Leikskólar

Skóla- og fræðslumál eru einn þýðingarmesti málaflokkur sem sveitarfélagið annast og er í sífelldri þróun. Sveitarfélagið hefur lagt metnað sinn í rekstur leikskóla, grunnskóla, tónlistarskóla og margvíslega aðra fræðslustarfsemi og verja um það bil helmingi útgjalda sinna til þeirra mála. Allir skólar eru reknir undir Byggðasamlaginu Odda bs.

Skólastefna Odda bs "Göngum glöð til verka" er aðgengileg hér.  

Hér má nálgast gjaldskrá Odda bs. sem nær yfir leikskóla og grunnskóla á svæðinu.

Í Rangárþingi ytra eru tveir leikskólar. Einn á Hellu sem er stærsti þéttbýliskjarninn í sveitarfélaginu og annar á Laugalandi þar sem einnig er grunnskóli, íþróttahús og sundlaug.

Hvatning til náms
Nokkur sveitarfélög hafa farið þá leið að hvetja fólk til mennta í leikskólafræðum með launuðum námsleyfum og námsstyrkjum. Hjá aðildarsveitarfélögum Odda bs. hafa verið í gildi reglur um launuð námsleyfi, og nokkrir starfsmenn hafa nýtt sér þetta, en í átakinu sem nú hefur verið hrundið af stað er um mun sterkari hvatningu að ræða því auk launaðra námsleyfa þá verði boðnir fram hreinir námsstyrkir. Slíkir styrkir eru mögulegir í ákveðinn fjölda námsanna, gegn ákveðinni námsframvindu, og eiga við um nám til diplóma-, bakkalár- og meistaragráðu en geta einnig fallið að lokaverkefnum sem tengjast leikskólum Odda bs. Sérstakar reglur hafa verið settar um styrkina á grunni Skólastefnu Rangárþings ytra og Ásahrepps 2016 – Göngum glöð til verka – og gilda um nema sem leggja stund á háskólanám í leikskólakennarafræðum og annað hvort vinna í leikskólum Odda bs. eða hafa áform um að gera það.

Markmið átaksins er að hækka menntunarstig starfsmanna í leikskólum Odda bs. og er liður í því að fjölga fagmenntuðu starfsfólki þeirra þannig að í árslok 2017 verði a.m.k. 2 af hverjum 5 starfsmönnum menntaðir leikskólakennarar og 2 af hverjum 3 starfsmönnum árið 2020 líkt og kveðið er á um í lögum nr. 87/2008 um menntun og ráðningu kennara og skólastjórnenda við leikskóla, grunnskóla og framhaldsskóla í lögum um starfsmenn leikskóla.

Nánari upplýsingar um Átak til eflingar leikskólastigsins má nálgast hér.

Reglur um námsstyrki eru aðgengilegar hér.

Umsókn um námsstyrki má nálgast hér. 

 

Leikskólinn Heklukot

Útskálum 2, 850 Hella.
S. 488 7045

Leikskólastjóri: Auður Erla Logadóttir
Netfang: heklukot(hjá)ry.is
Heimasíða: http://www.leikskolinn.is/heklukot/

Leikskólinn Laugalandi

Laugalandi
851 Hella. 
S. 487 6633

Leikskólastjóri: Sigrún Björk Benediktsdóttir
Netfang: leikskolinn@laugaland.is 
Heimasíða: https://leikskolinnlaugaland.ry.is/

Fannst þér efnið á síðunni hjálplegt?