Lagt fram til umfjöllunar minnisblað sveitarstjóra varðandi leiguverð á íbúðum á vegum sveitarfélagsins en um er að ræða 20 íbúðir um þessar mundir. Lagt er til að leiguverð á þessum íbúðum verði samræmt og grunnleiguverð taki meira mið af markaðsverði. Með þessu móti verður rekstur leiguíbúða sveitarfélagsins betri og rými fyrir eðlilegt viðhald m.a. Ef aðstæður eru þannig að ástæða þykir til að bjóða íbúðir tímabundið á lægra leiguverði þá beri viðkomandi stofnun eða málaflokkur þann kostnað en ekki sjóðirnir leiguíbúðir og félagslegar íbúðir eins og verið hefur. Lagt er til að leiguverð á íbúðum sveitarfélagsins verði frá næstu áramótum í þremur flokkum sem hér segir: 65-85 fm íbúðir 1.850 kr/fm; 86-115 fm íbúðir 1.350 kr/fm og íbúðir 116 fm og stærri 1.200 kr/fm.
Samþykkt samhljóða