1.Strandverðir Íslands - kynning
2101003
Erindi vísað til Umhverfisnefndar frá 30. fundi sveitarstjórnar þann 14.1.2021. Veraldarvinir eru íslensk hagsmunasamtök sem rekin eru án hagnaðarsjónarmiða. Markmið samtakanna er að stuðla að heilbrigðum lífsháttum og betri umgengni manna við umhverfi sitt. Kynnt er verkefnið Strandverðir Íslands en verkefnið felur í sér að allar strendur landsins verða djúphreinsaðar fram til ársins 2025. Óskað er eftir samstarfi við sveitarfélagið.
Umhverfisnefnd fagnar slíku verkefni þar sem það er í anda þess sem nefndin hefur lagt áherslur á. Nefndin leggur til að sveitarstjórn taki þátt í verkefninu. Nefndin felur starfsmanni nefndarinnar að vinna að málinu áfram með sveitarstjóra.
2.Umhverfismál. Hugmyndir
1806032
Rætt um ýmsar tillögur að umbótum í umhverfismálum.
Rætt var um tilgang og hlutverk nefndarinnar í stjórnsýslu sveitarfélagsins. Vægi umhverfismála fer vaxandi í samfélaginu en ekki virðist vera farið fram á álit nefndarinnar í afgreiðslu mála sem fela í sér afgreiðslu tengdum umhverfismálum. Nefndin óskar eftir að fundin verði viðunandi leið til að koma þessum málum í betri farveg.
Rætt var um að fá forstöðumann þjónustumiðstöðvar á næsta fund nefndarinnar til upplýsinga um önnur mál sem lúta að vatnsvernd og fráveitu ásamt hvernig mál hafa þróast með frágang við Suðurlandsveginn.
Rætt var um að fá forstöðumann þjónustumiðstöðvar á næsta fund nefndarinnar til upplýsinga um önnur mál sem lúta að vatnsvernd og fráveitu ásamt hvernig mál hafa þróast með frágang við Suðurlandsveginn.
Fundi slitið - kl. 17:30.