Málsnúmer 2411001
Vakta málsnúmerSkipulags- og umferðarnefnd - 32. fundur - 07.11.2024
Landeigandi óskar eftir að leggja fram tillögu að breytingu á gildandi deiliskipulagi fyrir íbúðasvæðið við Árbæjarveginn, vestan Ytri-Rangár. Um fjölgun lóða er að ræða þar sem skipt verður út tveimur lóðum út úr lóðinni Ægissíða 1 landspilda 1. Byggingarheimildir verða uppfærðar til samræmis við stærð lóða. Núverandi tenging frá Árbæjarvegi verður samnýtt með nýjum lóðum. Skipulagsgögn frá Eflu dags. 31. okt. 2024.
Skipulags- og umferðarnefnd leggur til að veitt verði heimild til deiliskipulagsgerðar. Nefndin telur að tillagan samræmist stefnu aðalskipulagsins sbr. ÍB33 í greinargerð þess og því sé ekki þörf á kynningu lýsingar. Nefndin samþykkir fyrirliggjandi tillögu og leggur til að hún verði auglýst skv. 41. gr. skipulagslaga nr. 123/2010.
Skipulags- og umferðarnefnd - 36. fundur - 16.01.2025
Landeigandi hefur lagt fram tillögu að breytingu á gildandi deiliskipulagi fyrir íbúðasvæðið við Árbæjarveginn, vestan Ytri-Rangár. Um fjölgun lóða er að ræða þar sem skipt verður út tveimur lóðum út úr lóðinni Ægissíða 1 landspilda 1. Byggingarheimildir verða uppfærðar til samræmis við stærð lóða. Núverandi tenging frá Árbæjarvegi verður samnýtt með nýjum lóðum. Tillaga var auglýst frá og með 13.11.2024 til og með 1.1.2025. Engar athugasemdir bárust frá umsagnaraðilum en Brunavarnir Rangárvallasýslu benda á að burðarþol aðkomuleiða skuli vera 32 tonn og að trjágróður við aðkomuvegi megi ekki hindra aðkomu slökkvibíla. Lögð er fram uppfærð tillaga frá Eflu dags. br. 6.1.2025.
Skipulags- og umferðarnefnd hefur farið yfir fram komnar umsagnir. Nefndin telur að búið sé að taka tillit til fram kominna athugasemda í fyrirliggjandi tillögu og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010.