Umsókn um lóð á atvinnusvæði sunnan Suðurlandsvegar

Lagt er til að úthluta Þjótanda ehf lóð fyrir starfsemi sína syðst á hinu nýja athafnasvæði (merkt I26 á meðfylgjandi teikningu) í samræmi við 9. gr. úthlutunarreglna sveitarfélagsins og með fyrirvara um samþykkt deiliskipulag sem nú er í vinnslu.

Samþykkt samhljóða.

Lagt er fram samkomulag milli Þjótanda ehf og Rangárþings ytra frá 25. febrúar s.l. um áfangaskipti uppbyggingar vegna Sleipnisflata 4 með heimild í 5. gr. samþykkta um byggingargjöld í Rangárþingi ytra.

Lagt er til að samkomulagið verði samþykkt og því verði þinglýst sem kvöð á Sleipnisflatir 4.

Þá leggur sveitarstjórn til að sveitarstjóra og byggingar- og skipulagsfulltrúa verði verði falið að gera tillögu að átaki um úthlutun nokkurra atvinnulóða á Sleipnisvöllum þar sem boðið verði upp á sambærileg áfangaskipti framkvæmda og leggja fyrir næsta fund byggðarráðs.

IPG tók til máls.

Samþykkt samhljóða.