Skipulags- og umferðarnefnd Rangárþings ytra

Landeigandi Stóra-klofa 1, L165010, óskar eftir að fá að skipta úr jörð sinni, tveimur lóðum. Annars vegar lóð sem fengi heitið Stakkakot, stærð 1,0 ha, og Lxxxxxx og hins vegar lóð sem fengi heitið Hraunkot, stærðin 1 ha og Lxxxxxx. Jörðin Stóri-klofi L165010 minnkar sem nemur útskiptum lóðum og verður 57,1 ha eftir skiptin. Merkjalýsing frá Kristni Sveinssyni dags. 13.5.2024.

Rangárþing ytra stofnar lóð undir spennistöð við Laufskála 10B. Lóðin er tekin úr Gaddstöðum L164482, er 50,7 m² að stærð og fær landeignanúmerið Lxxxxxx. Merkjalýsandi er Jóhanna Sigurjónsdóttir hjá Eflu, gögn dagsett 7.5.2024.

Rangárþing ytra stofnar lóð undir spennistöð við Dynskála 52B. Lóðin er tekin úr loðinni Dynskálar 52, L219726, er 16,0 m² að stærð og fær landeignanúmerið Lxxxxxx. Merkjalýsandi er Jóhanna Sigurjónsdóttir hjá Eflu, gögn dagsett 6.5.2024.

Brynja Ósk Rúnarsdóttir óskar eftir að fá að flytja íbúðarhús sitt, sem nú er á lóðinni nr. 18 við Hólavang, yfir á lóð sína, Kró L231364. Áform eru um framtíðarbúsetu þar.

Fyrirspurn beint til Skipulags- og umferðarnefndar frá Byggðaráði.

Skipulagsstofnun óskar eftir umsögn Rangárþings ytra um matsáætlun fyrir vikurnám við Búrfell. Matsáætlunin er búin að fara í kynningu en þar sem breytingar hafa orðið á framkvæmdinni er tilefni til að fá umsögn frá sveitarfélaginu. Meðfylgjandi er matsáætlunin eins og hún var kynnt og svo greinargerð sem greinir frá breyttum áformum. Upplýsingar varðandi málið má einnig nálgast á skipulagsgáttinni: https://skipulagsgatt.is/issues/2024/244.

Efla fyrir hönd landeigenda Galtalækjar 2 sækir um framkvæmdaleyfi til efnistöku úr samþykktu efnistökusvæði innan jarðarinnar nr E57. Fyrirhuguð er efnistaka í samræmi við skilmála í aðalskipulagi en heimilt er að vinna allt að 50.000 m3 af efni samkvæmt aðalskipulagi. Heildar flatarmál raskaðs svæðis kemur til með að vera 2,0 að efnistöku lokinni og er þá heimild aðalskipulagsins fullnýtt. Reiknað er með að búið sé að taka um 20.000 m³ af efni nú þegar.

Verkfræðistofan Efla, fyrir hönd Nautáss ehf, óskar eftir framkvæmdaleyfi til efnistöku úr Lækjarbotnanámu E29. Fyrirhuguð er efnistaka í samræmi við skilmála í aðalskipulagi en heimilt er að vinna allt að 50.000 m3 af efni samkvæmt aðalskipulagi. Heildar flatarmál raskaðs svæðis kemur til með að vera 2,0 ha að efnistöku lokinni og er þá heimild aðalskipulagsins fullnýtt.

Umhverfisstofnun sækir um framkvæmdaleyfi til uppsetningar á alls 37 skiltum innan Friðlands að Fjallabaki. Um eru að ræða 9 upplýsinga- og fræðsluskilti og alls 28 vegvísa á göngu- og reiðleiðir. Gögn send með umsókn 15.5.2024.

Umhverfisstofnun sækir um framkvæmdaleyfi vegna gerð bílastæðis við Halldórsgil, við upphaf gönguleiðar að Grænahrygg. Gögn send með umsókn 15.5.2024.

Orkufjarskipti hf óskar eftir framkvæmdaleyfi til lagningar á ljósleiðara og rafstreng frá Sultartanga blöðrum að vinnusvæði Búrfellsundar, tengibrunnur OF-TB-323. Lögnin er ca. 3,9 km löng og er í samræmi við sýnda lagnaleið í aðalskipulagi sveitarfélagsins. Rafstrengur og 20 mm rör fyrir ljósleiðara verður plægt í jörðu, nema á nokkrum stöðum þar sem jarðvegur er grófur, þar verður grafið. 1 tengibrunnur verður settur á vinnusvæði Landsvirkjunar aðgengilegur á leiðinni til viðhalds og eftirlits. Jákvæð umsögn frá Vegagerðinni vegna þverunar undir Sprenigisandsleið liggur fyrir.

Innsent erindi frá nokkrum ferðaþjónustuaðilum á svæðinu þar sem áhugi er á samstarfi um að hefja vinnu við greiningu myrkurgæða og gerð ljósgæðastefnu sem nýst getur sveitarfélaginu í framtíðinni við endurskoðun aðalskipulags. Slík greining og stefnumótun er grunnurinn að því að þróa verkefnið áfram þannig að raunverulegur árangur náist í markaðssetningu svæðisins sem ákjósanlegan áfangastað ferðamanna yfir vetrartímann. Vísað til umsagnar frá Byggðaráði dags. 22.5.2024.

Lýður Skúlason fyrir hönd Keldna ehf, hefur óskað eftir framkvæmdaleyfi til gerðar vermitjarnar og byggingu stíflu vegna hennar. Verkefnið byggir á að gera fiskiveg framhjá Tungufossi í Eystri Rangá og gera efri hluta árinnar fiskgengan og sjálfbæran. Fyrirhugaðar vermitjarnir verða staðsettar í gamla árfarvegi Eystri Rangár sem síðan verða nýttar til ræktunar laxfiska. Framkvæmdin var tilkynningaskyld til Skipulagsstofnunar um matskyldu. Með bréfi dags. 12. mars 2024 upplýsti Keldur ehf. Skipulagsstofnun um breytingar á tilhögun

framkvæmdarinnar. Fram kemur að fallið hafi verið frá byggingu 4 m hárrar stíflu, og þar með gerð vermitjarna. Samkvæmt endurskoðaðri tilhögun er gert ráð fyrir að veita að hámarki 0,5 m3/s af vatni úr Eystri-Rangá í gamla árfarveginn um 50 cm svera lögn. Með þessu renni vatnið óhindrað um gamla farveginn og aftur í Eystri-Rangá við Haldfossa. Samkvæmt upplýsingum frá Keldum ehf. er gert ráð fyrir að um 0,6 ha lands fari undir vatn. Nú liggur fyrir álit Skipulagsstofnunar um að framkvæmdin sé ekki tilkynningaskyld þar sem framkvæmdasvæðið er undir þeim 1,0 ha stærðarviðmiðum sem tilgreind eru í 1. viðauka laga um umhverfismat framkvæmda og áætlana nr. 111/2021. Framkvæmdin er þó háð leyfi Fiskistofu og eftir atvikum leyfi Umhverfisstofnunar vegna breytinga á vatnshloti.

Deiliskipulag fyrir Vaðölduver hefur formlega öðlast gildistöku með auglýsingu í B-deild stjórnartíðinda. Lögð er fram framkvæmdaáætlun Landsvirkjunar fyrir vindorkuverið við Vaðöldu.

Umsóknir um byggingarleyfi sem teknar hafa verið fyrir á afgreiðslufundum byggingarfulltrúa lagðar fram til kynningar. Um fund nr. 104 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 105 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 106 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 107 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 108 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 109 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 110 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 111 er að ræða.

Umsóknir um byggingarleyfi sem teknar eru fyrir á afgreiðslufundum byggingarfulltrúa lagðar fram til kynningar. Um fund nr. 112 er að ræða.

Í Oddsparti er nú rekið Hlöðueldhúsið veitingastaður ásamt tveimur gistikúlum með pláss fyrir allt að fjóra í gistingu. Hingað til hafa gestir í kúlunum samnýtt salernisaðstöðu veitingastaðarins með öðrum gestum. Áform umsækjanda gera ráð fyrir að reisa allt að 8 slíkar kúlur í viðbót, svo pláss verði fyrir 20 manns í gistingu í heildina. Auk þess hyggst umsækjandi reisa sérstaka þjónustumiðstöð með salernis- og sturtuaðstöðu fyrir næturgesti. Óskað er eftir heimild til skipulagsgerðar.

Eigendur Stekkatúns L165446 óska eftir að fá að leggja fram tillögu að breytingu á gildandi deiliskipulagi fyrir svæðið frá 2023. Áform eru um að fjölga gistirýmum og bæta við þjónusturýmum til reksturs ferðaþjónustu. Skipulagsgögn frá Landmótun dags. 25.4.2024.

Eigendur lóðarinnar Giljanes L165242 óska eftir heimild til að leggja fram tillögu að deiliskipulagi fyrir lóð sína. Áform eru um byggingu frístundahúss, gestahúss, bílskúrs og lítils gróðurhúss. Lóðin er á skilgreindu landbúnaðarlandi skv. aðalskipulagi Rangárþings ytra 2016-2028.

Eigendur Hagaholts L230681 óska eftir að fá að leggja fram tillögu að deiliskipulagi fyrir land sitt. Með deiliskipulagstillögunni mun verða afmarkaður byggingareitur fyrir íbúðarhús, frístundahús, hesthús og skemmu til frístundabúskapar á landareigninni, áætlaður búskapur er hrossabúskapur, skógrækt og matjurtarækt. Til lengri tíma litið eru uppi hugmyndir um að gera býlið að lögbýli enda er landareignin nægilega stór til að standa undir búskap og vel í sveit sett.

Landeigendur óska eftir að fá að leggja fram tillögu að deiliskipulagi fyrir lóðir sínar, Unhóll 1A, lóðir D og E. Gert verði ráð fyrir allt að 30 frístundalóðum á um 30 ha svæði sem skilgreint er sem frístundasvæði í aðalskipulagi. Skipulagsgögn frá Eflu dags. 23.5.2024.

Eigendur Snjallsteinshöfða 4 óska eftir heimild til að leggja fram tillögu að deiliskipulagi fyrir lóð sína í samræmi við fyrirspurn frá Eflu dags. 28.5.2024. Gert er ráð fyrir íbúðarhúsi og bílskúr, 3 gesta-/frístundahúsum og skemmu innan lóðar. Aðkoma er af Árbæjarvegi (271) um vegslóða innan lóðar Snjallsteinshöfða vegsvæði (L235970) að lóð Snjallsteinshöfða 4.

Eigandi lóðarinnar Svínhagi SH-18 áformaði að hefja rekstur ferðaþjónustu á lóð sinni með byggingu allt að 18 gestahúsa fyrir allt að 50 gesti auk þjónustuhúss. Svæðið er skilgreint sem VÞ25 í greinargerð aðalskipulagsins en þar er heimild fyrir allt að 20 gesti sameiginlega með SH-16. Í auglýsingu tillögunnar bárust nokkrar athugasemdir og var beðið eftir viðbrögðum eiganda áður en formleg afgreiðsla var áformuð. Lóðin hefur nú verið seld og hafa nýir eigendur boðað að fyrri umsókn um breytingar á aðalskipulagi, sem verið hefur til umfjöllunar í sveitarstjórn, verði afturkölluð. Óskað er eftir að erindið verði formlega fellt niður.

Sveitarstjórn Rangárþings ytra hefur samþykkt að gerð verði breyting á landnotkun í aðalskipulagi þar sem lóðin Hagi v/Selfjall 2 yrði skilgreind sem Verslunar- og þjónustulóð í stað frístundalóðar áður. Lögð er fram lýsing skipulagsáforma frá Eflu dags. 2.5.2024.

Rangárþing ytra hefur samþykkt breytingu á Aðalskipulagi Rangárþings ytra 2016-2028 í samræmi við 1.mgr. 36. gr. skipulagslaga 123/2010.

Svæðin sem breytingin nær yfir er annars vegar Meiri-Tunga land L195063 (Lerkiholt) og hins vegar 5 lóðir úr Minna-Hofi á Rangárvöllum. Bæði svæðin eru skilgreind landbúnaðarsvæði og eiga að breytast í íbúðasvæði með möguleika á fastri búsetu og rekstri ferðaþjónustu. Skipulagslýsing frá Eflu dags. 24.4.2024. Lýsing skipulagsáforma voru kynnt með fresti til athugasemda til og með 23. maí sl. Umsagnir bárust frá Umhverfisstofnun sem bendir á að koma þurfi fram hvernig tillagan samræmist kafla 2.1.1 í landsskipulagsstefnunni um sjálfbæra byggð, mikilvægt sé að fjallað sé um stefnu sveitarfélagsins um verndun og endurheimt á líffræðilegri fjölbreytni og að ekki skuli fjallað um lög um stjórn vatnamála;

frá Vegagerðinni sem gerir engar athugasemdir en bendir á að vegir í umsjá þeirra séu auðkenndir á uppdráttum;

frá Heilbrigðiseftirliti Suðurlands sem gerir engar athugasemdir en bendir á að fjallað skuli með skýrum hætti hvort og þá hvaða atvinnurekstur muni leyfður innan skipulagssvæðisins og frá Skipulagsstofnun sem bendir á skýra þurfi stefnu sveitarfélagsins um uppbyggingu nýrra íbúðasvæða, að færa þurfi rök fyrir stefnu um að skilgreina nýtt svæði fremur en beina uppbyggingu á þau svæði sem þegar eru skilgreind, um hvernig stefna samræmist stefnu um skilgreiningu á ræktunarlandi skv. landsskipulagsstefnu 2024-2038, að afstaða sveitarfélags þurfi að liggja fyrir þegar landbúnaðarland er leyst ú landbúnaðarnotum, hvort skilgreina eigi umrædd svæði sem þéttbýli, hvort að setja eigi skipulagsákvæði vegna nálægðar við skotæfingasvæðið, að leita skuli umsagnar aðliggjandi sveitarfélags og að lokum beinir stofnunin því til sveitarfélagsins að vegna tíðra breytinga á aðalskipulagi þurfi að skoða hvort tilefni sé til endurskoðunar á stefnu aðalsdkipulagsins varðandi byggð og byggðaþróun í dreifbýlinu. Lögð er fram tillaga frá Eflu dags. 31.5.2024

Rangárþing ytra hefur samþykkt breytingu á Aðalskipulagi Rangárþings ytra 2016-2028 í samræmi við 1. mgr. 36. gr. skipulagslaga 123/2010. Svæðin sem breytingin nær til eru Geitasandur (L199603) og Geldingalækur (L164490). Jarðirnar eru samanlagðar um 3476,7 ha að stærð. Varðandi Geitasand er gert ráð fyrir að fella út hluta af skógræktar- og landgræðslusvæði SL5 innan Geitasands (L199603), en heildarstærð svæðisins (SL5) er um 1010 ha og mun allt að þriðjungur þess verði breytt og skilgreint í staðinn sem landbúnaðarsvæði. Um að ræða land í nágrenni svifflugvallarins á Geitamel. Flugbraut / lendingarstaður FV4 innan svæðisins helst óbreytt. Varðandi Geldingalæk er gert ráð fyrir að breyta landbúnaðarsvæði syðst í landi Geldingalækjar (L164490), svokallað Stórholt í um 140 ha skógræktar- og landgræðslusvæði. Lýsing skipulagsáforma var kynnt og var frestur til athugasemda til og með 23. maí sl. Umsagnir bárust frá Umhverfisstofnun sem bendir á að taka þurfi tillit til loftslagsmála og kolefnisbindingar í samræmi við aðgerðaráætlun stjórnvalda í loftslagsmálum;

frá Vegagerðinni sem gerir engar athugasemdir en bendir á að skoða ritið "Vegir og skipulag" sem tekur á samráðsferli vegna samgöngumannvirkja;

frá Heilbrigðiseftirliti Suðurlands sem gerir engar athugasemdir og frá Skipulagsstofnun sem gerði engar athugasemdir en bendir á atriði tengdum afstöðu til jarðalaga, um mat á umfangi og að skilgreindur skuli sérstakur landnotkunarreitur fyrir fræræktunina. Lögð er fram tillaga frá Eflu dags. 3.6.2024.

Rangárþing ytra hefur samþykkt að stækkað verði verslunar og þjónustusvæðið VÞ23. Gert er ráð fyrir stækkun núverandi hótelbyggingar í allt að 5000m2, á allt að 3 hæðum. Innan verslunar og þjónustusvæðisins verður eining gert ráð fyrir hreinlegri iðnaðarstarfsemi s.s. smíðaverkstæði. Fyrirhugað er að heimila stækkun núverandi aðstöðu í allt 1500 m2. Heimiluð verði föst búsetu innan svæðis í allt 12 litlum íbúðum. Í rað- og/eða parhúsum. Gert verður ráð fyrir nýju íbúðarsvæði með allt að 3 íbúðarhúsalóðum á L219861 Norður Nýibær lóð. Gert verður ráð fyrir allt að þremur nýjum aðkomuvegum inn á skipulagssvæðið. Lýsing skipulagsáforma var kynnt með fresti til athugasemda til og með 23. maí sl.

Umsagnir bárust frá Umhverfisstofnun sem bendir á að ekki sé fjallað um lög um stjórn vatnamála í greinargerðinni og að ekki sé fjallað um hvernig fráveitumálum skuli háttað. Að auki bendir UST á að mikilvægt sé að byggingar falli vel að svipmóti og einkenni lands;

frá Mílu sem gerir engar athugasemdir en óskar frekari samráðs á síðari stigum;

frá Landsneti sem, gerir engar athugasemdir;

frá Vegagerðinni sem bendir á að Þykkvabæjarvegur sé tengivegur með 200-400 m á milli tenginga og heimilar því ekki umræddar tengingar;

frá Heilbrigðiseftirliti Suðurlands sem gerir engar athugasemdir en bendir á að allur atvinnusrekstur sem sótt er um starfsleyfi fyrir skal vera í samræmi við skipulag og frá Skipulagsstofnun sem bendir á að gera þurfi grein fyrir fjölda gistirúma ásamt heildar byggingarmagn á húsnæði fyrir starfsfólk og að afstaða sveitarstjórnar gagnvart ákvæði 5. greinar jarðalaga liggi fyrir. Að auki skuli skoðað hvort stækkun svæðisins fyrir versluna- og þjónustu kalli á breytingu á sveitarfélagsuppdrætti. Lögð er fram tillaga frá Eflu dags. 31.5.2024

Sveitarstjórn Rangárþings ytra samþykkti á fundum sínum, annars vegar þann 13.4.2023 að gera breytingar á landnotkun í aðalskipulagi sveitarfélagsins 2016-2028 fyrir Háasel og hins vegar á fundi 13.9.2023 fyrir Aðalsel, Mósel, Sel og Vestursel, þar sem núverandi frístundasvæði verði breytt í landbúnaðarsvæði fyrir öll svæðin. Kynnt hefur verið sameiginleg lýsing skipulagsáforma frá Eflu dags. 27.2.2024. Umsagnir bárust frá Mílu, Brunavörnum Rangárvallasýslu, Umhverfisstofnun, Vegagerðinni, Landsneti og Heilbrigðiseftirliti Suðurlands sem gerðu engar athugasemdir, en ábendingar bárust frá Heilbrigðiseftirlitinu þar sem minnt er á að öll starfsemi sé starfsleyfisskyld og að í skilmálum skuli koma fram hvaðan neysluvatni sé aflað. Að auki vanti að nefna reglugerð nr. 796/1999 í upptalningu í töflu 3. Skipulagsstofnun gerði engar athugasemdir við lýsinguna. Lögð er fram tillaga frá Eflu dags. 28.5.2024.

Rangárþing ytra hefur samþykkt að gerðar verði nauðsynlegar breytingar á landnotkun í aðalskipulagi sveitarfélagsins þar sem núverandi landbúnaðarnotkun verði færð í Verslunar- og þjónustunotkun. Sameiginleg lýsing skipulagsáforma vegna breytingarinnar á aðalskipulaginu og vegna deiliskipulagsins hefur verið kynnt. Skipulagsstofnun gerði athugasemdir við efnislega hluti í greinargerð fyrri tillögu en gerði ekki athugasemdir við auglýsingu þegar búið væri að taka tillit til þeirra í uppfærðri tillögu. Lögð er fram uppfærð tillaga frá Eflu dags. 28.5.2024.

Landeigendur hafa lagt fram deiliskipulag af ca. 50 ha svæði undir frístundabyggð fyrir um 35 lóðir. Gerðar hafa verið breytingar á afmörkun núverandi frístundasvæðis F74 í aðalskipulagi. Tillagan gerir ráð fyrir rúmum lóðum sem heimilt væri að byggja sumarhús og gestahús / geymslu á hverri lóð. Eftir auglýsingu tillögunnar barst athugasemd frá Skipulagsstofnun um efnisleg atriði greinargerðar sem þarf að lagfæra. Lögð er fram endurbætt tillaga frá ARKÍS dags. 7.2.2020 br. síðast 18.5.2021. Vegna tímaákvæða í skipulagsreglugerð er tillagan lögð fram að nýju til auglýsingar.

Lóðareigendur óska eftir að fá heimild til að gera breytingar á gildandi deiliskipulagi frá 29.9.2023 þar sem bætt er við heimild til byggingar á íbúðarhúsi ásamt því að leyfi fáist til nýrrar vegtengingar inná lóðina. Ástæða nýrrar vegtengingar er að gríðarlegur hæðarmunur er innan lóðar og afar erfitt að komast að skilgreindum byggingareit þaðan sem vegtenging er sýnd í dag. Skipulagsgögn frá M11 arkitektum dags. 14.5.2024.

Eigendur lóðarinnar Hrafntóftir 1 hafa lagt fram tillögu að deiliskipulagi fyrir lóðina. Gert verði ráð fyrir byggingu einbýlishúsa, gestahúsa, bílskúra og skemmu. Skipulagsgögn frá Sturlu Jónssyni dags. 27.3.2024. Tillagan var auglýst frá og með 11.4.2024 til og með 23.5.2024. Umsagnir bárust frá Brunavörnum Rangárvallasýslu, Umhverfisstofnun og Landsneti sem gerðu engar athugasemdir;

frá Vegagerðinni sem bendir á að af umferðaröryggis ástæðum eru ekki leyfð krossgatnamót þar sem Þykkvabæjarvegur er tengivegur af gerðinni C7, en þar eru 200-400 metrar milli tenginga;

frá Heilbrigðiseftirliti Suðurlands sem gerir athugasemd við að ofanvatni af húsþökum skuli beint í rotþrær. Lögð er fram uppfærð tillaga þar sem búið er að taka tillit til framangreindra athugasemda.

Samhliða var óskað eftir undanþágu frá gr. 5.3.2.5, lið d. í skipulagsreglugerð nr. 90/2013 um fjarlægð bygginga frá stofn- og tengivegum, vegna byggingar íbúðarhúss, til Innviðaráðuneytisins. Jákvæð umsögn barst frá Skipulagsstofnun vegna þessa en beðið er formlegs svars frá ráðuneytinu.

Landeigandi Bjálmholts L165072 hefur lagt fram tillögu að deiliskipulagi úr jörð sinni. Um er að ræða uppbyggingu á þjónustuhúsi sem ætluð er vegna kynningar og sölu á afurðum býlisins. Tillagan var auglýst frá og með 11.4.2024 til og með 23.5.2024. Umsagnir bárust frá Brunavörnum Rangárvallasýslu, Veitum, Mílu, Landsneti, Umhverfisstofnun og Vegagerðinni sem gerðu engar athugasemdir og frá Heilbrigðiseftirliti Suðurlands sem bendir á að vísað er í brottfallnar leiðbeiningar varðandi fráveitu frá fyrirhuguðu þjónustuhúsi. Lögð er fram uppfærð tillaga frá M11 dags. 28.5.2024.

Eigandi Köldukinnar L165092 hefur lagt fram tillögu að breytingum á gildandi deiliskipulagi af jörð sinni sem staðfest var 14.1.2021 m.s.br. Gert verði ráð fyrir byggingu íbúðarhúss ásamt tengdum byggingum og ný aðkoma gerð frá Árbæjarvegi. Skipulagsgögn frá Eflu dags. 27.9.2023. Tillagan var auglýst frá og með 18.10.2023 til og með 30.11.2023. Umsagnir bárust frá Vegagerðinni sem gerði athugasemdir við nýjar tengingar og hafnaði þeim;

frá Umhverfisstofnun og Heilbrigðiseftirliti Suðurlands sem gerðu engar athugasemdir. Lögð er fram uppfærð tillaga frá Eflu dags. 13.5.2024.

Eigendur Grenja 2 L226585 hafa fengið heimild til að gera breytingar á gildandi deiliskipulagi fyrir svæðið dags. 1.10.2019. Í breytingunni fælist að bætt yrði við einni lóð undir núverandi íbúðarhús og gerð ný aðkoma að upprunalóðinni Grenjum 2. Ekki yrði um breytingar á byggingarheimildum að ræða. Ný lóð fengi heitið Grenjabakki. Lögð er fram tillaga frá Eflu dags. 31.5.2024.

Eigendur Stóru-Skóga (L230849) og Stóru-Skóga L (L234476) hafa fengið heimild til að leggja fram tillögu að breytingum á gildandi deiliskipulagi úr Sólstöðum / Klettholti dags. 26.2.2021 m.s.br. Í breytingunni fælist að bætt yrði við byggingareit á lóð Stóru-Skóga L með aðkomu af Árbæjarvegi nr. 271, ásamt því að skipta Stóru-Skógum L230849 upp í fjóra hluta með byggingarheimildum fyrir hverja og eina lóð. Lögð er fram tillaga frá Eflu dags. 31.5.2024.

Vegna fyrirhugaðrar stækkunar og aflaukningar Sigöldustöðvar er þörf á vinnubúðum fyrir verktaka meðan á framkvæmdum stendur. Reiknað er með að þurfi aðstöðu fyrir um 150 manns. Settir verða inn byggingareitir fyrir þær í námu sem er sunnan við Sigöldufoss í Tungnaá. Aðkoma verður um núverandi vegslóða að námunni. Mögulega verður efni úr námunni nýtt í framkvæmdir eða að efni verður haugsett í námunni. Náman verður innan deiliskipulagssvæðis og gerð grein fyrir efnistöku/haugsetningu og frágangi námunnar og svæðisins alls við lok framkvæmda. Einnig verður sett inn vatnsból og vatnsverndarsvæði umhverfis það. Breytingin nær einungis til svæðis innan Rangárþings ytra. Heimild var veitt af hálfu sveitarstjórnar þ. 13.3.2024. Lögð er fram tillaga frá Eflu dags. 27.5.2024.

Unnið er að gerð göngustígar milli Geitasands og Freyvangs á Hellu, sem tengir byggðina austan Langasands við skóla- og íþróttahverfið. Lögð eru fram drög að legu þess göngustígar.

Lóðarhafi að Fossi L219040 hefur lagt fram tillögu að deiliskipulagi fyrir lóð sína eins og til var ætlast við stækkun hennar. Nýtt skipulag tekur til viðhalds núverandi mannvirkja og byggingar nýrra gestahúsa til útleigu. Skoðað verður með stofnun sérstakrar lóðar fyrir gamla húsið og gamla bæjarstæðið. Svæðið er skilgreint sem Afþreyingar- og ferðamannasvæði AF8 í aðalskipulgi.