Oddi bs

Lagður fram og kynntur Ársreikningur 2024 fyrir byggðasamlagið Odda bs.

Rekstrartekjur byggðasamlagsins námu 1.720,4 millj. kr. á árinu 2024 og hækkuðu um 212,5 millj. kr. milli ára eða um 12,35%. Námu laun byggðasamlagsins 941,8 millj. kr. (2023; 833,4 millj. kr.), og launatengd gjöld námu 226,9 millj. kr. (2023; 199,6 millj. kr.). Launakostnaður jókst á milli ára um 12,54% sem skýrist af kjarasamningsbundnum hækkunum, fjölgunar starfa vegna fjölgunar grunnskólabarna og aukinnar þjónustu við börn með sérþarfir.
Rekstrarkostnaði byggðarsamlagsins er skipt milli aðildarsveitarfélaganna miðað við nemendafjölda. Auk þess greiða sveitarfélögin fæðisgjöld í mötuneyti fyrir grunnskólabörn.

Ársreikningurinn var samþykktur samhljóða og undirritaður.

Klara Viðarsdóttir fjármálastjóri fór yfir rekstur byggðasamlagsins janúar-febrúar 2024.

Lagt fram minnisblað um áhrif kjarasamninga KÍ á fjárhagsáætlun Odda bs. fyrir árið 2025. Áætlaður viðbótakostnaður er um 55. millj. en að teknu tilliti til aukinna útsvarstekna mætti ætla að nettókostnaður sé um 48. millj.

Stjórn Odda bs. felur sveitarstjórum aðildarsveitarfélaganna að ræða við skólastjórnendur um mögulegar hagræðingaraðgerðir fyrir næsta skólaár og tillögur lagðar fram á júnífundi Odda bs.

Samþykkt samhljóða.

Á fundinn mæta Kristín Sigfúsdóttir skólastjóri grunnskólans á Hellu og Jónas Bergmann Magnússon skólastjóri grunnskólans á Laugalandi og gera grein fyrir stöðu mála í sínum skólum.

Stjórn þakkar skólastjórunum fyrir upplýsingarnar.

Lögð er fram uppsögn Sigrúnar Bjarkar Benediktsdóttur leikskólastjóra Leikskólans á Laugalandi en hún hyggst ljúka störfum næsta haust vegna aldurs.

Óskað var eftir tilboðum frá þremur aðilum um umsjón með ráðningunni. Stjórn ákveður að taka tilboði lægstbjóðanda frá Mögnum ehf. Stjórn felur framkvæmdastjóra vinna málið áfram.

Samþykkt samhljóða.

Lögð fram tillaga um að haldinn verði sameiginlegur fræðsludagur fyrir starfsfólk Odda bs og annað starfsfólk sveitarfélaganna föstudaginn 29. ágúst n.k. Lagt til að fresta afgreiðslu málsins til næsta fundar stjórnar Odda bs. þar sem drög að skóladagatölum verða lögð fram.

Samþykkt samhljóða.

Lagt til að vorfundur Odda bs. verði haldinn mánudaginn 19. maí nk. kl. 16:00 í Laugum fundarsal í Miðjunni á Hellu.

Samþykkt samhljóða.

Lagt fram til kynningar.