Tillaga D-lista vegna framkvæmda við nýjan leikskóla á Hellu

Fulltrúar D-lista leggja til að byggðarráði verði falið í samráði við framkvæmda- og eignanefnd að undirbúa viðauka við fjárhagsáætlun sem miði að því að hægt verði að bjóða út framkvæmdir við grunn á nýjum leikskóla nú þegar í haust. Þá verði jafnframt unnið að því að útboð í forsteyptar einingar fyrir leikskólann fari fram í haust til að komast sem fyrst að í röðinni og tefja ekki framkvæmdir að óþörfu.

BG tók til máls.

Lagt til að vísa tillögunni til framkvæmda- og eignanefndar til umfjöllunar.

Samþykkt samhljóða.

Tómas Haukur fór yfir stöðu framkvæmda varðandi 2. og 3. áfanga við stækkun skólasvæðisins á Hellu og þær tímalínur sem eru í gangi. Hann telur að tímalínan við 3. áfanga verði þannig að jarðvinnu ljúki í okt/nóv. og hægt að fara í útboð á sökklum og burðarvirki í sept/okt. Ekki er talið raunhæft að flýta frekar framkvæmdum við 3. áfanga verkefnisins þar sem ekki er talið heppilegt að vinna við uppsetningu og fyllingu sökkla að vetrarlagi. Stefnt að því að nýta veturinn frekar til undirbúnings og framkvæmdir hefjist snemma vors 2026.