Markaðs-, menningar- og jafnréttismálanefnd

Alls bárust 6 umsóknir í fyrri úthlutun Menningarsjóðs Rangárþings ytra 2024.

Sótt var um styrk fyrir sex verkefnum að upphæð alls 1.166.572 en 250.000 eru til úthlutunar að þessu sinni.

Nefndin þakkar umsækjendum fyrir áhugaverðar umsóknir.

Nefndin fór yfir umsóknirnar og hefur tekið ákvörðun um úthlutun. Nefndin felur markaðs- og kynningafulltrúa að ganga frá greinargerðum með rökstuðningi fyrir hverja umsókn og að hafa samband við alla umsækjendur varðandi niðurstöðu.

Niðurstaðan verður tilkynnt opinberlega þegar haft hefur verið samband við alla umsækjendur og styrkurinn verður svo formlega afhentur styrkhöfum á 17. júní næstkomandi.

Samþykkt samhljóða

Stefán Friðrik Friðriksson kemur á fundinn og kynnir sig og sitt starfssvið.

Kynntar hugmyndir um sameiginlegan frístundavef Rangárþings ytra, Rangárþings eystra, Ásahrepps og Mýrdalshrepps.
Nefndin tekur mjög vel í hugmyndina og leggur til að ráðist verði í verkefnið.

Verkefnið Atvinnubrú kynnt fyrir nefndarfólki.

Farið yfir skipulag 17. júní hátíðahalda á Hellu.
Markaðs- og kynningarfulltrúi falið að vinna skipulagið áfram.

Farið yfir skipulag og markaðs- og kynningafulltrúa falið að halda áfram með skipulag.

Fyrirætlanir um stofnun íbúaráðs kynntar fyrir nefndinni.

Víkingurinn 2024 hefur gengið til samninga við önnur sveitarfélög í ár en RY hefur óskað eftir að taka á móti viðburðinum árið 2025. Skipuleggjendur Víkingsins verða í sambandi við markaðs- og kynningafulltrúa þegar nær dregur.

Á síðasta fundi nefndarinnar kom fram fyrirspurn um aðgengismál í Menningarsalnum á Hellu. Aðgengismálum þar er ábótavant og hafa forstöðuaðilar Menningarsals óskað eftir samtali við sveitarfélagið um þau mál.
Nefndin felur markaðs- og kynningafulltrúa að athuga með samvinnu og kalla eftir kostnaðar- og verkáætlun.

Nefndin tekur vel í að taka tilboði um myndefni fyrir street view og felur markaðs- og kynningafulltrúa að skoða hvort fjármögnun sé til staðar eða sækjast eftir fjármagni í verkefnið ef þess þarf.