-
Skipulags- og umferðarnefnd Rangárþings ytra - 10
Lagt fram til kynningar
Bókun fundar
Lagt fram til kynningar.
-
Skipulags- og umferðarnefnd Rangárþings ytra - 10
Vísað er ágreinings landeigenda Stóru-Valla og Minni-Valla um umferðarrétt að vegi sem liggur í gegnum landareignir aðila. Hefur sveitarfélaginu borist bréf frá landeigendum Stóru-Valla þar sem óskað er aðkomu sveitarfélagsins að ágreiningnum, m.a. að sveitarfélagið hlutist til um að lokun vegarins og skilti við hann verði fjarlægð. Að mati sveitarfélagsins er um einkaréttarlegan ágreining að ræða milli aðila um tilvist umferðarréttar á svæðinu og getur sveitarfélagið ekki verið úrskurðaraðili í þeim ágreiningi. Verða aðilar að leysa deilur sín á milli vegna þessa með öðrum hætti. Nefndin leggur til að Skipulags- og byggingarfulltrúa verði falið að svara erindi landeigenda Stóru-Valla sem borist hefur sveitarfélaginu og svarbréf verði sent landeigendum við allra fyrsta tækifæri.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulagsnefnd telur rétt að heimila umsækjanda að sækja um lóð nr. 9 við Rangárbakka undir bílastæði fyrir fyrirhugað hótel og veitingahús á lóðinni Rangárbakkar 4. Nefndin vill þó leggja mikla áherslu á að framkvæmdir við fyrirhugaða uppbyggingu á Rangárbökkum 4 hefjist sem allra fyrst.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Í samræmi við tl. 3.16 í 1. viðauka laga nr. 111/2021 hefur Skipulags- og umferðarnefnd Rangárþings ytra farið yfir tilkynningu framkvæmdaraðila til ákvörðunar um matsskyldu vegna endurnýjunar vindmylla í Þykkvabæ.
Þó að greinargerðin með tilkynningu framkvæmdaraðila sé að mörgu leyti ítarleg og góð þá er það mat nefndarinnar að í greinargerðinni sé ekki tekið á öllum þeim atriðum sem fjalla þarf um í umhverfismatsskýrslu um áhrif framkvæmdanna. T.a.m. breyttum forsendum í tengslum við lýsingu deiliskipulags svæðisins er varðar áður fyrirhugaða nýtingu orkunnar sem upphaflegar vindmyllur áttu að framleiða og skuggaáhrifum á nærliggjandi byggð. Skipulagsnefnd metur það einnig svo að áformin séu ekki að fullu í samræmi við stefnumótum um nýtingu á vindorku í Rangárþingi ytra sem unnin var í skýrslu frá Eflu verkfræðistofu árið 2017 og varð hluti af aðalskipulagi Rangárþings ytra 2019. Má þar t.d. nefna viðmið um fjarlægð vindrafstöðva frá byggð og frístundasvæðum.
Eitt af markmiðum umhverfismats framkvæmda er að tryggja aðkomu almennings að umhverfismati og samvinnu þeirra aðila sem hafa hagsmuna að gæta eða láta sig málið varða. Skipulagsnefnd telur að heimamenn á hverjum stað búi yfir staðbundinni þekkingu á umhverfi og aðstæðum sem nýst getur við mat á umhverfisáhrifum framkvæmdanna. Það er því mat skipulagsnefndar að þessi framkvæmd geti verið háð umhverfismati framkvæmda.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd þakkar fulltrúum Landsvirkjunar fyrir góða kynningu á stöðu framkvæmda við virkjanir á svæðinu.
Bókun fundar
Lagt fram til kynningar.
-
Skipulags- og umferðarnefnd Rangárþings ytra - 10
Í samræmi við lög nr. 111/2021 hefur Skipulags- og umferðarnefnd Rangárþings ytra farið yfir tilkynningu framkvæmdaraðila um áform um styrkingu og endurmótun Árbæjarvegar frá Árbakka að Bjallavegi. Niðurstaða nefndarinnar er að umrædd áform séu ekki líkleg til að hafa í för með sér umtalsverð umhverfisáhrif, sbr. viðmið í 2. viðauka laga nr. 111/2021. Því skuli framkvæmdin ekki háð mati á umhverfisáhrifum. Skipulagsnefnd leggur til að skipulagsfulltrúa verði falið að gefa út framkvæmdaleyfi að teknu tilliti til 5. greinar reglugerðar um framkvæmdaleyfi nr. 772/2012 að undangenginni umsögn Umhverfisstofnunar þar sem fyrirhuguð veglagning fer yfir votlendi. Jafnframt þarf umsögn Minjastofnunar vegna túngarðsins að liggja fyrir áður en framkvæmdir hefjast.
Bókun fundar
Sveitarstjórn staðfestir bókun skipulags- og umferðarnefndar. Sveitarstjórn gengur út frá því að framkvæmdin verði í samræmi við samkomulag Vegagerðarinnar og Landssambands hestamannafélaga um gerð og útfærslur reiðstíga með stofn- og tengivegum sem lagðir eru bundnu slitlagi.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd hefur fjallað um fram komnar umsagnir og telur að taka eigi tillit til þeirra ábendinga sem þar koma fram við gerð tillögunnar. Nefndinni líst betur á tillögu 1 en leggur áherslu á að unnið verði betur að göngu- og hjólreiðastígum innan svæðisins og tekið verði tillit til tenginga við göngu- og hjólreiðakerfi meðfram Suðurlandsveginum. Nefndin óskar eftir að tillaga verði klár til afgreiðslu á næsta fundi nefndarinnar í mars.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd hefur fjallað um fram komnar umsagnir við lýsinguna og telur að taka eigi tillit til þeirra ábendinga sem þar koma fram við gerð tillögunnar. Nefndin tók saman viðbrögð við athugasemdum sem þarfnast frekari útlistunar við gerð tillögunnar.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd hefur fjallað um fram komnar umsagnir og telur að taka eigi tillit til þeirra ábendinga sem þar koma fram við gerð tillögunnar. Nefndin tekur undir ábendingar frá Skipulagsstofnun um að skilmálar vegna útlits og forms mannvirkja verði gerð góð skil í tillögunni. Nefndin leggur líka mikla áherslu á að aðgengi meðfram Ytri-Rangá verði skilgreint sérstaklega fyrir gangandi og hjólandi vegfarendur en ekki fyrir akandi umferð. Aðgengi hagsmunaaðila að umhverfi svæðisins verði skilgreint. Nefndin óskar eftir að tillaga verði klár til afgreiðslu á næsta fundi nefndarinnar í mars.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulagsnefnd telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til endanlegrar afgreiðslu.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulagsnefnd fjallaði um fram komnar athugasemdir og fór yfir leiðrétt gögn málsins. Nefndin telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til afgreiðslu. Nefndin vill árétta varðandi gistiskálana og staðsetningu þeirra að um er að ræða skilgreinda ferðaþjónustu og því ættu skálarnir að mega vera nær Landvegi en skilgreind fjarlægð frá íbúðar- eða frístundahúsum leyfir.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd fjallaði um fram komnar athugasemdir frá Skipulagsstofnun. Sett er fram minnisblað með viðbrögðum sveitarstjórnar.
Nefndin samþykkir fram lagða tillögu og leggur til að hún verði send til afgreiðslu Skipulagsstofnunar.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd hefur fjallað um athugasemdir Skipulagsstofnunar og leggur áherslu á að ekki er um fasta búsetu starfsmanna að ræða á svæðinu. Merking í texta var óljóst í fyrri útgáfu og hefur verið brugðist við því. Nefndin samþykkir tillöguna og leggur því til að tillagan verði send Skipulagsstofnun til endanlegrar afgreiðslu.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd hefur fjallað um fram komnar athugasemdir og umsagnir. Nefndin getur ekki fallist á að sveitarfélaginu beri, þó að sveitarfélagið sé hluti af veiðifélaginu, að opna fyrir aðgengi veiðimanna gegnum lönd annarra, sem ekki eru hluti af veiðifélaginu. Um slíkt verði veiðifélagið að ná samkomulagi við lóðarhafa hverju sinni. Nefndin ítrekar fyrri kröfu sína um að aðgengi að landi sveitarfélagsins og vatnsbóli verði skilgreint.
Skipulags- og umferðarnefnd telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til afgreiðslu.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulagsnefnd hefur fjallað um fram komnar umsagnir og athugasemdir. Nefndin telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til afgreiðslu.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd hefur fjallað um fram komnar umsagnir við lýsinguna og telur að taka eigi tillit til þeirra ábendinga sem þar koma fram við gerð tillögu viðkomandi mála. Nefndin leggur til að málunum verði skipt upp, þar sem kynningu sameiginlegrar lýsingar er lokið, og sérstök tillaga fylgi hverju máli fyrir sig hér eftir. Nefndin leggur jafnframt áherslu á við umsækjendur að unnið verði að gerð deiliskipulags fyrir umrædd svæði í samræmi við landnotkun samhliða ferli breytinganna á aðalskipulaginu. Varðandi athugasemd frá Lögborg vegna eignarhalds á svæðinu vísar nefndin til þess að borist hafi beiðni um breytingu á landnotkun lóðanna frá þeim aðila sem skráður er þinglýstur eigandi lóðanna í bókum sýslumanns. Af þeim sökum taldi sveitarfélagið réttmætt að verða við ósk þinglýsts eiganda um að veita heimild til vinnslu skipulags. Nefndin vill árétta að ef uppi er ágreiningur um eignarrétt að viðkomandi lóðum þá þurfa aðilar að leysa hann sín á milli. Sveitarfélagið getur ekki verið úrskurðaraðili í þeim ágreiningi.
Bókun fundar
Lagt til að fresta málinu þar sem eru komin fram ný gögn.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd hefur fjallað um fram komnar umsagnir við lýsinguna og telur að taka eigi tillit til þeirra ábendinga sem þar koma fram við gerð tillögu viðkomandi mála. Nefndin leggur til að málunum verði skipt upp, þar sem kynningu sameiginlegrar lýsingar er lokið, og sérstök tillaga fylgi hverju máli fyrir sig hér eftir. Nefndin leggur jafnframt áherslu á við umsækjendur að unnið verði að gerð deiliskipulags fyrir umrædd svæði í samræmi við landnotkun samhliða ferli breytinganna á aðalskipulaginu.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
-
Skipulags- og umferðarnefnd Rangárþings ytra - 10
Skipulags- og umferðarnefnd Rangárþings ytra gerir ekki athugasemdir við framlagða tillögu frá Ásahreppi.
Bókun fundar
Lagt til að niðurstaða skipulags- og umferðarnefndar verði samþykkt.
Samþykkt samhljóða.
