Vatnsveita Rangárþings ytra og Ásahrepps

2. fundur 10. september 2018 kl. 16:30 - 18:30 að Suðurlandsvegi 1-3
Nefndarmenn
  • Haraldur Eiríksson aðalmaður
  • Steindór Tómasson aðalmaður
  • Guðmundur Gíslason aðalmaður
Fundargerð ritaði: Ágúst Sigurðsson sveitarstjóri
Einnig sat fundinn Klara Viðarsdóttir sem kynnti rekstraryfirlit. Þá tók Guðni G. Kristinsson þátt í fundinum í gegnum Skype.

1.Rekstraryfirlit Vatnsveitu 31082018

1809007

Rekstur veitunnar fram til loka ágústmánuðar 2018.
Farið var yfir stöðu rekstrar og fjárfestingar eftir fyrstu átta mánuði ársins.

2.Framkvæmdaáætlun 2017-2026

1702029

Lokahönnun, gerð útboðsgagna og verkefnisstjórn.
Fyrir liggur verðkönnun meðal verkfræðistofa á lokahönnun og gerð útboðsgagna vegna Lækjarbotnaveitu. Niðurstaðan er að hagkvæmast er að semja við Hnit verkfræðistofu um verkið. Stjórn samþykkir samhljóða að ganga til samninga við Hnit verkfræðistofu um verkið og felur ÁS að ganga frá samningi í samræmi við umræður á fundinum.

3.Málefni notenda vatnsveitu

1709022

Útibrynningar ofl.
Rætt var um það fyrirkomulag sem verið hefur á þjónustu varðandi brynningartæki utanhúss og gjaldtöku af þeim. Ljóst er að erfitt er að fylgja eftir núverandi reglum og þær hafa ekki náð að draga úr m.a. sírennsli sem er stærsta vandamálið. Ákveðið að taka reglurnar til endurskoðunar í tengslum við gerð fjárhagsáætlunar næsta árs og óskar stjórnin eftir að starfsmenn veitunnar leggi fram minnisblað á næsta fundi um leiðir til úrbóta.

4.Fjárhagsáætlun Vatnsveitu 2019

1809009

Rætt um forsendur fjárhagsáætlunar næsta árs en samþykktir veitunnar gera ráð fyrir að fjárhagsáætlun sé send sveitarstjórnum fyrir 15. október. Ákveðið að næsti fundur stjórnar, sem áætlaður er mánudaginn 1 október, verði helgaður umræðu um gjaldskrá.

5.Vatnsmiðlunargeymir Fögrubrekku - samningur um landspildu

1808051

Samningur við landeigendur.
Kynntur samningur við eigendur Hjallaness 2 um lóð undir vatnsmiðlunartank í Fögrubrekku. Stjórn veitunnar staðfestir fyrirliggjandi samning.
Fundargerð yfirlesin og samþykkt.

Fundi slitið - kl. 18:30.

Fannst þér efnið á síðunni hjálplegt?