Sorpstöð Rangárvallasýslu bs

Ársreikningur 2020 lagður fram og kynntur af Klöru Viðarsdóttur. Reksturinn gekk ágætlega á árinu og voru útgjöld í samræmi við áætlanir en tekjur voru þó nokkuð yfir áætlun. Hagnaður ársins var 19,8 m.kr. Eigið fé í árslok nam 207,2 m.kr.

Ársreikningur 2020 samþykktur samhljóða.

Rekstraryfirlit frá janúar til febrúar 2021 lagt fram til kynningar.

Hulda Karlsdóttir og Ómar Sigurðsson fóru yfir ýmis atriði úr rekstri Sorpstöðvarinnar.

Farið yfir fyrirkomulag á árlegri sumarhreinsun. Ákveðið að fela Huldu og Ómari að undirbúa og kynna málið og senda stjórn til staðfestingar fyrir lok vikunnar. Verið er að setja upp eftirlitsmyndavélar á grenndarstöðvar og á Strönd. Búið er að breyta innmötun í gámana á grenndarstöðum og hefur flokkun og umgengni batnað mikið.

Farið yfir stöðu mála, enn er unnið að áætlun um væntanlegt magn og tegund dýraleifa í fyrirhugaðan ofn og er von til þess að þeirri vinnu ljúki fljótlega.

Þar sem tímabundið leyfi til urðunar á lífrænum úrgangi rennur út 30.6.2021 nk. hefur verið óskað eftir framlengingu á því leyfi og eru samskipti þess efnis við Umhverfisstofnun lögð hér fram til kynningar.

Lagt fram vinnuskjal með upplýsingum um fyrirkomulag gjaldtöku á gámasvæðum í nágrannasveitarfélögum. Kostnaður við að koma úrgangi frá Strönd hefur hækkað mikið á undanförnum mánuðum og því nauðsynlegt að endurskoða gjaldskrá Sorpstöðvarinnar. Sjórn leggur til að gerð verði verðkönnun hjá Terra og Íslenska gámafélaginu um móttöku úrgangs. Með hliðsjón af þeirri verðkönnun og vinnuskjalinu verði á næsta fundi stjórnar lögð fram tillaga að endurskoðaðri gjaldskrá. Jafnframt verður í sumar gerð könnun á nýtingu opnunartíma móttökustöðvarinnar á Strönd.

Samþykkt samhljóða

Lokaskýrsla vegna eftirlits á Strönd og úrbótaáætlun lögð fram til kynningar.

Fundargerð SOS frá 24. janúar lögð fram til kynningar.

Fundargerð SOS frá 22. febrúar lögð fram til kynningar.