Sorpstöð Rangárvallasýslu bs

Rekstraryfirlit jan-des 2019 lagt fram til kynningar. Farið yfir tilboð frá Íslenska gámafélaginu og Terra um móttöku úrgangs frá Strönd. Hagkvæmara tilboð barst frá Terra og var ákveðið að semja við þá til eins árs.

Tillaga að endurskoðaðri samþykkt um meðhöndlun úrgangs á starfssvæði Sorpstöðvar Rangárvallasýslu bs. lögð fram og samþykkt samhljóða. Huldu Karlsdóttir falið að koma henni í birtingu í Stjórnartíðindum.

Ýmsar útfærslur á grenndarstöðvum ræddar. Ákveðið að vinna að samræmingu grenndarstöðvanna þriggja á Hellu, Hvolsvelli og við Meiri-Tungu í samstarfi við sveitarfélögin.
Gerð var skoðanakönnun um opnunartíma á Strönd á fésbókarsíðu Sorpstöðvarinnar, og var þátttakan góð. Jafnfram var kannað hvernig opnnartíma er háttað hjá öðrum sveitarfélögum á landinu. Við tillögugerð var tekið mið af þeim upplýsingum sem söfnuðust. Lögð fram tillaga að breyttum opnunartíma á Strönd. Nýr opnunartími tekur gildi 1. mars 2020. Opnunartíminn verður eftirfarandi: apr-sept, mán-fös. kl. 13:30-18 og á lau kl. 10-16, okt-mar, mán-fim. kl. 13:30-17, fös. kl. 13:30-16 og lau kl. 11-15. Lokað verður á sunnudögum. Tillagan borin upp og samþykkt samhljóða.

Lögð fram tillaga að drögum að matsáætlun um brennsluofn fyrir dýrahræ og dýraleifar á Strönd á Rangárvöllum. Tillagan borin upp og samþykkt samhljóða. Tillagan verður kynnt umsagnaraðilum og almenningi og þessum aðilum gefin að lágmarki tveggja vikna frestur til að skila athugasemdum sbr. 16.gr. reglug. nr.60/2015 um mat á umhverfisáhrifum. Óskað verður eftir því við skipulags- og byggingarfulltrúa Rangárþings ytra að koma tillögunni í áðurnefnt ferli. Jafnframt ákveðið að senda tilkynningu til ákvörðunar um matskyldu til Skipulagsstofnunar um brennslu á allt að 500t. af dýraleifum á ári, samhliða mati á umhverfisáhrifum sem nú er í vinnslu.

Ræddar hugmyndir um meðhöndlun lífræns úrgangs hjá Sorpstöð Rangárvallasýslu.