Skipulagsnefnd Rangárþings ytra

Ingi Ingvarsson fyrir hönd Litla Hofs ehf óskar eftir að fá að skipta landi sínu upp í spildur skv. meðfylgjandi uppdráttum. Lóð L6 verði skipt í 3 lóðir, L6, L6a og L6b. Lóð L7 verði skipt í 4, lóðir, L7, L7a, L7b og L7c. Lóð L8 verði skipti í 3 lóðir, L8, L8a og L8b. Eignarhald á umræddum spildum var staðfest við landskipti úr landi Svínhaga 17.12.2009.

Landeigendur Heiðar, Heiðarbrekku og Nesbakka óska eftir landskiptum á milli jarðanna þar sem óskiptu landi allra jarðanna er skipt skv. meðf. uppdrætti. Allir nærliggjandi landeigendur hafa staðfest landamerki með samþykki sínu.

Eiríkur Benjamínsson óskar eftir landskiptum úr jörðinni Ölversholt 5, landnr. 219185. Ný lóð verði 10,2 ha. að stærð og fengi landnr. XXXXXX.

Rangárþing ytra hefur samþykkt að gera breytingar á deiliskipulagi Öldur II á Hellu. Núverandi deiliskipulag er síðan 2004. Breytingin verður þannig að innan lóðar nr. 9-13 verður heimilt að byggja fjögurra íbúða raðhús í stað þriggja íbúða áður. Aðkomu bíla við endalóðir verður breytt lítillega á kostnað lóðarinnar nr. 7 við sömu götu. Íbúðirnar verða númeraðar 9, 11a, 11b og 13.
Grenndarkynning fór fram á tímabilinu 20.12.2013 - 17.1.2014 og bárust engar athugasemdir við tillöguna. Við lokaafgreiðslu Skipulagsstofnunar kom hins vegar í ljós að deiliskipulag fyrir Öldur II hefur ekki verið birt í B-deild stjórnartíðinda á sínum tíma og er því ekki í gildi.

Drífa Kristjánsdóttir og Björn Þorgrímsson hafa fengið heimild sveitastjórnar til að deiliskipuleggja land sitt úr landi Svínhaga merkt SH-17. Áform eru uppi um að byggja einbýlishús ásamt bílgeymslu, gestahúsum og véla- og tækjageymslu. Landið er 3,1 ha. að stærð. Lögð er fram tillaga að deiliskipulagi.

Deiliskipulag fyrir RS-9 úr landi Svínhaga var sett í ferli á árinu 2011 en hefur ekki verið lokið. Málið er því tekið aftur til meðferðar skv. 41. gr. skipulagslaga.

Lárus Einarsson hefur fengið heimild til deiliskipulagsgerðar á lóð sinni í landi Ketilhúshaga, lóð nr. 47, landnr. 218198. Lögð er fram tillaga að deiliskipulagi.

Þórhallur Ólafsson fyrir hönd Neyðarlínunnar ohf hefur fengið heimild til skipulagsgerðar við Laufafell vegna byggingar á vatnsaflsvirkjun til reksturs fjarskiptastöðvar þeirra við Laufafell.
Tillagan var auglýst frá 10.3.2014 til 24.4.2014. Athugasemdir bárust frá Vegagerð ríkisins um samvinnu við lagningu vatnslagnar með veginum. Ekki bárust aðrar athugasemdir.

Torfi Kristjánsson fyrir hönd landeigenda hefur óskað eftir því að vatnsveita verði sett inná skipulag. Starfsleyfi hefur verið veitt á vatnsveituna þar sem fyrirhugað er að eigandi Svínhaga muni nýta sér hana. Lögð er fram lýsing á skipulagsáætlunum.

Ólöf Rún Tryggvadóttir óskar eftir því að gerð verði breyting á landnotkun á hluta af jörð sinni í aðalskipulagi Rangárþings ytra. Jörðin nefnist Fögruvellir og er um 32 ha. úr landi Stóru-Valla. Lögbýli er skráð á jörðina. Breyting verði út frístundasvæði í landbúnaðarsvæði. Áform umsækjanda eru að fytja lögheimili sitt á jörðina á næstu árum.

Orkufjarskipti hf óska eftir framkvæmdaleyfi til að leggja ljósleiðarastreng frá Snjóöldufjalli að Hörðubreiðarhálsi. Um er að ræða 1. áfanga að lögn ljósleiðara frá Snjóöldu að Kirkjubæjarklaustri.
Ljósleiðaralagning fellur ekki undir lög um mat á umhverfisáhrifum.

Birgir Leó Ólafsson fyrir hönd Áfanga ehf óskar eftir leyfi til að reisa salernis- og sturtuhús í Áfangagili. Ekki er í gildi deiliskipulag fyrir Áfangagil en í aðalskipulagi er það skilgreint sem fjallasel.

Kristinn Scheving leggur fram fyrirspurn um hvort heimilt sé að byggja við hesthús sitt á lóð nr. 10 við Hesthúsveg. Núverandi hús verði lengt um 2 metra til austurs.