Oddi bs

Klara Viðarsdóttir fjármálastjóri fór yfir rekstur byggðasamlagsins janúar-mars 2025.

Á fundinn mæta Sigrún Björk Benediktsdóttir leikskólastjóri á Laugalandi og Ingigerður Stefánsdóttir leikskólastjóri Heklukots og fara yfir stöðu mála í sínum skólum.

Stjórn þakkar skólastjórunum fyrir upplýsingarnar.

Lögð fram drög að skóladagatölum 2025-2026 fyrir skóla Odda bs.

Leikskólastjórar fóru yfir skóladagatöl leikskólanna. Skóladagatöl grunnskólanna lögð fram til kynningar.

Lögð fram tillaga um að haldinn verði sameiginlegur fræðsludagur fyrir starfsfólk Odda bs og annað starfsfólk sveitarfélaganna föstudaginn 22. ágúst n.k. kl. 11:00. Lagt til að gera ráð fyrir hálfum starfsdegi í þetta verkefni.

Stjórn samþykkir tillöguna samhljóða.

Lögð fram beiðni frá BOFS um að gera samning við Grunnskólann á Hellu um 1,5 stöðugildi kennara og aðstöðu í Helluskóla fyrir skjólstæðinga Meðferðarheimilisins Lækjarbakka í Gunnarsholti.

Stjórn Odda tekur jákvætt í erindið og felur framkvæmdastjóra í samstarfi við Grunnskólann á Hellu að ræða við BOFS um mögulegar útfærslur.

Samþykkt samhljóða.

Lagt fram minnisblað frá Mögnum ráðgjöf vegna ráðningar leikskólastjóra á Laugalandi. Umsóknarfrestur rann út þann 30. apríl s.l. og sóttu tveir um starfið.

Stjórn felur framkvæmdastjóra að vinna málið áfram.

Samþykkt samhljóða.

Lagt fram til kynningar.