Sorpstöð Rangárvallasýslu bs

Stefán Gíslason hjá UMÍS ehf. Environice og Jón Sæmundsson frá Verkís fara yfir stöðu mála varðandi uppsetningu brennsluofns og fylgibúnaðs.
Farið yfir áætlað magn úrgangs sem gera má ráð fyrir að fari í brennslu.
Ágústi, Huldu, Ómari, Stefáni og Jóni falið að funda með forsvarsmönnum Sláturfélags Suðurlands, Reykjagarðs og Sláturhússins á Hellu til að fá skýrari upplýsingar um áætlað magn og tegundir úrgangs frá þessum aðilum.

Rekstraryfirlit frá janúar til október 2020 lagt fram til kynningar

Lögð fram tillaga að nýrri gjaldskrá Sorpstöðvarinnar fyrir árið 2021 og hún samþykkt samhljóða.
Jafnframt er HK falið að taka saman heildarkostnað við heimsenda gáma og leggja fram á næsta fundi.

Rekstraráætlun fyrir 2021 lögð fram. Gert er ráð fyrir að tekjurnar verði 173,7 m.kr. og gjöld fyrir utan fjármagnsliði 170,2 m.kr. Gert er ráð fyrir að handbært fé frá rekstri verði 38,9 m.kr. og að fjárfestingar verði 20 m.kr.
Áætlunin samþykkt samhljóða.

Lögð fram til kynningar samþykkt um meðhöndlun úrgangs á starfssvæði Sorpstöðvar Rangárvallasýslu bs. sem birt var í Stjórnartíðindum 10.11.2020.