Sorpstöð Rangárvallasýslu bs

Víðir Reyr Þórsson nýráðinn framkvæmdastjóri SOR mætti á sinn fyrsta fund og fór yfir rekstrarmál sem tengast SOR.

Stjórn býður Víði velkomin til starfa

Á fundinn mætir Ragnhildur Ragnarsdóttir frá Rögn ráðgjöf og fer yfir drög að skipuriti SOR, starfslýsingunm og fleiri upplýsingar sem tengist starfssemi SOR. Stjórn samþykkir nýtt skipurit fyrir starfssemi SOR.
Stjórn felur formanni í samráði við framkvæmdastjóra að vinna málið áfram.

Samþykkt samhljóða.

Á fundinn mætir Steinunn Erla Kolbeinsdóttir frá Lögmönnum Suðurlandi í fjarfundi
og fer yfir tillögur og hugmyndir um breytingar á samþykktum SOR.

Stjórn leggur til að Steinun skili endanlegri tillögu að breytingum á samþykktum SOR í samræmi við umræður á fundinum fyrir næsta stjórnarfund.

Samþykkt samhljóða.

Klara Viðarsdóttir, fjármálastjóri fór yfir ársreikning Sorpstöðvarinnar.Samkvæmt ársreikningi gekk reksturinn ágætlega á árinu 2024. Tekjur voru hærri m.a. vegna aukningu á mótteknu úrgangsmagni og greiddri flutningsjöfnun frá Úrvinnslusjóði. Tekjurnar námu 317,5 m.kr. og gjöldin 245,3 m.kr. Afkoman var jákvæð eftir fjármagnsliði um 49,5 m.kr. Eigið fé í árslok nam 185,8 m.kr.

Ársreikningur samþykktur og áritaður af stjórn.

Lögð fram til kynningar drög að þjónustusamningi, útboðsskilmálum og auglýsingu í tengslum við viljayfirlýsingu Sorstöðvarinnar og Sorporku ehf.

Málinu frestað til næsta fundar stjórnar.