Málsnúmer 1605009

Vakta málsnúmer

Skipulags- og umferðarnefnd - 93. fundur - 09.05.2016

Framkvæmdahópur á vegum Kaupfélags Skagfirðinga leggur fram til kynningar áform um uppbyggingu á lóðunum við sláturhúsið á Hellu.
Lagt fram til kynningar. Skipulagsfulltrúa er falið að kalla eftir frekari kynningu á framlögðum áformum.

Byggðarráð Rangárþings ytra - 22. fundur - 25.05.2016

Fundargerð frá 20052016
Vísað er til umfjöllunar um einstaka liði en fundargerðin að öðru leyti til kynningar.

Skipulags- og umferðarnefnd - 94. fundur - 06.06.2016

Birgir Teitsson og Jakob Bjarnason fyrir hönd framkvæmdahóps og Sigurjón Rafnsson frá KS á Sauðárkróki fyrir hönd lóðarhafa kynna framlagðar hugmyndir að þjónustusvæði.
Framkvæmdahópur á vegum Kaupfélags Skagfirðinga leggur fram til kynningar áform um uppbyggingu á lóðunum við sláturhúsið á Hellu.
Skipulagsnefnd tekur jákvætt í erindið og samþykkir að veita heimild til deiliskipulagsgerðar. Jafnframt leggur nefndin til að fallið verði frá lýsingu þar sem skipulagsáætlun samræmist stefnu aðalskipulagsins.
Kynningaraðilar víkja af fundi og er þakkað fyrir góða kynningu.

Skipulags- og umferðarnefnd - 95. fundur - 18.07.2016

Framkvæmdahópur á vegum Kaupfélags Skagfirðinga leggur fram tillögu að breytingu á gildandi deiliskipulagi fyrir þjónustusvæði við Rangárbakka á Hellu. Í tillögunni felst að deiliskipulagssvæðið stækkar til suðurs. Lóðirnar Rangárbakki 1,3,5 og 11 eru sameinaðar í eina lóð. Lóðirnar eru í dag skilgreindar sem athafnalóðir auk þess er ein lóð skilgreind sem iðnaðarlóð. Deiliskipulagsbreytingin gerir ráð fyrir að sameinuð lóð verði skilgreind sem verslunar- og þjónustulóð. Afmarkaðir eru þrír byggingareitir fyrir verslun- og þjónustubyggingar á lóðinni. Einnig eru afmarkaðir byggingareitir fyrir 40 frístundahús, þjónustuhús fyrir frístundahús auk byggingareits fyrir sjálfsafgreiðslu eldsneytisstöð.
Gert er ráð fyrir a.m.k. einu bílastæði pr. 50 m².
Skipulagsnefnd telur að afmörkun svæðisins í texta greinargerðar þurfi að vera nákvæmari og í samræmi við afmörkun á uppdrætti. Að öðru leyti samþykkir nefndin fyrirliggjandi tillögu og leggur til að hún verði auglýst skv. 41. gr. skipulagslaga nr. 123/2010.

Skipulags- og umferðarnefnd - 99. fundur - 10.10.2016

Framkvæmdahópur á vegum Kaupfélags Skagfirðinga hefur lagt fram tillögu að breytingu á gildandi deiliskipulagi fyrir þjónustusvæði við Rangárbakka á Hellu. Tillagan var auglýst frá 3. ágúst til og með 14. september. Athugasemdir bárust frá Vegagerðinni vegna skorts á samgönguleiðum og bílastæðum innan svæðisins. Jafnframt bendir Vegagerðin á að æskilegt væri að skipulagsvinna sunnan þjóðvegarins við Hellu væri unnin heildstætt fyrir svæðið í heild í stað þess að vinna að skipulagsgerð í bútum eins og virðist raunin. Ekki bárust frekari athugasemdir.
Skipulagsnefnd hefur fjallað um framkomnar athugasemdir og telur að brugðist hafi verið við þeim í meðfylgjandi tillögu. Skipulagsnefnd samþykkir því tillöguna og leggur til að hún verði send Skipulagsstofnun til endanlegrar meðferðar.

Skipulags- og umferðarnefnd - 104. fundur - 12.12.2016

Framkvæmdahópur á vegum Kaupfélags Skagfirðinga leggur fram tilögu að deiliskipulagi fyrir Rangárbakka 1-3 á Hellu. Í auglýsingu tilögunnar komu fram athugasemdir frá Skipulagsstofnun um framsetningu efnis og skilmála í tillögunni. Einnig telur Skipulagsstofnun að tillagan samræmist ekki aðalskipulagi Rangárþings ytra 2010-2022 þar sem ný lóð fyrir verslun- og þjónustu sé aðeins að hluta til á skilgreindu verslunar- og þjónustusvæði.
Búið er að minnka verulega umfang framkvæmdaáforma og fella niður síðari áfanga í fyrri tillögu. Því telur nefndin að búið sé að lagfæra tillöguna að teknu tilliti til athugasemda Skipulagsstofnunar og telur ekki nauðsynlegt að tillagan verði auglýst að nýju. Skipulagsnefnd áréttar að fyrirhuguð vegtenging að austanverðu skuli einnig nýtast til aðkomu að svæðinu austan lóðarinnar.

Nefndin felur skipulagsfulltrúa að senda endanlega tillögu til Skipulagsstofnunar.