Atvinnubrú - verkefni með stuðningi Sóknaráætlun Suðurlands

Lagðar fram upplýsingar frá Háskólafélagi Suðurlands u á verkefninu "Atvinnubrú" sem Háskólafélag Suðurlands stýrir með stuðningi Sóknaráætlunar Suðurlands sem eitt af áhersluverkefnum SASS. Verkefnið á að efla og styrkja stöðu háskólamenntunar í landshlutanum og er það gert með því að skapa samstarfsvettvang með ólíkum aðilum víðsvegar úr atvinnulífinu. Mun vettvangurinn bjóða upp á samfélag háskólanemenda, fræðimanna, fyrirtækja og stofnana þar sem styrkleikar hvers og eins eru nýttir til uppbyggingar sterkara tengslanets. Háskóalfélagið leitar eftir fyrirtækjum, stofnunum og ekki síst fólki sem er tilbúið til þess að taka þátt á einn eða annan hátt.

Byggðarráð hvetur íbúa og fyrirtæki í sveitarfélaginu að skoða með þátttöku í verkefninu.

Samþykkt samhljóða.

Verkefnið Atvinnubrú kynnt fyrir nefndarfólki.

Helga Kristín Sæbjörnsdóttir mætir á fundinn og kynnir verkefnið „Atvinnubrú“.
Nefndin þakkar Helgu fyrir áhugaverða kynningu og felur markaðs- og kynningafulltrúa að taka saman lista yfir fyrirtæki sem gætu verið líkleg til að taka þátt í verkefninu.