Sveitarstjórn Rangárþings ytra

2502016

2502086

2403024

2403026

2502087

2410058

2503010

2502074

2503016

2503012

2502002F

• 11.9 2502042 Þjónustusamningur milli Ásahrepps og Rangárþings ytra. Viðauki
  Byggðarráð Rangárþings ytra - 34 Lögð fram drög að viðauka við þjónustusamning milli Ásahrepps og Rangárþings ytra vegna íþrótta- og fjölmenningarfulltrúa.
  
  Byggðarráð leggur til að samþykkja viðaukann.
  
  Samþykkt samhljóða. Bókun fundar Lagt til að samþykkja niðurstöðu byggðarráðs og fela sveitarstjóra að undirrita viðaukann.
  
  Samþykkt samhljóða.
• 11.16 2412041 Tjörn lóð 2. Umsókn um lóð
  Byggðarráð Rangárþings ytra - 34 Lagðar fram upplýsingar um álögð gatnagerðargöld vegna lóðarinnar Tjarnar 2 í Þykkvabæ og beiðni umsækjanda lóðarinnar um afslátt af gatnagerðargjöldum.
  
  Byggðarráð leggur til að samþykkt verði að veita 75% afslátt af gatnagerðargjaldinu með vísan til 4 gr. samþykktar um byggingargjöld í Rangárþingi ytra.
  
  Samþykkt samhljóða. Bókun fundar Lagt til að samþykkja niðurstöðu byggðarráðs.
  
  Samþykkt samhljóða.
• 11.17 2502047 Beiðni um úthlutun lóðarinnar Dynskála 45 og afslátt gatnagerðargjalda.
  Byggðarráð Rangárþings ytra - 34 Lagt fram erindi frá Reykjagarði hf um að félaginu verði úthlutað lóðinni Dynskálum 45 á Hellu. Þá er lögð fram sú beiðni að ekki verði frekari gatnagerðargjöld lögð á lóðirnar en þegar hafa verið greidd af þeim lóðum sem félaginu hefur verið úthlutað við Dynskála en félagið hyggst á næstu 2-3 árum byggja við starfssemi sína.
  
  Byggðarráð leggur til við sveitarstjórn að veitt verði vilyrði fyrir því að lóðinni Dynskálum 45 verði úthlutað til Reykjagarðs þegar lóðaréttindi Olíudreifingar á lóðinni renna til sveitarfélagins. Lóðin tengist frekari uppbyggingu og skipulags fyrirtækisins á svæðinu.
  
  Byggðarráð telur að þegar hægt verði að úthluta lóðinni Dynskálum 45 formlega til Reykjagarðs þurfi að semja sérstaklega um gatnagerðargjöld af þeirri lóð. Varðandi áform um uppbyggingu telur byggarráð skilyrði til þess að veita afslátt af gatnagerðargjöldum skv. 4. gr. samþykkta um byggingargjöld í Rangárþingi ytra og felur sveitarstjóra að leggja fram tillögu að slíku samkomulagi.
  
  Samþykkt samhljóða. Bókun fundar Lagt til að samþykkja tillögu byggðarráðs.
  
  Samþykkt samhljóða.

2501017F

• 12.17 2502039 Rangárbakki 4. Umsókn um lóð
  Skipulags- og umferðarnefnd Rangárþings ytra - 38 Skipulags- og umferðarnefnd getur ekki tekið afstöðu til umsóknarinnar þar sem áform umsækjanda samræmast ekki gildandi deiliskipulagi og vísar málinu til sveitarstjórnar. Bókun fundar Lagt til að fresta afgreiðslu málsins og kalla eftir framkvæmdaáætlun frá Högum/KS um fyrirhugaðar framkvæmdir þeirra á nærliggjandi lóðum.
  
  IPG tók til máls.
  
  
  Samþykkt samhljóða.
• 12.18 2502041 Lyngalda 2. Umsókn um lóð. Fyrirspurn um fjölgun íbúða í 4.
  Skipulags- og umferðarnefnd Rangárþings ytra - 38 Skipulags- og umferðarnefnd telur ekki tilefni til að gera breytingar á gildandi deiliskipulagi og hafnar erindi umsækjanda. Umsækjanda er bent á aðrar lóðir á svæðinu sem gætu hentað þessum áformum. Bókun fundar Sveitarstjórn tekur ekki afstöðu til erindisins þar sem umsækjandi hefur dregið umsókn sína til baka.
  
  Samþykkt samhljóða.

2502007F

• 13.1 2502067 Skinnar land, L192282. Landskipti. Klöpp
  Skipulags- og umferðarnefnd Rangárþings ytra - 39 Skipulags- og umferðarnefnd gerir ekki athugasemdir við áformuð landskipti né fyrirhugað heiti á lóð og leggur til að landskiptin verði samþykkt. Nefndin vill árétta að umrædd tenging við Þykkvabæjarveginn skuli janframt nýtast öðrum lóðum svo hægt verði að uppfylla skilyrði Vegagerðarinnar um fjarlægðir milli tenginga. Bókun fundar Lagt til að niðurstaða skipulags- og umferðarnefndar verði samþykkt.
  
  Samþykkt samhljóða.
• 13.2 2502068 Gunnarsholt L164495. Landskipti. Miðgarður
  Skipulags- og umferðarnefnd Rangárþings ytra - 39 Skipulags- og umferðarnefnd gerir ekki athugasemdir við áformuð landskipti né fyrirhugað heiti á lóð og leggur til að landskiptin verði samþykkt. Bókun fundar Lagt til að niðurstaða skipulags- og umferðarnefndar verði samþykkt.
  
  Samþykkt samhljóða.
• 13.3 2502062 Landmannahellir. Stöðuleyfi fyrir íbúðagám.
  Skipulags- og umferðarnefnd Rangárþings ytra - 39 Skipulags- og umferðarnefnd gerir ekki athugasemdir við að veitt verði tímabundið stöðuleyfi fyrir viðkomandi húsnæði í Landmannahelli. Bókun fundar Lagt til að niðurstaða skipulags- og umferðarnefndar verði samþykkt.
  
  IPG tók til máls.
  
  Samþykkt samhljóða.
• 13.4 2502080 Umferðarmál tengt Heiðvangi, Þingskálum og Freyvangi
  Skipulags- og umferðarnefnd Rangárþings ytra - 39 Skipulags- og umferðarnefnd leggur til að öllum íbúum við áður nefndar götur ásamt Þingskálum verði sendar viðkomandi spurningar ásamt viðeigandi uppdrætti. Frestur til athugasemda skuli vera a.m.k. 4 vikur. Bókun fundar Lagt til að niðurstaða skipulags- og umferðarnefndar verði samþykkt.
  
  IPG tók til máls.
  
  Samþykkt samhljóða.
• 13.5 2310087 Umferðarmál. Staða mála
  Skipulags- og umferðarnefnd Rangárþings ytra - 39 Skipulags- og umferðarnefnd óskar eftir að listi verði uppfærður og lagður fram á næsta sameiginlega fundi með Framkvæmda- og eignanefnd. Bókun fundar Lagt til að niðurstaða skipulags- og umferðarnefndar verði samþykkt.
  
  Samþykkt samhljóða.
• 13.6 2502065 Tjaldsvæði við Skógafoss. Deiliskipulag
  Skipulags- og umferðarnefnd Rangárþings ytra - 39 Skipulags- og umferðarnefnd gerir engar athugasemdir við fyrirliggjandi tillögu. Bókun fundar Lagt til að niðurstaða skipulags- og umferðarnefndar verði samþykkt.
  
  Samþykkt samhljóða.
• 13.7 2501063 Hvammsvirkjun. Breyting á skipulagi vegna stækkunar efnistökusvæða
  Skipulags- og umferðarnefnd Rangárþings ytra - 39 Skipulags- og umferðarnefnd gerir ekki athugasemdir við fyrirliggjandi lýsingu og leggur til að hún verði send til umsagnar og kynnt. Lýsing skal kynnt í samræmi við 30. og 40. grein skipulagslaga nr. 123/2010. Kynning lýsingar skal standa í a.m.k. tvær vikur talið frá birtingu auglýsingar á heimasíðu sveitarfélagsins og í staðarblaði auk skipulagsgáttar, eða nánar tiltekið frá 19. mars til og með 2. apríl. Nefndin telur jafnframt að umrædd aukning á efnismagni sé ekki þess eðlis að hún sé háð mati á umhverfisáhrifum. Bókun fundar Lagt til að niðurstaða skipulags- og umferðarnefndar verði samþykkt.
  
  Samþykkt samhljóða.
• 13.8 2502079 Breyting á sveitarfélagamörkum við Þverá
  Skipulags- og umferðarnefnd Rangárþings ytra - 39 Skipulags- og umferðarnefnd leggur til að gerð verði breyting á sveitarfélagamörkum í samræmi við meðfylgjandi tillögu. Nefndin leggur til að öllum aðliggjandi lóðar- og jarðareigendum sem að mörkunum koma verði send tillagan og verði um grenndarkynningu að ræða. Bókun fundar Lagt til að niðurstaða skipulags- og umferðarnefndar verði samþykkt.
  
  ÞDÞ tók til máls.
  
  Samþykkt samhljóða.
• 13.9 2502066 Kerfisáætlun Landsnets 2025-2034. Verk- og matslýsing
  Skipulags- og umferðarnefnd Rangárþings ytra - 39 Skipulags- og umferðarnefnd gerir engar athugasemdir við lýsinguna en áskilur sér rétt til frekari viðbragða á síðari stigum ef tilefni verður til þess. Nefndin telur rétt að yfirlitskort af landinu sýni sveitarfélagamörk svo unnt verði að átta sig betur á staðsetningu viðkomandi uppbyggingarsvæða. Bókun fundar Lagt til að niðurstaða skipulags- og umferðarnefndar verði samþykkt.
  
  Samþykkt samhljóða.

2501013F

• 14.7 2502005 Íþróttamiðstöðvar - reglur
  Heilsu,- íþrótta- og tómstundanefnd - 19 Nefndin leggur til að sveitarstjórn samþykki þessar reglur og þær verði sýnilegar og kynntar viðeigandi aðilum. Bókun fundar Lagt til að reglur fyrir íþróttamiðstöðvar verði samþykktar.
  
  Samþykkt samhljóða.

2502008F

• 15.1 2502001 Opnunartímar sundlaugar Laugaland 2025
  Heilsu,- íþrótta- og tómstundanefnd - 20 Nefndin þakkar forstöðumanni íþróttamiðstöðva fyrir upplýsingarnar og yfirferðina. Nefndin samþykkir tillögu forstöðumanns íþróttamannvirkja um að breyta opnunartímanum í tilraunaskyni sumarið 2025 og verði síðan tekin til endurskoðunar í tengslum við fjárhagsáætlunargerð fyrir 2026. Bókun fundar Lagt til að tillaga nefndarinnar verði samþykkt en samhliða skapast svigrúm til að ráða fastan starfsmann í íþróttamiðstöðina á Laugalandi til að mæta óskum notenda og bæta þjónustu.
  
  IPG, JGV, MHG, EÞI og BG tóku til máls.
  
  Tekið stutt fundarhlé.
  
  Samþykkt með fjórum atkvæðum. IPG, EÞI og BG greiddu atkvæði á móti.
• 15.2 2502002 Starfsmaður íþróttamiðstöðvar 2025
  Heilsu,- íþrótta- og tómstundanefnd - 20 Nefndin þakkar forstöðumanni íþróttamannvirkja fyrir upplýsingarnar og yfirferðina. Nefndin leggur til við sveitastjórn að ráðinn verði starfsmaður íþróttamiðstöðvarinnar á Laugalandi eigi síðar en í upphafi næsta skólaárs. Þörfin við slíkan starfsmann er umtalsverð til að bæta umgengni og ásýnd íþróttamiðstöðvarinnar á Laugalandi. Bókun fundar Lagt til að tillaga nefndarinnar verði samþykkt.
  
  Tekið stutt fundarhlé.
  
  Samþykkt með fjórum atkvæðum. IPG, EÞI og BG sátu hjá.
  
  Bókun D-lista við liði 15.1 og 15.2:
  Fulltrúar D-lista harma þá afstöðu fulltrúa Á-lista að vilja ekki vísa málinu til frekari umfjöllunar í byggðarráði. Hér er um umtalsverða þjónustuskerðingu að ræða í heilsueflandi samfélagi. Samfélagið fer vaxandi, síaukinn fjöldi ferðamanna sækir sveitarfélagið heim og vaxandi fjöldi dvelur í sumarhúsum á svæðinu. Við svo stóra breytingu sem hefur ekki einungis áhrif á þessu ári heldur inn á skipulag og starfsmannaveltu komandi ára hefði að mati fulltrúa D-listans verið rétt að ræða málið nánar í byggðarráði þar sem starfsmannamál eru alla jafnan rædd og þar sem fylgst er náið með framvindu fjárhagsætlunar og undirbúningur hennar fer fram. Auk þess hefði mátt skoða hvort sækja hefði mátt fjármagn í aðra liði en í íþrótta- og tómastundamál til að fjármagna aukna viðveru í íþróttahúsinu á þessu ári. (IPG, EÞI, BG).
  
  Bókun Á-lista:
  Fyrir liggur eindregin ósk íþróttafélaga, foreldra og skóla á Laugalandi um aukna gæslu í íþróttamiðstöðinni á Laugalandi á meðan íþróttaæfingar eru í húsinu. Nefndin tók tvær umræður um lausn á málinu og var þetta talin besta leiðin til að fjármagna starfið innan fjárhagsáætlunar núverandi árs. Undirrituð samþykkja niðurstöðu nefndarinnar og forstöðumanns en munu skoða möguleika á aukinni sumaropnun á sundlauginni á Laugalandi við gerð næstu fjárhagsáætlunar. (EVG, MHG, ÞDÞ, VMÞ).
  
  
  
• 15.5 2502072 Hús frítímans
  Heilsu,- íþrótta- og tómstundanefnd - 20 Hugmynd um „Hús frítímans“ kynnt. Hugmyndin byggir á reynslu frá á Sauðárkróki þar sem „Hús frítímans“ er miðstöð frístundastarfs í Skagafirði sem býður upp á fjölbreytta starfsemi fyrir alla aldurshópa.
  Nefndin fór yfir kynninguna og beinir því til sveitarstjórnar að skoða fram komin gögn og taka afstöðu til næstu skrefa. Nefndinni líst mjög vel á hugmyndina og telur að slíkt húsnæði yrði til mikilla hagsbóta fyrir íbúa sveitarfélagsins. Bókun fundar Sveitarstjórn bendir á að þegar búið verður að flytja alla starfssemi leikskólans Heklukots á Hellu í nýtt húsnæði skapast aðstæður til að húsnæði leikskólans að Útskálum 2 geti m.a. nýst í slíka starfssemi.
  
  Samþykkt samhljóða.
• 15.6 2502081 Hekla pílunefnd - húsnæðismál
  Heilsu,- íþrótta- og tómstundanefnd - 20 Nefndin tekur vel í erindið og leggur til að skoðað verði hvort salur á jarðhæð Laufskála 2 geti nýst undir íþrótta- og tómstundastarf. Bókun fundar Sveitarstjórn bendir á að sveitarfélagið þurfi á húsnæðinu að Laufskálum 2 að halda meðan uppbyggingu á skólahúsnæðinu á Hellu stendur yfir. Hins vegar kunni að vera frekari tækifæri til að búa pílunni betra umhverfi við færslu á mötuneyti skólanna í nýtt húsnæði.
  
  Samþykkt samhljóða.

2502003F

• 16.2 2502027 Jarðarfarir - fánamál
  Markaðs-, menningar- og jafnréttismálanefnd - 14 Nefndin er sammála bókun íbúaráðs um málið og leggur til að verklagið sem þar kemur fram verði tekið upp.
  Bókunin er svohljóðandi:
  
  Íbúaráð leggur til að flöggun íslenska fánans á stöngum sveitarfélagsins vegna jarðarfara verði á ábyrgð aðstandenda vegna jafnræðissjónarmiða. Lagt er til að fáni verði aðgengilegur í íþróttamiðstöðinni á Hellu þar sem aðstandendur geta nálgast hann vegna útfara í sveitarfélaginu.
  Ráðið leggur áherslu á að þessi breyting verði kynnt vel á miðlum sveitarfélagsins. Einnig þarf að kynna þetta vel fyrir prestum, útfarastjórum og öðrum aðilum sem koma að jarðarförum.
  Hingað til hefur þetta verið í umsjón starfsmanna þjónustumiðstöðvar en erfitt hefur verið að gæta jafnræðis þar sem sveitarfélagið er ekki alltaf látið vita af útförum á svæðinu.
  Bókun fundar Lagt til að fresta afgreiðslu málsins og sveitarstjóra falið að leggja fram upplýsingar um fyrirkomulag flöggunar við stofnanir sveitarfélagins vegna útfara og koma með tillögu að samræmdu vinnulagi.
  
  IPG, EÞI, MHG, BG og ÞDÞ tóku til máls.
  
  Samþykkt samhljóða.
• 16.5 2407006 Menningarstyrkur RY
  Markaðs-, menningar- og jafnréttismálanefnd - 14 Nefndin samþykkir breytingar á reglum og leggur þær fyrir sveitarstjórn til samþykktar. Bókun fundar Lagt til að reglurnar verði samþykktar.
  
  Samþykkt samhljóða.
• 16.6 2502072 Hús frítímans
  Markaðs-, menningar- og jafnréttismálanefnd - 14 Nefndin fór yfir kynninguna og beinir því til sveitarstjórnar að skoða fram komin gögn og taka afstöðu til næstu skrefa. Nefndinni líst mjög vel á hugmyndina og telur að slíkt húsnæði yrði til mikilla hagsbóta fyrir íbúa sveitarfélagsins.
  Nefndin leggur til að skoðað verði að nýta húsnæði sem losna þegar leikskóli og tónlistarskóli flytja í nýbyggingar skólanna. Bókun fundar Vísað er til bókunar undir lið 15.

2501014F

• 17.1 2502027 Jarðarfarir - fánamál
  Íbúaráð - 2 Íbúaráð leggur til að flöggun íslenska fánans á stöngum sveitarfélagsins vegna jarðarfara verði á ábyrgð aðstandenda vegna jafnræðissjónarmiða. Lagt er til að fáni verði aðgengilegur í íþróttamiðstöðinni á Hellu þar sem aðstandendur geta nálgast hann vegna útfara í sveitarfélaginu.
  Ráðið leggur áherslu á að þessi breyting verði kynnt vel á miðlum sveitarfélagsins. Einnig þarf að kynna þetta vel fyrir prestum, útfarastjórum og öðrum aðilum sem koma að jarðarförum.
  Hingað til hefur þetta verið í umsjón starfsmanna þjónustumiðstöðvar en erfitt hefur verið að gæta jafnræðis þar sem sveitarfélagið er ekki alltaf látið vita af útförum á svæðinu.
  Bókun fundar Vísað er til bókunar undir lið 16.
• 17.2 2411062 Sorpmál - ábyrgð íbúa og vitundarvakning
  Íbúaráð - 2 Íbúaráð ítrekar óskir sínar um að fjölga grenndarstöðvum, t.a.m. í Þykkvabæ.
  Íbúaráð leggur til að ráðist verði í kynningarátak og vitundarvakningu vegna sorpmála.
  Íbúaráð leggur einnig til að flýtt verði fyrir því að skipta út maíspokum fyrir bréfpoka fyrir lífræna sorpið eins og þegar hefur verið ákveðið af hálfu Sorpstöðvar Rangárvallasýslu.
  Íbúaráð leggur til að skipulagður verði viðburður í kringum stóra plokkdaginn 27. apríl næstkomandi. Bókun fundar Lagt til að vísa þeim hugmyndum sem íbúaráð víkur að til stjórnar Sorpstöðvar Rangárvallasýslu.
  
  Verkefni um afhendingu pappírspoka vegna lífræns úrgangs er hafinn.
  
  Jafnframt leggur sveitarstjórn til útfærslu á plokkdegi verið vísað til Umhverfis-, hálendis- og samgögnunefndar.
  
  Samþykkt samhljóða.

2501015F

• 18.4 2209059 Stækkun skólasvæðis Hellu 2.áfangi
  Framkvæmda- og eignanefnd - 1 Tómas Haukur fór yfir stöðu framkvæmda varðandi 2. áfanga skólabyggingarinnar á Hellu. Jafnframt lagði hann fram minnisblað varðandi framkvæmdir og innkaup vegna skólaeldhúss.
  
  Nefndin leggur til að forstöðumanni eigna- og framkvæmdasviðs verði veitt heimild til að panta grunnbúnað í nýtt eldhús Grunnskólans og Heklukots á Hellu í samræmi við fyrirliggjandi gögn.
  
  Samþykkt samhljóða. Bókun fundar Lagt til að tillaga framkvæmda- og eignanefndar verði samþykkt.
  
  Samþykkt samhljóða.
• 18.5 2502009 Erindi vegna Íþróttavallar. UMF Hekla
  Framkvæmda- og eignanefnd - 1 Lagt fram erindi frá Ungmennafélaginu Heklu um breytingar á fyrirkomulagi framkvæmda vegna æfingaaðstöðu fyrir frjálsar íþróttir. Lagt er til að núverandi körfuboltavöllur verði lagður tartani en frestað að gera hlaupabraut meðfram gerfigrasvelli og horft til nýs svæðis norðan gerfigrasvallar.
  
  Nefndin leggur til að laust tartan/tartnanmottur verði lagðar á núverandi svæði og forstöðumanni eigna- og framkvæmdasviðs falið að vinna málið áfram.
  
  Samþykkt samhljóða. Bókun fundar Lagt til að niðurstaða framkvæmda- og eignanefndar verði samþykkt.
  
  Samþykkt samhljóða.

2502010F

• 19.1 2411020 Starfshópur gerfigrasvallar
  Starfshópur gervigrasvallar - 2 Á fundinn mætir Ómar Valur Maack frá VSÓ og fór yfir þær tegundir á gerfigrasi sem eru í boði og hvaða lausnir er verið að nota á Íslandi. Auk þess var farið yfir ýmsis mál varðandi næstu skref í útboðum á jarðvinnu og lögnum og gerfigrasi.
  
  Lagt var til að fara í að vinna útboðsgögn á 50-60mm gerfigrasi með innfyllingarefni.Ómar mun skila minnisblaði um helstu atriði sem fram komu á fundinum.
  
  Samþykkt samhljóða. Bókun fundar Lagt til að niðurstaða starfshóps gervigrasvallar verði samþykkt.
  
  Samþykkt samhljóða.

2501002F

2502005F

2502009F

2502011F

2503004

2501075

2502008

2503013

2501062

2503003