Málsnúmer 2001005
Vakta málsnúmerSkipulags- og umferðarnefnd - 22. fundur - 10.02.2020
Sverrir G. Kristinsson óskar eftir heimild til að leggja fram deiliskipulag af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Lögð er fram lýsing skipulagsáforma. Gert er ráð fyrir að lóðastærðir þegar skráðra lóða muni breytast skv. forsendum skipulagsins.
Skipulagsnefnd samþykkir að veita heimild til deiliskipulagsgerðar. Nefndin telur ekki ástæðu til að kynna lýsinguna sérstaklega. Nefndin samþykkir fram lagða tillögu og leggur til að hún verði auglýst skv. 41. gr. skipulagslaga nr. 123/2010.
Skipulags- og umferðarnefnd - 24. fundur - 14.04.2020
Sverrir G. Kristinsson hefur fengið heimild til að leggja fram deiliskipulag af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Tillagan var auglýst frá 19.2.2020 til og með 1.4.2020. Athugasemdir bárust frá Heilbrigðiseftirliti Suðurlands þar sem óskað var eftir frekari rökstuðningi á að talin sé þörf á að vikið skuli vera frá sameiginlegri fráveitu þar sem það á við. Ábendingar bárust frá Vegagerðinni um að tengingar skuli gerðar hornréttar á vegi og að fleirum verði heimilt að nota nýjar tengingar. Umhverfisstofnun óskaði eftir að fjallað yrði um umhverfisáhrif á stöðuvatnið í tillögunni. Minjastofnun fjallaði um sýndar fornleifar og fyrirvara gagnvart þeim.
Skipulagsnefnd telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til endanlegrar afgreiðslu.
Skipulags- og umferðarnefnd - 26. fundur - 08.06.2020
Sverrir G. Kristinsson hefur með heimild sveitarstjórnar lagt fram deiliskipulag af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Tillagan var auglýst frá 19.2.2020 til og með 1.4.2020. Í afgreiðslu Skipulagsstofnunar kom fram að misræmis gætti í ákvæði um byggingarmagn á frístundalóðum og að byggingareitur eldri lóðar á svæðinu væri ekki samkvæmt ákvæðum skipulagsreglugerðar um 50 metra fjarlægðarmörk frá vötnum og 100 metra frá tengivegi.
Skipulagsnefnd telur að ekki sé um misræmi að ræða heldur sé um bagalegt orðalag að ræða sem þurfi að skerpa á í greinargerð. Varðandi áform um að núverandi sumarbústaður á lóðinni Gíslholt lóð verði stækkaður og að byggt verði nær vatninu og nær þjóveginum en reglugerð heimilar gerir nefndin engar athugasemdir við slík áform en ítrekar að sótt verði um undanþágu frá annars vegar grein 5.3.2.5., lið "d" í skipulagsreglugerð, vegna fjarlægðar frá veginum, og hins vegar grein 5.3.2.14. sömu reglugerðar, vegna fjarlægðar frá vatninu, til Umhverfis- og auðlindaráðuneytis.
Skipulags- og umferðarnefnd - 15. fundur - 10.08.2023
Sverrir G. Kristinsson hefur með heimild sveitarstjórnar lagt fram tillögu að deiliskipulagi af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Tillagan var auglýst frá 19.2.2020 til og með 1.4.2020. Í afgreiðslu Skipulagsstofnunar kom fram að misræmis gætti í ákvæði um byggingarmagn á frístundalóðum og að byggingareitur eldri lóðar á svæðinu væri ekki samkvæmt ákvæðum skipulagsreglugerðar um 50 metra fjarlægðarmörk frá vötnum og 100 metra frá tengivegi. Undanþága frá ráðuneyti liggur nú fyrir og lögð eru fram uppfærð gögn.
Skipulags- og umferðarnefnd hefur farið yfir fram lögð gögn og leggur til að tillagan verði auglýst að nýju skv. 41. gr. skipulagslaga nr. 123/2010 þar sem tímafrestur skv. skipulagsreglugerð frá því að frestur til athugasemda rann út er liðinn.
Skipulags- og umferðarnefnd - 17. fundur - 05.10.2023
Sverrir G. Kristinsson óskar eftir heimild til að leggja fram deiliskipulag af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Tillagan var endurauglýst fram til 5. október sl.
Skipulags- og umferðarnefnd leggur til að málinu sé frestað þar sem frestur til athugasemda er ekki lokið.
Skipulags- og umferðarnefnd - 19. fundur - 07.12.2023
Eigandi Gíslholts hefur lagt fram tillögu að deiliskipulagi af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Tillagan var endurauglýst fram til 5. október sl. Engar athugasemdir bárust í þeirri auglýsingu.
Í fyrri auglýsingu bárust athugasemdir frá Umhverfisstofnun og Heilbrigðiseftirliti Suðurlands sem búið er að taka tillit til í uppfærðri tillögu sem hér fylgir, dags. 29.5.2020
Í fyrri auglýsingu bárust athugasemdir frá Umhverfisstofnun og Heilbrigðiseftirliti Suðurlands sem búið er að taka tillit til í uppfærðri tillögu sem hér fylgir, dags. 29.5.2020
Skipulags- og umferðarnefnd hefur fjallað um fram komnar athugasemdir. Nefndin telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til afgreiðslu í samræmi við 1. mgr. 42. gr. skipulagslaga nr. 123/2010.
Skipulags- og umferðarnefnd - 23. fundur - 04.04.2024
Eigandi Gíslholts hefur lagt fram tillögu að deiliskipulagi af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Tillagan var endurauglýst fram til 5. október sl. Engar athugasemdir bárust í þeirri auglýsingu. Í fyrri auglýsingu bárust athugasemdir frá Umhverfisstofnun og Heilbrigðiseftirliti Suðurlands sem búið er að taka tillit til. Vegna tímaákvæða í skipulagsreglugerð þurfti að auglýsa tillöguna aftur og fór hún í auglýsingu frá og með 15. febrúar 2024 til og með 28. mars 2024. Engar athugasemdir bárust.
Skipulags- og umferðarnefnd telur að fram komnar umsagnir leiði ekki til breytinga á auglýstri tillögu og leggur til að tillagan verði send Skipulagsstofnun til endanlegrar afgreiðslu í samræmi við 1. mgr. 42. gr. skipulagslaga nr. 123/2010.