Sorpstöð Rangárvallasýslu bs

Framkvæmdastjóri fór yfir umsóknir sem bárust um starf verkstjóra á Strönd og störf verkamanna auk umsókna um sumarstörf.

Stjórn samþykkir að ráða Þorvald Helgason sem verkstjóra á Strönd og einnig að ráðnir verði tveir í starf verkamanna auk þriggja sumarstarfsmanna. Framkvæmdastjóra falið að ganga frá ráðningarsamningum við viðkomandi.

Önnur starfsmannamál færð í trúnaðarmálabók.

Samþykkt samhljóða.

Lagðar fram upplýsingar um opnunartíma á Strönd og framkvæmdastjóri fór yfir tillögur um breytingar á opnunartíma.

Stjórn samþykkir að lokað verði á Strönd fyrir almenna sorpmóttöku á mánudögum til að mæta styttingu vinnuvikunnar og ekki verði breytingar á opnunartíma milli sumars og veturs þannig að núverandi vetraropnunartími gildi allt árið. Breytingarnar taki gildi 1. júní n.k.

Samþykkt samhljóða.

Lagt fram til kynningar svar við fyrirspurn um þróun starfsmannamála 2022-2024.

Lögð fram drög að matsáætlun vegna umhverfismats framkvæmda vegna sorporkuvers á Strönd.

Stjórn leggur til að matsáætlunin verði samþykkt og send til Skipulagsstofnunar, sbr. 21. gr. laga um umhverfismat framkvæmda og áætlana, nr. 111/2021.

Samþykkt samhljóða.

Stjórn samþykkir drög að auglýsingu vegna þjónustusamnings til brennslu á 2500 tonnum/ári á Strönd af óendurnýtanlegum úrgangi frá heimilum, fyrirtækjum og iðnaði á starfssvæðinu með þeim fyrirvörum að skipulag, umhverfismat og starfsleyfi á Strönd verði samþykkt.

Samþykkt samhljóða.

Farið yfir rekstraryfirlit janúar-mars 2025.

Hulda fór yfir rekstur fyrstu þrjá mánuði ársins. Reksturinn er í samræmi við áætlanir.