyrir spildu sína, Svínhagi L7C, L222402. Á svæðinu verði gert ráð fyrir byggingu frístundahúss, vinnustofuhúss, bílgeymslu og gróðurhúss ásamt 2-3 gestahúsum. Lögð er fram tillaga að deiliskipulagi.

Andri Guðmundsson og Árni Freyr Magnússon í fullu umboði landeiganda óska eftir að fá að leggja fram deiliskipulag af hluta jarðarinnar Ægissíða 1, L165446. Tillagan tekur til uppbyggingar á ferðaþjónustu þar sem gert er ráð fyrir 12 plastkúlum, þjónustuhúsi og bílastæði. Gögn frá Landmótun dags. 22.3.2023.

Eigendur F-lóða í landi Haukadals ásamt Stóragili óska eftir að gera breytingar á gildandi deiliskipulagi dags. 19.2.2009 þar sem byggingarmagn er aukið. Engar aðrar breytingar verða.

Umhverfis- og tæknisvið Uppsveita fyrir hönd Ásahrepps óska eftir umsögn vegna tillögu að deiliskipulagi fyrir Hald á Holtamannaafrétti. Um er að ræða fjallasel þar sem í tillögunni er staðfest núverandi landnotkun, auk þess að gera ráð fyrir byggingu tveggja nýrra skála. Skipulagsgögn frá Eflu dags. 14.11.2022.

Rangárþing ytra hefur ákveðið að hefja vinnu við skipulag grænna iðngarða á skilgreindu iðnaðarsvæði I1. Aðkoma að svæðinu er af Kirkjubæjarvegi nr. 2704. Sveitarfélagið hyggst byggja upp Grænan iðngarð á svæðinu og skipuleggja lóðir og mannvirki undir hverskonar starfsemi sem fellur að hringrásarhugsun grænna iðngarða. Sem miðar að því að ólík fyrirtæki hefja starfsemi á skipulögðu svæði og nýta ólíka efna- og orkustrauma sem verða til í sambúð þeirra. Sérstaklega verður hugað að yfirbragði byggðar í sátt við umhverfi og náttúru. Norðan svæðis er móttöku og flokkunarstöð að Strönd, sem eftir atvikum geti tengst starfsemi grænna iðngarða. Lýsing hefur verið kynnt og lögð er fram tillaga frá Eflu dags. 24.3.2023.

Eigendur lóða innan núverandi sumarhúsasvæðis í Þjóðólfshaga hafa óskað eftir eða ekki gert athugasemdir við ákvörðun sveitarstjórnar um að landnotkun lóðanna verði breytt úr frístundanotkun í íbúðarbyggð þar sem áform eru uppi um skráningu lögheimilis á svæðinu. Landnotkun nokkurra lóða hefur þegar verið breytt í íbúðarnotkun. Lögð er fram lýsing skipulagsáforma frá Eflu dags. 23.3.2023.

Landeigandi hefur lagt fram tillögu að deiliskipulagi af lóð sinni, Svínhaga L7A. Gert er ráð fyrir uppbyggingu ferðaþjónustu með byggingu allt að 8 gistiskála auk aðkomuvega og bílastæða. Tillagan var kynnt frá og með 15.2.2023 til og með 29.3.2023. Athugasemdir bárust frá umsagnaraðilum og nærliggjandi lóðarhafa. Lögð er fram uppfærð tillaga að deiliskipulagi frá Landmótun dags. 29.3.2023.

Ingveldur Sæmundsdóttir eigendi að Stokkalæk 1b lóð 1 hefur lagt fram tillögu að deiliskipulagi af svæðinu. Um er að ræða u.þ.b. 4,4 ha lóð þar sem afmarka á byggingareiti fyrir íbúðarhús, bílskúr og skemmu, hesthús og gestahús. Jafnframt er óskað eftir að heiti lóðarinnar verði breytt í Kirkjuhól. Tillaga var auglýst frá og með 15.2.2023 til og með 29.3.2023. Athugasemdir bárust frá umsagnaraðilum.

Eigandi lóða nr, 20, 21 og 22 við Gaddstaði hefur fengið heimild til að leggja fram deiliskipulag af breytingum á lóðamörkum lóða sinna. Lögð er fram tillaga að breytingu frá Eflu dags. 31.3.2023.