Sorphirða

Drög að greinargerð um sorphirðu lögð fram til kynningar og umræðu. Greinargerð verður lögð fram í lokaúttgáfu á næsta fundi. Stjórnarmenn koma með athugasemdir milli funda. Greinargerðin verður síðan kynnt sveitarstjórnum aðilarsveitarfélaga í kjölfar næsta fundar stjórnar SOR.

Framkvæmdastjóri hefur tekið saman greinargerð um reynsluna af fyrirkomulagi sorphirðu og jafnframt var gerð verðkönnun á útvistun verkefnisins til samanburðar við eigin reynslu af rekstrinum.

Samdóma mat stjórnar var að halda áfram núverandi rekstrarfyrirkomulagi, en ráðast jafnframt í stefnumótunarvinnu og samtal við íbúa um framtíðarfyrirkomulag sorphirðu.

Framkvæmdastjóri fór yfir stöðu sorphirðu. Unnið er eftir sorphirðudagatali. Rætt var um kosti og galla núverandi fyrirkomulags. Stjórn hvetur íbúa til að taka virkan þátt í flokkun sem til lengri tíma skilar sér í lægri sorpgjöldum.

Úrvinnslusjóður óskar eftir upplýsingum um framkvæmd söfnunar á endurvinnsluefnum á starfssvæði Sorpstöðvarinnar, hvernig henni er háttað í dag og hvernig líklegt sé að hún breytist með þeim lagabreytingum sem samþykktar voru á alþingi í júní 2021 um flokkun, endurvinnslu, úrvinnslugjald o.fl. Framkvæmdastjóra falið að taka saman upplýsingarnar.