Sorpstöð Rangárvallasýslu bs

212. fundur 05. október 2020 kl. 11:00 - 12:45 Fjarfundur í gegnum ZOOM
Nefndarmenn
  • Ágúst Sigurðsson formaður
  • Ásta Berghildur Ólafsdóttir varaformaður
  • Rafn Bergsson varamaður
Starfsmenn
  • Lilja Einarsdóttir sveitarstjóri
  • Valtýr Valtýsson sveitarstjóri
  • Ómar Sigurðsson embættismaður
  • Hulda Karlsdóttir embættismaður
Fundargerð ritaði: Hulda Karlsdóttir ritari

1.Rekstraryfirlit 2020 - Sorpstöð Rangárvallasýslu bs

2004012

Rekstraryfirlit jan-ágú 2020
Rekstraryfirlit frá janúar til ágúst 2020 lagt fram til kynningar

2.Rekstraráætlun Sorpstöð 2020

1911021

Lagður fram viðauki við rekstraráætlun 2020.
Viðauki 1 við rekstraráætlun 2020 lagður fram. Viðaukinn samþykktur samhljóða.

3.Rekstraráætlun Sorpstöð 2021

2010002

Forsendur og undirbúningur fyrir rekstraráætlun 2021.
Lagt til að hefja rekstraráætlunargerð með samskonar sniði og í fyrra.

4.Brennsluofn fyrir dýrahræ og aðrar dýraleifar

1901058

Stefán Gíslason hjá UMÍS ehf. Environice fer yfir stöðu mála, þ.e. staða á umhverfismati og undirbúningi verkefnisins.
Stefán Gíslason hjá UMÍS ehf. Environice fór yfir þann búnað sem þarf að fylgja brennsluofninum, sem og aðstöðu fyrir hann. Drög að frummatsskýrslu vegna mats á umhverfisáhrifum eru tilbúin og verða send til Skipulagsstofnunar fljótlega.

5.Gjaldskrá Sorpstöð 2020

1911019

Gjaldtaka í móttökustöð.
Rætt um hækkun á móttökugjaldi sláturúrgangs og dýrahræja. Lögð fram tillaga um hækkun á móttökugjaldi þessa úrgangsflokks í 25 kr.kg. án vsk. og var það samþykkt samhljóða. Meginástæða hækkunar er að gjaldaliðurinn stendur ekki undir kostnaði.

6.Farvegur úrgangs frá Sorpstöð Rangárvallasýslu

1901059

Staða mála varðandi farveg úrgangs frá Strönd.
Stefán Gíslason hjá UMÍS Enviorence fór yfir erindi sem Sorpstöðin sendi Umhverfisstofnun í vor þar sem óskað var eftir undanþágu til urðunar á dýraleifum. Komið er svar frá Umhverfisstofnun þar sem starfsleyfi Sorpstöðvarinnar er breytt á þann hátt að tímabundin heimild er veitt vegna urðunar á lífrænum úrgangi þegar lagðar hafa verið fram viðeigandi tryggingar. Ábyrgðartrygging er þegar til staðar. Varðandi starfsleyfistryggingu er tillaga um eftirfarandi bókun:

Sorpstöð Rangárvallarsýslu bs. ábyrgist að staðið verði við þær skyldur sem settar eru fram varðandi frágang og vöktun urðunarstaðar sveitarfélaganna að Strönd (landnúmer L200488), sbr. 61. gr. laga nr. 55/2003 um meðhöndlun úrgangs. Af hálfu Sorpstöðvar Rangárvallarsýslu bs. er litið svo á að yfirlýsing þessi jafngildi starfsleyfistryggingu, sbr. 59. gr. laga nr. 55/2003 og 17. gr. reglugerðar nr. 738/2003 um urðun úrgangs. Ábyrgð þessi gildir í 30 ár eftir lokun urðunarstaðarins.

Samþykkt samhljóða.

Fest hafa verið kaup á pressu til þess að auðvelda flutning á plasti og pappa. Átaki hefur verið hleypt af stað til að hvetja fólk til frekari flokkunar og hreinsunar á plasti en komið hefur upp að gámar frá Sorpstöðinni hafa verið verðfelldir hjá þjónustuaðila.

7.Móttökustöð og gámaplön á starfssvæði Sorpstöðvar Rangárvallasýslu bs

1904010

Staða mála á grenndarstöðvum
Síðastliðnir mánuðir hafa verið annasamir á móttökustöðinni á Strönd og að sama skapi mikið um að vera á grenndarstöðvum og í árlegri sumarhreinsun í sumar. Nauðsynlegt er að koma upp myndavélum á grenndarstöðvum hið fyrsta og er sú vinna í undirbúningi. Þá er í bígerð að girða af grenndarstöðvarnar á Hvolsvelli og Hellu og hafa þar gönguhlið líkt og við grenndarstöðina í Meiri-Tungu.

8.Aðalfundur SOS 2020

2010001

Tilnefning fulltrúa á aðalfund.
Tillaga er um að tilnefna Rafn Bergsson sem aðalmann og Ástu Berghildi Ólafsdóttur sem varamann á aðalfund SOS.

Samþykkt samhljóða.

9.293 stjórnarfundur SOS

2007020

Fundargerð frá 26052020
Fundargerð SOS frá 26.5.2020 lögð fram til kynningar.

10.294 stjórnarfundur SOS

2007021

Fundargerð frá 23062020
Fundargerð SOS frá 23.6.2020 lögð fram til kynningar

11.295 stjórnarfundur SOS

2009006

Fundargerð frá 31.8.2020
Fundargerð SOS frá 31.8.2020 lögð fram til kynningar

12.296.Stjórnarfundur SOS

2009054

Fundargerð frá 22.9.2020
Fundargerð SOS frá 22.9.2020 lögð fram til kynningar

Fundi slitið - kl. 12:45.

Fannst þér efnið á síðunni hjálplegt?