Oddi bs

Klara Viðarsdóttir, fjármálastjóri kynnti yfirlit fyrir jan.-okt/nóv. 2023. Reksturinn er í ágætu samræmi við áætlun með viðaukum.

Lagðar eru fram upplýsingar frá Brú lífeyrissjóði vegna aukaskuldbindinga vegna þeirra starfsmanna sem falla undir Odda bs. sem voru á lífeyri og þeirra sem voru 60 ára og eldri þegar samkomulag var gert milli sveitarfélagana og Brú um uppgjör lífeyrisskuldinga 31. maí 2017. Gert er ráð fyrir að þær auka lífeyrisskuldbindingnar sem falla á Odda bs. séu um 11, 6 millj. og árlega greiðslu að fjárhæð ca. kr. 670.000.

Lagt fram til kynningar.

Á fundinn mæta Sigrún Björk Benediktsdóttir leikskólastjóri á Laugalandi og Ingigerður Stefánsdóttir leikskólastjóri Heklukots og gera grein fyrir stöðu mála í sínum skólum og gerðu einnig grein fyrir greiningarlíkönum sem hafa verið gerð vegna stöðugilda og útfærslu þeirra í leikskólunum.

Stjórn þakkar skólastjórunum fyrir upplýsingarnar.

Upplýst er að þrjú börn séu samtals í leik- og grunnskólum Odda á vegum fræðsluyfirvalda í Grindavík vegna afleiðinga jarðhræringana.

Lagt fram uppsagnarbréf frá Yngva Karli Jónsyni skólastjóra Laugalandsskóla.

Stjórn Odda þakkar Yngva Karli fyrir góð störf og felur formanni stjórnar og framkvæmdastjóra Odda bs. að vinna málið áfram. Samkomulag er um að aðstoðarskólastjóri taki við störfum skólastjóra tímabundið.

Samþykkt samhljóða.

Lagður fram samningur milli Odda bs. og Skólastofunnar slf um mat á Grunnskólanum á Hellu og Laugalandsskóla á vormisseri 2024.

Stjórn Odda bs. samþykkir samninginn og felur framkvæmdastjóra að undirrita hann.

Samþykkt samhljóða.

Farið var yfir samantekt Sambands íslenskra sveitarfélaga um rekstarkostnað grunnskóla á Íslandi á árinu 2022. Þar kemur fram að nettórekstarkostnaður án innri leigu og áhrifa skólaaksturs á nemanda í Grunnskólanum á Hellu er kr. 2.585.000 (brúttó 2.867.000) (2021 kr. 2.223.000 (brúttó 2.428.000)) og Laugalandsskóla kr. 2.092.000 (brúttó 2.567.000) (2021 kr. 2.007.000 (brúttó 2.437.000)).

Lagt fram til kynningar.

Ræddar voru hugmyndir að útfærslum vegna námsleyfi starfsmanna í grunnskólum Odda bs.

Nánari útfærslu vegna námsleyfa starfsmanna í grunnskólum er vísað til vinnu vegna úttektar á þróun grunnskólastarfs.

Samþykkt samhljóða.

Lagður fram drög að samstarfssamningi við Samtökin 78 og Rangárþings eystra og Odda bs. fyrir árin 2024-2026.

Lagt til að samningurinn verði samþykktur og framkvæmdastjóra falið að undirrita hann.

Samþykkt samhljóða.

Lagt fram til kynningar.