Sorpstöð Rangárvallasýslu bs

Rekstraryfirlit frá janúar til september 2023 lagt fram til kynningar. Reksturinn er að mestu skv. áætlun.

Lagður fram viðauki við fjárhagsáætlun 2023. Gert er ráð fyrir hækkun tekna að upphæð 36 m.kr. og aukinni fjárfestingu að upphæð 12,9 m.kr. Tilfærsla er milli aðkeyptrar þjónustu og launa að upphæð 4,9 m.kr.
Stjórn samþykkir viðaukann og vísar honum til staðfestingar aðildarsveitarfélaga.

Lagt fram minnisblað frá framkvæmdastjóra þar sem m.a. var farið yfir verðkönnun varðandi afsetningu á úrgangi, starfsmannamál, lausnir vegna sorpbrennslu og hugsanlegar framkvæmdir við botnþéttingu. Framkvæmdastjóra falið að óska eftir kynningu á sorpbrennslulausnum með stjórn.

Lögð fram tillaga að gjaldskrá 2024. Lagt er til að sorphirðu- og sorpeyðingargjöld verði óbreytt árið 2024. Blandaður úrgangur hækkar lítillega milli ára, plast lækkar og gjald fyrir heimsendan gám hækkar um 3.000 kr. Stjórn samþykkir fyrirliggjandi gjaldskrá og vísar henni til afgreiðslu aðildarsveitarfélaga.

Rekstraráætlun 2024 lögð fram. Gert er ráð fyrir að tekjurnar verði 229 m.kr. og gjöld fyrir utan fjármagnsliði 221 m.kr. Gert er ráð fyrir að handbært fé frá rekstri verði 35,9 m.kr. og að fjárfestingar verði 35 m.kr. Stjórn leggur til að fjárfestingar hækki um 3,0 m.kr. vegna starfsmannaðstöðu. Rekstraráætlun er samþykkt með þeim breytingum sem lagt var til og vísað til staðfestingar aðildarsveitarfélaga.

319. og 320. stjórnarfundir Sorpstöðvar Suðurlands lagðir fram til kynningar.