Útfærsla á gjaldtöku skráningardaga í leikskólum

Samkvæmt gjaldskrá eru skráningardagar í jólafríi 21. des til 31. des og í dimbilviku. Þá er leikskólinn lokaður en hægt er að sækja um vistun til leikskólastjóra. Sérstakt gjald er fyrir þessa daga.

Áður hafði verið ákveðið að Leikskólinn á Laugalandi væri lokaður alla skráningardaga en öllum boðið að skrá börn sín á Heklukot þessa daga. Stjórn samþykkir að í ár verði Leikskólinn á Laugalandi opinn fyrir skráningar þrjá daga fyrir jól.

Samþykkt samhljóða.

Stjórn Odda bs. samþykkir að breyta ákvörðun sinni frá 10. september 2026 um skráningardaga í leikskólum.

Allir starfsdagar á tímabilinu 21.-31. desember verði skráningardagar og þurfi foreldrar að sækja um vistun til leikskólastjóra. Sérstakt gjald samkvæmt gjaldskrá verði eingöngu innheimt fyrir vistun á skráningardögum milli jóla og nýárs. Aðrir skráningardagar verði án sérstaks viðbótargjalds.

Leikskólinn á Laugalandi verði opinn fyrir skráða vistun á öllum skráningardögum fyrir jól. Á öðrum skráningardögum verði leikskólinn lokaður en foreldrum standi til boða að skrá börn sín í vistun á Heklukoti.

Ítrekað er mikilvægi þess að skrá einungis börn sem sannarlega munu mæta.

Samþykkt samhljóða.