Stekkatún ósk um breytingu á deiliskipulagi.

Skipulagsnefnd telur að gera þurfi breytingar á aðalskipulagi vegna áforma um aukna ferðaþjónustu. Núverandi lóð er á skilgreindu landbúnaðarsvæði þótt hluti af núverandi starfsemi sé merkt sem Verslunar- og þjónustusvæði innan við 5ha. skv. aðalskipulagi Rangárþings ytra 2016-2028.
Umsækjanda er veitt heimild til að leggja fram tillögu að breytingu á fyrirliggjandi deiliskipulagi fyrir lóð sína. Jafnframt er skipulagsfulltrúa falið að vinna að breytingu á gildandi aðalskipulagi til samræmis við áform umsækjanda þar sem afmarkaður verði hluti jarðarinnar og breytt í Verslunar- og þjónustusvæði.

Skipulags- og umferðarnefnd leggur til að málinu verði frestað til næsta fundar.

Skipulags- og umferðarnefnd hefur farið yfir fram komnar athugasemdir. Nefndin telur að búið sé að taka tillit til fram kominna athugasemda í fyrirliggjandi tillögu og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010.

Skipulags- og umferðarnefnd tekur erindið fyrir á síðasta degi umsagnarfrests. Nefndin leggur því til eftirfarandi afgreiðslu með fyrirvara um að ef umsagnir berast eftir afgreiðslu nefndarinnar skuli þær teknar fyrir á fundi sveitarstjórnar.

Nefndin telur að bregðast þurfi við athugasemdum frá Heilbrigðiseftirliti Suðurlands áður en málið er endanlega afgreitt af hálfu sveitastjórnar og sent til Skipulagsstofnunar í samræmi við 1. mgr. 42. gr. skipulagslaga nr. 123/2010.