Dynskálar frágangur á lóðamörkum

Deiliskipulagið var haft til hliðsjónar í umræðunum. Skv. því er gert ráð fyrir 3ja og/eða fjögurra metra breiðu gróðurbelti meðfram Suðurlandsvegi. Fyrst var tæpt á brýnum aðgerðum að mati fundarmanna svo sem að:
?
Flýta framkvæmdum við fyrirhugað hringtorg, sbr. deiliskipulag, vegna slysahættu.
?
Skoða rafmagnslögn sem liggur í gróðurbeltinu.
Einhugur er innan þessa hóps að fara í aðgerðir. Líflegar umræður spunnust um útlit gróðurbeltisins og skoðanir skiptar. Tillögur voru eftirfarandi:
?
þekja svæðið með grasi
?
girða með neti og lágum runnagróðri
?
hafa hátt og/eða lágt gróðurbelti og timburgirðingu á víxl
?
hljóðmön með grasi
?
Nota innlendar tegundir, t.d. víði
?
Viðhaldslítið gróðurbelti
Nefndin leggur til að landslagsarkitekt verði fenginn til þess að hanna gróðurbeltið. Fundarmenn eru jafnframt hvattir til að kynna sér trjásafn Landgræðslunnar í Gunnarsholti.

Umbeðin verðkönnun er ekki tilbúin en stefnt er að því að leggja fram gögn á vinnufundum Byggðarráðs í næstu viku.

Tómas Haukur fór yfir næstu skref í fegrun lóðamarkanna gagnvart Suðurlandsveginum. Hugmyndin er sú að slétta svæðið til að byrja með og sá í það grasfræi ásamt því að setja niður einstaka gróðurstaði með vel völdum trjátegundum.

Tómas fékk í lið með sér Helgu Rögnu frá Kjarri í Ölfusi til að leiðbeina sér í frágangi við Dynskála í tengslum við þjóðveginn. Hugmyndin er sú að rækta upp náttúrulegan gróður án þess að þurfa að sinna svæðinu mikið. Bæta þarf við gróðri. Sett var birki í mörkin þar sem það átti við. Fylla þarf í auða bletti smátt og smátt. Lögð er áhersla á svæðið niður að Langasandi með grófu úthagatorfi og einstaka skriðjurtum og hríslum til að byrja með og er gert ráð fyrir öðruvísi gróðri þar neðan við.

Farið yfir stöðu málsins.