Skipulags- og umferðarnefnd

Eigandi jarðarinnar Tobbakots 1, L165427, óskar eftir að staðfest verði mörk spildna sinna í samræmi við uppdrætti frá Landnotum dags. 9.7.2021. Hlutaðeigandi og nærliggjandi landeigendur hafa skrifað undir samþykki sitt á uppdrættina og staðfest þar með ytri mörk umræddra spildna.

Byggðaráð samþykkti á fundi 24.5.2023 að lóð nr. 49 yrði sameinuð lóð 48. Uppdráttur frá landnot dags. 5.7.2023 þar sem lóðin er orðin Gaddstaðir 48, 16.714,4 m² að stærð.

Rangárþing ytra vinnur að breytingu á afmörkun lóðarinnar Faxaflatir L225962 þar sem austasti hluti hennar afmarkast við núverandi lægð í landi. Núverandi stærð lóðar er 59.806 m² en verður 48.945 eftir leiðréttingu. Það sem af er tekið fellur aftur í L164482, Gaddstaði. Gögn frá Landnotum dags. 11.7.2023.

Eigendur Bjálmholts lands L216674, Bjálmholts L165072 og Beindalsholts L194943 óska eftir að fá að skipta úr löndum sínum, spildum sem eiga að sameinast innbyrðis í samræmi við uppdrætti frá Landnotum dags. 21.6.2023. Um samsetta aðgerð er að ræða. Skipt verður tveimur spildum úr landi Bjálmholts L165072, annars vegar spildu "A", L236206 sem sameinast Beindalsholti L194943 og hins vegar spilda "B", L236207 sem sameinast Bjálmholti landi L216674. Í kjölfarið er skipt út úr Bjálmholti landi L216674, 73011 m² spildu, Bjálmholt 2 L236208 sem sameinast við Beindalsholt L194943. 10 ha spildan sem eftir verður heldur upprunalandeignanúmerinu og heitinu Bjálmholt land L216674. Nýja spildan á svo að sameinast Beindalsholti L194943 og verður 91292 m² eftir sameiningu. Úr þeirri spildu á svo að skipta út 8782 m² spildu sem fengi heitið Beindalsholt 1 og landeignanúmerið L236209.

Landeigendur óska eftir að fá að skipta úr lóð sinni Ranaflöt L226511, lóð sem yrði 2478,7 m² að stærð og fengi heitið Ranaflöt 2, L236220. Matshlutar 01 og 02 færast yfir á hina nýju lóð. Notkun lóðarinnar yrði áfram í landbúnaðarnotum.

Eigendur Lambhaga óska eftir að skipt verði úr jörð þeirra spildu meðfram þjóðvegi nr. 1 í samræmi við meðfylgjandi gögn frá Landnotum. Spildan fái heitið Langrófa og verði 77.007 m² að stærð og Lxxxxxx. Ágreiningur varð um staðsetningu hornmarks og leitað var eftir áliti lögfræðings vegna þess. Það liggur nú fyrir ásamt uppdráttum frá Landnotum dags. 21.12.2022.

Byggingarfulltrúi Rangárþings ytra hefur móttekið umsókn Þorgeirs Haraldssonar um leyfi til að byggja bíla- og tækjageymslu á lóð sinni Haukadalur lóð 7 skv. uppdráttum frá Viktori Þór Sigurðssyni, Teiknistofunni. Byggingaráform eru ekki í samræmi við gildandi deiliskipulag fyrir svæðið frá árinu 1996.

Borist hefur ábending frá fjölda foreldra um að rétt væri að setja hraðahindrun á Þrúðvanginn, rétt sunnan við leiksvæðið á Nesi. Samhliða þarf að endurskoða áherslur varðandi aðgengi gangandi og hjólandi vegfarenda að leiksvæðinu þegar þarf að fara yfir Þrúðvanginn.

Byggingarfulltrúi Rangárþings ytra hefur móttekið umsókn Leiktækja og garðyrkju ehf um leyfi til að breyta notkun húsnæðisins að Þrúðvangi 35. Húsnæðið er skráð sem geymsluhúsnæði en verði breytt í íbúðir, leiguherbergi og vinnustofur. Ennfremur er sótt um að nýta megi svæði fyrir framan húsið sem bílastæði. Gögn frá Balsa ehf, dags. 26.6.2023.

Byggðaráð frá fundi 12.7.2023 vísar erindi Stýrihópsins um miðbæjarskipulag til afgreiðslu og frekari úrvinnslu þar sem stýrihópurinn leggur til að lóðin nr. 8 við Breiðöldu verði auglýst til úthlutunar. Svæðið norðan við blokkina, við enda Bergöldu, verði áfram nýtt sem opið svæði til útivistar. Varðandi skipulagt leiksvæði við Baugöldu verði tillaga nefndarinnar frá fundi 7.12.2020 uppfærð og svæðið gert að tveimur íbúðarhúsalóðum, einbýli eða tvíbýli. Samhliða verði hugað að frágangi á skilgreindu leiksvæði milli Baugöldu og Langöldu. Norðan við Hólavang 9-11 leggur stýrihópurinn til að afmörkuð verði lóð undir tveggja hæða íbúðarhúsnæði.

Lýður Skúlason fyrir hönd Keldna ehf, óskar eftir framkvæmdaleyfi til gerðar vermitjarnar og byggingu stíflu vegna hennar. Verkefnið byggir á að gera fiskiveg framhjá Tungufossi í Eystri Rangá og gera efri hluta árinnar fiskgengan og sjálfbæran. Fyrirhugaðar vermitjarnir verða staðsettar í gamla árfarvegi Eystri Rangár sem síðan verða nýttar til ræktunar laxfiska.

Staða byggingarleyfismála kynnt

Kærð var ákvörðun Skipulagsstofnunar um að uppsetning vindmylla í Þykkvabæ þyrfti ekki að fara í umhverfismat. Vegna framkominnar kröfu var stjórnvaldi gefið kostur á að tjá sig um kröfuna sbr. 5. mgr. 4. gr. laga nr. 130/2011 um úrskurðarnefnd umhverfis- og auðlindamála. Skipulagsfulltrúi tók saman gögn sem sent var til ÚUA. Lagður er fram úrskurður nefndarinnar þar sem kröfu kæranda er hafnað.

Meðfylgjandi er álit Skipulagsstofnunar um mat á umhverfisáhrifum um uppbyggingu þjónustumiðstöðvar í Landmannalaugum. Skipulagsstofnun telur að áður en kemur til leyfisveitinga við Námshraun sé ástæða til að fram fari viðhorfskönnun meðal ferðamanna og ferðaþjónustuaðila til uppbyggingarinnar við Námshraun

Sveitarfélagið samþykkti á fundi sínum þann 1.12.2022 að gerð verði breyting á landnotkun í aðalskipulagi þar sem hluti af núverandi Skógræktar- og landgræðslusvæði SL26 ásamt hluta af óbyggðu svæði verði breytt í iðnaðarsvæði. Lýsing skipulagsáforma frá Eflu dags. 25.11.2022 hefur verið kynnt og einnig hefur skipulagstillagan verið kynnt á vinnslustigi. Lögð er fram tillaga að breytingu á aðalskipulagi sveitarfélagsins 2016-2028.

Sveitarstjórn Rangárþings ytra samþykkti á fundi sínum þann 14.12.2022 að gerðar yrðu breytingar á landnotkun á hluta jarðarinnar Árbæjarhellir 2 þar sem núverandi landbúnaðarsvæði verði breytt í íbúðasvæði. Sameiginleg lýsing skipulagsáforma nokkurra svæða hefur verið kynnt. Gert er ráð fyrir að um 5 ha svæðið verði breytt í íbúðasvæði með alls 8 lóðum, 0,5 - 0,9 ha að stærð. Tillagan var auglýst frá og með 21. júní sl til og með 2. ágúst sl. Ábending barst frá Umhverfisstofnun um að sýna þurfi umhverfisviðmið í umhverfismatsskýrslu vegna mögulegra áhrifa á fuglalíf og búsvæði þeirra.

Sveitarstjórn Rangárþings ytra samþykkti á fundi sínum þann 11.1.2023 að gerðar yrðu breytingar á landnotkun á lóðinni Heiði, L164645, þar sem núverandi landbúnaðarsvæði verði breytt í frístundasvæði. Tillagan gerir ráð fyrir að um 1,8 ha svæðinu verði breytt í frístundasvæði með alls 5 lóðum. Sameiginleg lýsing skipulagsáforma nokkurra svæða hefur verið kynnt. Tillagan var auglýst frá og með 21. júní sl til og með 2. ágúst sl. Ábending barst frá Umhverfisstofnun um að sýna þurfi umhverfisviðmið í umhverfismatsskýrslu vegna mögulegra áhrifa á fuglalíf og búsvæði þeirra.

Sveitarstjórn Rangárþings ytra samþykkti á fundi sínum þann 14.12.2022 að gerðar yrðu breytingar á landnotkun á lóðinni Efra-Sel 3C, L2203059, þar sem núverandi frístundasvæðiverði breytt í landbúnaðarsvæði. Tillagan gerir ráð fyrir byggingu íbúðarhúss ásamt tengdum útihúsum. Sameiginleg lýsing skipulagsáforma nokkurra svæða hefur verið kynnt. Tillagan var auglýst frá og með 21. júní sl til og með 2. ágúst sl. Ábending barst frá Umhverfisstofnun um að sýna þurfi umhverfisviðmið í umhverfismatsskýrslu vegna mögulegra áhrifa á fuglalíf og búsvæði þeirra.

Sveitarstjórn Rangárþings ytra samþykkti á fundi sínum þann 5.4.2023 að gerðar yrðu breytingar á landnotkun á lóðinni Ægissíða 1 L165446 þar sem núverandi landbúnaðarsvæði verði breytt í Verslunar- og þjónustusvæði. Lýsing skipulagsáforma var kynnt og var frestur til ábendinga og umsagna gefinn til 2. ágústs sl. Umsögn barst frá Vegagerðinni þar sem ítrekuð var fyrri umsögn, Heilbrigðiseftirlit Suðurlands óskar eftir nánari skýringum á skilgreiningu kúluhúsa sem mannvirki og Skipulagsstofnun fer fram á nánari skýringar í greinargerð. Ekki voru gerðar athugasemdir af hálfu Veitna og Rarik.

Eigandi lóðarinnar Svínhagi SH-18 áformar að hefja rekstur ferðaþjónustu á lóð sinni með byggingu allt að 18 gestahúsa fyrir allt að 50 gesti auk þjónusthúss. Svæðið er skilgreint sem VÞ25 í greinargerð aðalskipulagsins en þar er heimild fyrir allt að 20 gesti sameiginlega með SH-16.

Landeigandi hefur hug á að auka umfang ferðaþjónustu sinnar úr 15 gistiplássum/gestum í 50. Ekki verður gerð breyting á uppdrætti. Gisting er seld út í smáhýsum. Hvert smáhýsi tekur að jafnaði 2 í gistingu. Gert er ráð fyrir að fjöldi smáhýsa geti verið allt að 20 og hvert þeirra að hámarki 50 m² með allt að 4 m mænishæð. Einnig er eitt stærra gistihús sem tekur 8 manns í gistingu og verður að hámarki 80 m². Í samræmi við gögn frá Eflu dags. 12.8.2022 og breytt 21.7.2023.

Rangárþing ytra vinnur að breytingu á Aðalskipulagi Rangárþings ytra 2016-2028, skv. 1. mgr. 36 gr. skipulagslaga nr. 123/2010. Breytingin nær til lóðarinnar Mosar (L227577) þar sem landeigandi hefur óskað eftir að lóð hans verði skilgreind sem frístundabyggð. Samhliða aðalskipulagsbreytingunni er unnið að gerð deiliskipulags fyrir skipulagssvæðið þar sem gert er ráð fyrir frístundabyggð fyrir allt að 16 lóðir.

Unnið er að breytingu á skilmálum í aðalskipulagi sveitarfélagsins þar sem gerðar verða breytingar á skilmálum varðandi stakar framkvæmdir. Skipulags- og umferðarnefnd leggur til að bætt verði við þessum texta í kafla 2.3.8 í greinargerð aðalskipulagsins: Tímabundnar framkvæmdir, eftirlits- og rannsóknarstarfsemi s.s. tilraunaborholur, rannsóknamöstur (allt að 80 m), skoðun jarðefna, tímabundnar vinnubúðir, aðstaða verktaka vegna framkvæmda o.fl. Leitast skal við að framkvæmd lokinni verði framkvæmdasvæði aðlagað aðliggjandi svæði þannig að sem minnst áhrif verði.

Gísli Sverrir Árnason formaður sumarhúsafélagsins Þjóðólfs leggur fram tillögu að deiliskipulagi íbúðabyggðar í Þjóðólfshaga. Skipulagssvæðið er um 40 ha að stærð. Í gildi er deiliskipulag frístundabyggðar, Þjóðólfshagi, frístundabyggð, staðfest 23.09.2013, þar sem gert er ráð fyrir um 33 frístundalóðum. Nú þegar er búið að byggja á 23 lóðum á skipulagssvæðinu. Á hverri lóð er heimilt að byggja íbúðarhús, bílskúr, útihús/skemmu og/eða gróðurhús. Eldra deiliskipulag verður fellt úr gildi þegar nýtt deiliskipulag verður staðfest. Skipulagsgögn frá Eflu dags. 4.7.2023.

Ásahreppur, í gegnum skipulagsgáttina, hefur óskað eftir umsögn vegna:

Búðarhálsvirkjun; Breytt afmörkun; Deiliskipulagsbreyting - 2212068, nr. 0350/2023: Kynningartími er til 11.8.2023.

Landeigendur hafa lagt fram tillögu að deiliskipulagi fyrir íbúðabyggð ofan vegar í landi Árbæjahellis 2. Um er að ræða átta lóðir sem verða samkv meðf tillögu frá 0,5 ha - 0,9 ha. Lóðirnar liggja upp að skipulögðu svæði Skjóls og Villiskjóls að austan og að landi Kvista (landnr. 197867) að vestanverðu. Samtals eru þetta um 5 ha. Breyting á landnotkun í aðalskipulagi er í auglýsingu þar sem svæðið verður gert að íbúðasvæði í stað landbúnaðarsvæðis áður. Tillaga frá Eflu dags. 14.6.2023

Landeigandi að Völlum L228111 hefur lagt fram tillögu að deiliskipulagi fyrir lóð sína. Gert verði ráð fyrir tveimur byggingareitum til byggingar á annars vegar íbúðarhúsi, gestahúsi, gróðurhúsi, geymslu og hins vegar hesthúsi og geymslu/skemmu. Tillagan var auglýst frá og með 21. júní til og með 2. ágúst sl. Athugasemd barst frá landeiganda Austvaðsholts.

Landeigandi að Leyni L217813 hefur lagt fram tillögu að deiliskipulagi fyrir lóð sína. Gert verði ráð fyrir byggingu íbúðarhúss og fjögurra frístundahúsa. 4 lóðum hefur þegar verið skipt úr lóðinni. Tillagan var auglýst frá og með 21. júní til og með 2. ágúst sl. Athugasemd barst frá Vegagerðinni vegna tengingar inná svæðið frá landvegi en var svo felld niður síðar. Athugasemd barst frá landeigendum í nágrenni þar sem gerð er athugasemd við ófullnægjandi texta í greinargerð hvað varðar fyrirkomulag fráveitumála.

Landsvirkjun hefur lagt fram tillögu að áformum um að setja niður vinnubúðir á landi sínu Hvammi 3, vegna fyrirhugaðra framkvæmda við Hvammsvirkjun. Tillagan var auglýst frá og með 21. júní til og með 2. ágúst sl. Athugasemdir bárust frá Skipulagsstofnun vegna ákvæða um stakar framkvæmdir í aðalskipulagi.

Samhliða er unnið að breytingu á texta í kafla 2.3.8 í í greinargerð aðalskipulags sveitarfélagsins sem skilgreinir heimildir til stakra framkvæmda svo sem til að heimila tímabundnar framkvæmdir, rannsóknarstarfsemi ofl.

Eigendur lóða L165412, L198604 og l223017 óska eftir heimild til að leggja fram deiliskipulag af verslunar- og þjónustusvæði sínu við Rangá. Skilgreindar eru byggingarheimildir á núverandi lóðum ásamt því að lóðin L223017 færist til án breytingar á stærð. Jafnframt eru bílastæði skilgreind og aðkoma að lóðum fastsett. Tillagan var auglýst frá og með 21. júní til og með 2. ágúst. Samhliða hefur grenndarkynning verið send til allra lóðarhafa við Rangárstíg í takti við afgreiðslu nefndarinnar frá fyrri fundi. Athugasemd barst frá Heilbrigðiseftirliti Suðurlands vegna staðsetningu og samnýtingu hreinsivirkja og ábending um að tryggja skuli nægilegt neysluvatn vegna aukinnar starfsemi. Úr grenndarkynningu barst athugasemd frá fulltrúa lóðarhafa þess efnis að gerð er athugasemd við að aðkoman að gistihúsunum á lóðinni L198604 yrði af vegi í eigu lóðarhafa við Rangárstíg.

Veiðfélag Ytri Rangár hefur lagt fram tillögu að breytingu á gildandi deiliskipulagi fyrir Rangárstíg þar sem aðkoma að svæðinu sunnan Rangárstígs yrði felld innan lóðar nr. 1 við Rangárstíg. Skipulagsgögn frá Eflu dags. 24.4.2023. Tillagan var grenndarkynnt og var frestur til athugasemda gefinn til 6. júlí sl. Athugasemdir bárust frá lögmanni lóðarhafa á svæðinu þar sem gerð er athugasemd við tilheyrandi tengingu.

Rangárþing ytra hefur samþykkt að vinna að deiliskipulagi fyrir Suðurlandsveg gegnum Hellu, frá tengingum göngu- og hjólreiðastígar vestan við Rangá og að vegamótum Rangárvallavegar í austri. Skilgreindar verði tengingar og staðsetning stíga og lagna. Tillagan var auglýst frá og með 21. júní til og með 2. ágúst sl. Athugasemdir bárust frá Veitum þar sem óskað var eftir staðsetning hitaveitulagnar kæmi fram á uppdrætti, og frá Landssamtökum hjólreiðamanna sem lýsa yfir ánægju með tillöguna en vilja að göngubrautin utan á brúnni yfir Ytri-Rangá verði sýnd á uppdrættinum. Ábending barst frá Landsneti þess efnis að æskilegt væri að setja í texta að allar framkvæmdir innan öryggissvæðis háspennulínanna skuli háðar samþykki Landsnets.

Fyrirhuguð er áframhaldandi uppbygging ferðaþjónustu á svæðinu, annarsvegar með áframhaldandi uppbyggingu á afþreyingarferðaþjónustu og þá aðallega í tengslum við hellaskoðunarferðir. Hinsvegar uppbygging gistiþjónustu með því að fjölga sumarhúsum á svæðinu. Markmiðið er að setja fram skýra umgjörð utan um uppbyggingu ferðaþjónustu á svæðinu í samráði við Minjastofnun Íslands. Tillagan var auglýst frá og með 7. júní til og með 19. júlí sl. Athugasemdir bárust frá Veitum og Vegagerðinni

Eigandi Uxahryggjar 1 lóðar hefur lagt fram tillögu að breytingu á gildandi deiliskipulagi dags. 20.12.2012 þar sem skipulagssvæði er stækkað í 10 ha. Bætt verði við byggingareitum og nýrri aðkomu á jörðina Uxahrygg þar sem gert er ráð fyrir byggingu íbúðarhúss, einum reit á Uxahrygg 1 lóð og einum reit á Uxahrygg lóð 2 í samræmi við meðfylgjandi skipulagsgögn frá Eflu dags. 12.8.2022.

Samhliða er unnið að breytingu á aðalskipulagi vegna stækkunar svæðis og svæðið afmarkað. Tillagan var auglýst frá og með 19.10.2022 til og með 30.11.2022. Athugasemdir bárust í afgreiðslu Skipulagsstofnunar 13.1.2023. Lögð er fram endurbætt tillaga frá Eflu dags. 20.2.2023.

Sverrir G. Kristinsson hefur með heimild sveitarstjórnar lagt fram tillögu að deiliskipulagi af nokkrum lóðum úr jörð sinni, Gíslholti. Um eru að ræða lóðir undir íbúðarhús og smávægilega atvinnustarfsemi. Tillagan var auglýst frá 19.2.2020 til og með 1.4.2020. Í afgreiðslu Skipulagsstofnunar kom fram að misræmis gætti í ákvæði um byggingarmagn á frístundalóðum og að byggingareitur eldri lóðar á svæðinu væri ekki samkvæmt ákvæðum skipulagsreglugerðar um 50 metra fjarlægðarmörk frá vötnum og 100 metra frá tengivegi. Undanþága frá ráðuneyti liggur nú fyrir og lögð eru fram uppfærð gögn.

Jóhann Gunnarsson, Kristrún Sif Kristinsdóttir og Björgvin Búi Jónasson óska eftir afstöðu sveitarstjórnar er varðar breytta landnotkun á hluta lands innan Nes lands. Vilji umsækjanda er að landnotkun landsins nr. 164744, verði skilgreind sem íbúðarbyggð með fasta búsetu í huga.

Kristrún og Björgvin hafa mikinn áhuga á að kaupa lóðina af Jóhanni og byggja þar íbúðarhús til eigin nota.