Markaðs-, menningar- og jafnréttismálanefnd

Verkefnastjóri íþrótta- og fjölmenningarmála mætir á fundinn til að ræða tillögur og athugasemdir nefndarinnar.
Farið yfir drög að erindisbréfi Fjölmenningarráðs. Nefndin samþykkir drögin fyrir sitt leyti og vísar þeim áfram til afgreiðslu hjá sveitarstjórn.
Nefndin þakkar verkefnastjóra íþrótta- og fjölmenningarmála fyrir kynninguna.

Kaffisamsæti eldri borgara verður haldið 24. nóvember 2024. Farið yfir skipulag viðburðarins.

Tilnefningar til samborgara Rangárþings ytra 2024 teknar til úrvinnslu.
19 einstaklingar voru tilnefndir. Nefndin hefur valið handhafa viðurkenningarinnar og mun afhenda hana á kaffisamsæti eldri borgara 24. nóvember 2024.
Samþykkt samhljóða

Farið yfir skipulag viðburðarins. Foreldrafélag Helluskóla ætlar að sjá um skipulagið. Kveikt verður á jólatrénu 28. nóvember 2024 kl. 17.

Nefndin ákveður að halda ekki jólamarkað í ár en ætlar að skoða möguleika á að halda markað á nýju ári. Málið verður tekið upp eftir áramótin og tímasetning ákveðin.

Tillögur um jólaskreytingar í sveitarfélaginu ræddar. Nefndin hefur til umráða fjármagn til að kaupa skreytingarnar sem um ræðir.
Nefndin leggur áherslu á að bæði jólatrén á árbakkanum verði skreytt, sitthvoru megin við bollann.
Nefndin leggur til að þjónustumiðstöð verði falið að skreyta bekkinn í bollanum svo hann verði vænlegur fyrir jólamyndatökur.
Nefndin leggur til að þjónustumiðstöð verði falið að skreyta mastrið á hólnum. Hafa þarf samband við neyðarlínuna varðandi þetta mál til að fá leyfi.
Jólaskreytingakeppnin verður haldin í desember og verður óskað eftir tilnefningum frá íbúum. Veitt verða verðlaun fyrir best skreytta húsið, best skreytta tréð og best skreytta fyrirtækið.