Sorpstöð Rangárvallasýslu bs

Ómar og Hulda fara yfir ýmis rekstrarmál.

Ákveðið að auglýsa eftir framkvæmdastjóra á Strönd í samræmi við starfslýsingu sem lá fyrir fundinum.

Rekstraryfirlit frá janúar til september 2021 lagt fram.

Rekstraráætlun 2022 lögð fram. Gert er ráð fyrir að tekjurnar verði 189,6 m.kr. og gjöld fyrir utan fjármagnsliði 194 m.kr. Gert er ráð fyrir að handbært fé frá rekstri verði 30,9 m.kr. og fjárfestingar verði 27 m.kr. Samþykkt samhljóða.

Framkvæmdastjóra falið að taka saman greinargerð um reynsluna af fyrirkomulagi sorphirðu. Jafnframt er framkvæmdastjóra falið að gera verðkönnun við útvistun verkefnisins sbr. við eigin reynslu við reksturinn.

Lagt fram minnisblað um stöðu mála. Lögð hefur verið mikil vinna í þarfagreiningu og greiningu á kostnaði við uppsetningu á brennsluofni fyrir dýrahræ.
Í ljósi stefnu stjórnvalda um meðferð úrgangs og hugmynda um hátæknibrennslu samþykkir stjórn að óska eftir viðræðum við ríkisvaldið um fjármögnun verkefnisins, enda áætlað að þjónustusvæðið verði mun stærra en núverandi starfssvæði Sorpstöðvar Rangárvallasýslu bs.

Lögð fram tillaga að breyttum opnunartíma. Frá og með 1. apríl 2022 verði opið alla virka daga frá kl. 13-17. Á laugardögum frá kl. 11-15. Frá apríl til september verði lengri opnunartími á laugardögum frá kl. 10-16 og einn dag í viku n.t.t. á miðvikudögum til kl. 18:30. Við tillögugerð var tekið mið af skráðum komum á Strönd og opnunartíma hjá nágranna sveitarfélögum. Samþykkt samhljóða.

Lagðar fram tillögur að upptöku aðgangskorta að móttökustöðinni á Strönd þann 1.1.2022. Lagt er til að allir fasteignaeigendur sem greiða sorpeyðingargjöld fái hvert ár úthlutað korti með 5m3 inneign fyrir losun á gjaldskyldum úrgangi. Samþykkt samhljóða.

Samstarfsamningur um jarðgerð með Bokashi aðferð lagður fram til kynningar.

Lagt fram til kynningar

Fundargerð SOS frá 21. ágúst lögð fram til kynningar

Fundargerð SOS frá 21. September lögð fram til kynningar