Kauptilboð - Helluvað 1

Sveitarfélagið leitaði eftir því við eigendur Helluvaðs 1 að kaupa af þeim land. Eigendur tóku jákvætt í þá málaleitan og óskuðu eftir tilboði í jörðina og íbúðarhús. Þann 28. febrúar s.l. lagði sveitarfélagið fram tilboð í jörðina Helluvað 1 sem er tæplega 50 ha. Tilboðinu var hafnað.

Kaup á landspildu í þágu framkvæmdar gildandi aðalskipulags: Lagt til að fela sveitarstjóra að gera kauptilboð í 8,7 ha landspildu úr landi Helluvaðs, landnúmer 164505. Um er að ræða spildu sem er merkt með brúnum lit fyrir íþróttasvæði í aðalskipulagi fyrir Rangárþing ytra, á uppdrætti, dags. 16.06.2021, sem er hluti af breyttu aðalskipulagi Rangárþings ytra. Umrædd landspilda var áður merkt grænum lit fyrir opin svæði í aðalskipulaginu. Kauptilboðið er gert til þess að sveitarfélagið eignist umrædda landspildu í þágu framkvæmdar gildandi aðalskipulags, sem nær til landspildunnar.

Samþykkt samhljóða og sveitarstjóra falið að undirrita kauptilboðið með fyrirvara um samþykki sveitarstjórnar.

Lagt fram undirritað kauptilboð í 8,7 ha land undir íþróttasvæði úr landi Helluvaðs en sveitarstjóra var falið að undirrita það með fyrirvara um samþykki sveitarstjórnar eftir að málið var tekið fyrir á byggðarráðsfundi 25. janúar s.l. Lagt til að sveitarstjórn samþykki fyrirvaran í kauptilboðinu.

Samþykkt samhljóða.

Fyrir liggur að tilboðinu hefur verið hafnað. Lagt til að sveitarstjóra verði falið að skoða möguleika á að hefja eignarnámsferil vegna þessarar landspildu.

Samþykkt samhljóða.

Lagt fram minnisblað vegna kaupa á 8,7 ha spildu úr landi Helluvaðs í þágu framkvæmdar gildandi aðalskipulags.

Byggðarráð leggur til að fela sveitarstjóra að fullreyna samninga við þinglýsta eigendur Helluvaðs, landnr. 164505. Takist samningar ekki væri sveitarstjóra falið að undirbúa ákvörðun sveitarstjórnar um eignarnám á 8,7 ha landspildu úr framangreindu landi.

Samþykkt samhljóða.