Sorpstöð Rangárvallasýslu bs

Á fundinn mæta Stefán Guðsteinsson og Ármann Kr. Ólafsson frá Sorporku og Stefán Gíslason frá Environice til að fara yfir mögulegar útfærslur á uppröðun brennslulínu o.fl.

Jafnframt er lögð fram drög að þjónustusamningi með athugasemdum sem SOR þyrfti að skoða í tengslum við verkefnið.

Stjórn þakkar fyrir góða kynningu.

Á fundinn mætir Stefán Gíslason frá Environice til að fara yfir drög að umhverfismatskýrslu vegna sorporkuvers á Strönd.

Stjórn þakkar fyrir góða kynningu og samþykkir að skýrslan verði send til Skipulagsstofnunar.

Víðir Reyr Þórsson framkvæmdastjóri SOR fór yfir ýmis rekstrarmál sem tengjast SOR. Verkfræðistofan Cowi er að vinna að hönnun á lokafrágangi urðunareinar á Strönd. Í framhaldi af því þarf að fara í endurskoðun á starfsleyfi á Strönd.

Farið yfir rekstrar- og fjárfestingaryfirlit janúar-september 2025.

Lagt fram til kynningar.

Lagður fram viðauki við fjárhagsáætlun 2025. Helstu breytingar skv. honum er að gert er ráð fyrir að tekjur hækki um 25,2 m.kr vegna aukins móttekins úrgangs og hærri flutningsjöfnunar. Þá hækka laun um 16,4 m.kr vegna fjölgunar stöðugilda og uppgjörs, annar rekstarkostnaður hækkar um 6,7 m. kr. og afskriftir lækka um 3,9 m. kr. Gert er ráð fyrir að fjárfesting hækki úr 43. m. kr. í 60,5 m.kr. Áhrif á rekstarniðurstöðuna er jákvæð um 6 m.kr.

Stjórn samþykkir viðaukann og vísar honum til staðfestingar aðildarsveitarfélaga.

Tillaga að gjaldskrá 2026 lögð fram. Lagt er til að sorphirðu- og sorpeyðingargjöld hækki um 3,5%. Móttökugjöld á gjaldskyldum úrgangi hækka ekki nema blandaður heimilisúrgangur hækkar um 9% vegna hækkunar á afsetningu. Þá er lagt til að óhreint landbúnaðarplast flokkist eins og blandaður úrgangur og tekið vélagjald vegna affermingar á Strönd.

Stjórn samþykkir fyrirliggjandi gjaldskrá og vísar henni til afgreiðslu aðildarsveitarfélaga.

Fjárhagsáætlun 2026 lögð fram. Gert er ráð fyrir að tekjurnar verði 291,8 m.kr. og gjöld fyrir utan fjármagnsliði 293 m.kr. Gert er ráð fyrir að veltufé frá rekstri verði 29,9 m.kr. og að fjárfestingar á árinu 2026 verði 68 m.kr.

Fjárhagsáætlun er samþykkt og vísað til staðfestingar aðildarsveitarfélaga.

Lagt fram erindi frá Villiköttum á Suðurlandi þar sem óskað er eftir styrk til að standa straum að kostnaði vegna veiða og umsýslu á villköttum á Strönd.

Stjórn hafnar því að taka þátt í kostnaði vegna veiða og umsýslu á villiköttum á Strönd.