Hálendisnefnd

2. fundur 03. febrúar 2016 kl. 16:00 - 18:00 Suðurlandsvegi 1-3
Nefndarmenn
  • Sigurgeir Guðmundsson formaður
  • Magnús H. Jóhannsson aðalmaður
  • Guðlaug Berglind Guðgeirsdóttir aðalmaður
  • Haraldur Birgir Haraldsson
Fundargerð ritaði: Birgir Haraldsson Skipulags- og byggingarfulltrúi
Jón Björnsson, sérfræðingur hjá Umhverfisstofnun og Þorgils Torfi Jónsson oddviti sátu fundinn undir þessum lið.

1.Akstur á hálendinu

1601046

Málefni akstursíþróttafélaga í tengslum við hálendið
Sigurgeir upplýsti nefndina um þær venjur sem tíðkast hafa við leyfisveitingar til rallýaksturs innan marka sveitarfélagsins undanfarin ár. Nefndin telur að skýrar verklagsreglur þurfi að liggja fyrir við afgreiðslu erinda sem þessara. Nefndin leggur til að samningar verði gerðir við keppnishaldara um afnot einstakra vega. Tryggja verður að hagsmunir sveitarfélagsins séu hafðir að leiðarljósi við gerð slíkra samninga og að keppnishaldara verði gert skylt að greiða fyrir eftirlit, frágang og lagfæringar ef með þarf. Nefndin leggur til að útbúnar verði verklagsreglur sem lagðar verði fyrir næsta fund.

Fulltrúar frá Rallý Reykjavík hafa óskað eftir fundi með nefndinni og tekur nefndin vel í það. Stefnt er að fundi um næstu mánaðarmót.





Fundarmenn þakka Torfa og Jóni fyrir þeirra sjónarmið.
Þorgils Torfi Jónsson, oddviti og fulltrúi í vinnuhópi um endurskoðun skilmála fyrir Friðland að Fjallabaki og Jón Björnsson sérfræðingur og landvörður hjá Umhverfisstofnun eru gestir fundarins undir þessum lið.

2.Friðland að fjallabaki

1510076

Umhverfis- og auðlindaráðherra hefur skipað starfshóp um málefni Friðlands að fjallabaki. Hugmyndin er að taka til endurskoðunar mörk svæðisins og friðlýsingarskilmála.
Þorgils Torfi skýrði frá stöðu mála í starfshópnum. Miklar og góðar umræður urðu um málefnið og nefndin telur sig vera vel upplýsta um stöðu málsins.
Þorgils Torfi Jónsson og Jón Björnsson víkja af fundi. Fundarmenn þakka fyrir þeirra sjónarmið.

3.Strútslaug, deiliskipulag

1303018

Skúli H. Skúlason, framkvæmdastjóri Útivistar, hefur fengið heimild til deiliskipulagsgerðar á svæðinu við Strútslaug í Hólmsárbotnum að Fjallabaki. Sóst verður eftir að reisa skála á svæðinu ásamt salernis- og búningsaðstöðu. Við afgreiðslu erindisins í sveitarstjórn Skaftárhrepps kom í ljós athugasemd sem snýr að afmörkun sveitarfélagamarka á uppdrætti tillögunnar.
Skipulagsfulltrúi kynnti fyrirliggjandi áform við Strútslaug. Nefndin gerir ekki athugasemdir við tillöguna en bendir á nauðsyn þess að farið skal með ítrustu varúð við flutning á efni sem tilheyrir þeim mannvirkjum sem ráðgert er að reisa.

Nefndin er ekki sammála túlkun Skaftárhrepps um að farið sé frjálslega með mörk sveitarfélaganna. Þó að vörpun hnita úr gömlu hnitakerfi í ÍSNET93 hliðri sveitarfélagamörkum þá er alkunna og hefð til langs tíma að hornpunktur sveitarfélagamarka sé í Strútslaug sjálfri.

4.Landmannalaugar, deiliskipulag

1310038

Rangárþing ytra stefnir að gerð deiliskipulags fyrir Landmannalaugar. Skipaður hefur verið vinnuhópur og vinna við áherslur komnar af stað.
Síðasta fundargerð lögð fram til kynningar.

Fundi slitið - kl. 18:00.

Fannst þér efnið á síðunni hjálplegt?