Málsnúmer 1802002

Vakta málsnúmer

Skipulags- og umferðarnefnd - 124. fundur - 12.02.2018

Rangárþing ytra hefur samþykkt að gera breytingar á landnotkun í aðalskipulagi fyrir 29 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Lögð er fram tillaga að breytingu á deiliskipulagi fyrir svæðið þar sem skilmálar hafa verið skilgreindir að nýju.
Skipulagsnefnd frestar erindinu.

Skipulags- og umferðarnefnd - 5. fundur - 08.10.2018

Rangárþing ytra hefur samþykkt að gera breytingar á landnotkun í aðalskipulagi fyrir 28 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Farið yfir helstu áherslur breytingarinnar.
Skipulagsnefnd telur að gera þurfi eftirfarandi breytingar á gildandi skipulagi:
Skilmálar í samningi við Skógræktarfélag Rangæinga verði gerð skil.
Á hverri lóð er heimilt að byggja íbúðarhús allt að 300 m², geymslu allt að 60 m², bílskúr/skemma allt að 300 m² og gestahús allt að 60 m², nýtingarhlutfall lóðar verður þó aldrei meira en 0,05.
Mænishæð getur verið allt að 8 m miðað við gólfplötu.
Hverjum landeiganda verði heimilt að girða af lóðir sínar.
Heimilt verði að vesturhluti byggingareita færist inní skóginn.
Nánari skilmálar verði kynntir í lýsingu.
Ásgeiri Jónssyni þökkuð góð yfirferð.

Skipulags- og umferðarnefnd - 6. fundur - 05.11.2018

Rangárþing ytra hefur samþykkt að gera breytingar á landnotkun í aðalskipulagi fyrir 30 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Lögð er fram lýsing skipulagsáætlunar að breytingu á deiliskipulagi fyrir svæðið þar sem skilmálar hafa verið skilgreindir að nýju.
Skipulagsnefnd samþykkir fram komna lýsingu og leggur til að lýsing verði kynnt skv. 3. mgr. 40. gr. skipulagslaga nr. 123/2010 og 5.2.4. í skipulagsreglugerð nr. 90/2013. Samhliða kynningu leggur nefndin til að endurskoðaður verði samningur við Skógræktarfélag Rangæinga.

Skipulags- og umferðarnefnd - 9. fundur - 07.01.2019

Rangárþing ytra hefur samþykkt að gera breytingar á landnotkun í aðalskipulagi fyrir 28 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Kynnt hefur verið lýsing skipulagsáætlunar að breytingu á deiliskipulagi fyrir svæðið þar sem skilmálar hafa verið skilgreindir að nýju. Lýsing var kynnt með fresti til athugasemda til 5. desember sl. Athugasemdir bárust frá Umhverfisstofnun, þar sem efast var um að áform samræmdust skilmálum í Landsskipulagsstefnu varðandi íbúðabyggð í dreifbýli. Einnig bárust athugasemdir frá Minjastofnun, sem voru dregnar til baka í ljósi nýrra upplýsinga. Ekki bárust frekari athugasemdir eða ábendingar.
Lýsing var einnig send út til þinglýstra lóðarhafa að sumarhúsalóðum á svæðinu og var frestur til athugasemda gefinn til 5. janúar. Athugasemd barst frá lóðarhöfum austan vegar þar sem óskað var eftir uppdráttum og skýringum á útfærslu vegakerfis á svæðinu.
Skipulagsnefnd fjallaði um framkomnar athugasemdir og ábendingar. Til að svara athugasemdum Umhverfisstofnunar telur nefndin að fyrir liggi að stefna um íbúðabyggð í dreifbýli samræmist ekki stefnu landsskipulags. Stefna landsskipulags er að „í dreifbýli tengist fjölgun íbúða fremur búrekstri eða annarri staðbundinni landnýtingu eða atvinnustarfsemi“ (bls. 35) en stefna sveitarfélagsins, sem einnig er skilgreind í texta greinargerðar í endurskoðun aðalskipulags Rangárþings ytra 2016-2028, sem er í ferli, er að stuðla eigi að frekari uppbyggingu í dreifbýli, m.a. til að koma til móts við íbúa sem vilja setja sig niður í dreifbýli, til að nýta betur staðbundin veitumannvirki sem þarf að halda úti til að tryggja dreifða byggð og til að mæta breyttu atvinnumynstri og tækniframförum þar sem fjölmargir eiga kost á að stunda atvinnu/nám í fjarvinnslu.
Skipulagsnefnd frestar afgreiðslu þar til tillaga hefur verið lögð fyrir.

Skipulags- og umferðarnefnd - 11. fundur - 11.03.2019

Rangárþing ytra hefur samþykkt að gera breytingar á landnotkun í aðalskipulagi fyrir 28 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Lögð er fram tillaga að breytingu á deiliskipulagi fyrir svæðið þar sem skilmálar hafa verið skilgreindir að nýju. Gróf lýsing skipulagsáætlana hefur verið kynnt íbúum og lóðarhöfum á svæðinu.
Skipulagsnefnd telur að umfang breytinga hafi aukist töluvert frá því sem lagt var upp með í byrjun og leggur til að tillagan verði kynnt lóðarhöfum á svæðinu. Gert verði ráð fyrir íbúafundi þar sem farið verði yfir skipulagsmál svæðisins og framtíðaráform. Lagt er til að fulltrúum Skógræktarfélags Rangæinga verði einnig boðið að sitja fundinn. Tillaga er að fundurinn verði haldinn laugardaginn 6. apríl klukkan 10:00. Skipulagsfulltrúa verði falið að undirbúa fundinn.

Skipulags- og umferðarnefnd - 13. fundur - 06.05.2019

Ráðgjafar sitja fyrir svörum.
Rangárþing ytra hefur samþykkt að gera breytingar á landnotkun í aðalskipulagi fyrir 28 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Lögð er fram tillaga að breytingu á deiliskipulagi fyrir svæðið þar sem skilmálar hafa verið skilgreindir að nýju. Skipulagið tekur til alls svæðisins. Íbúafundur var haldinn fyrir hlutaðeigandi aðila á svæðinu dags. 6.4.2019 þar sem mættu rétt um 30 manns. Ábendingar hafa verið teknar inní tillöguna.
Skipulagsnefnd telur að búið sé að taka tillit til allra ábendinga og athugasemda frá lóðarhöfum á svæðinu. Nefndin samþykkir því fram lagða tillögu og leggur til að hún verði auglýst skv. 41. grein skipulagslaga nr. 123/2010.
Ráðgjöfum þökkuð góð yfirferð.

Skipulags- og umferðarnefnd - 19. fundur - 11.11.2019

Rangárþing ytra hefur samþykkt að gera breytingar á landnotkun í aðalskipulagi fyrir lóðir úr Gaddstöðum þar sem umrætt svæði er breytt úr frístundasvæði í íbúðasvæði. Lögð er fram tillaga að breytingu á gildandi deiliskipulagi fyrir þann hluta svæðisins sem þegar hefur hlotið staðfestingu í aðalskipulagi sem íbúðasvæði, þar sem skilmálar hafa verið skilgreindir að nýju.
Skipulagsnefnd telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til afgreiðslu.

Skipulags- og umferðarnefnd - 25. fundur - 11.05.2020

Rangárþing ytra hefur samþykkt að gera breytingar á landnotkun í aðalskipulagi fyrir 28 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Lögð er fram endurbætt tillaga að breytingu á deiliskipulagi fyrir svæðið þar sem skilmálar hafa verið skilgreindir að nýju og tekið tillit til athugasemda og ábendinga Skipulagsstofnunar. Jafnframt er lögð fram greinargerð til Vegagerðarinnar vegna beiðni hennar um greiningu á umferð.
Skipulagsnefnd telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til afgreiðslu. Jafnframt vísar nefndin í meðfylgjandi greinargerð varðandi greiningu á umferð fyrir svæðið.

Skipulags- og umferðarnefnd - 32. fundur - 09.11.2020

Rangárþing ytra hefur samþykkt að gera breytingar á landnotkun í aðalskipulagi fyrir 28 lóðir úr Gaddstöðum þar sem umrætt svæði er breytt úr frístundasvæði í íbúðasvæði. Lögð er fram endurbætt tillaga að breytingu á deiliskipulagi fyrir svæðið þar sem skilmálar hafa verið skilgreindir að nýju og tekið tillit til athugasemda og ábendinga Skipulagsstofnunar og annarra umsagnaraðila.
Skipulagsnefnd telur að búið sé að taka tillit til allra fram kominna athugasemda í framlögðum gögnum. Nefndin samþykkir tillöguna og leggur til að hún verði send til endanlegrar afgreiðslu Skipulagsstofnunar. Ekki liggur fyrir umsögn Samgöngustofu við afgreiðslu fundarins þó ítrekað hafi verið eftir henni.

Skipulags- og umferðarnefnd - 34. fundur - 11.01.2021

Gaddstaðir við Hróarslæk. Íbúða- og frístundasvæði. Endurbætt tillaga að deiliskipulagi var auglýst að nýju vegna tímamarka í skipulagslögum frá og með 18.11.2020 til og með 30.12.2020 og bárust engar athugasemdir.
Skipulagsnefnd telur að búið sé að bregðast við öllum framkomnum athugasemdum og leggur til að tillagan verði send Skipulagsstofnun til endanlegrar afgreiðslu.

Skipulags- og umferðarnefnd - 50. fundur - 09.05.2022

Rangárþing ytra hefur samþykkt að gera breytingar á landnotkun í aðalskipulagi fyrir lóðir úr Gaddstöðum þar sem stór hluti svæðisins er breytt úr frístundasvæði í íbúðasvæði. Lögð er fram tillaga að breytingu á gildandi deiliskipulagi fyrir þann hluta svæðisins sem þegar hefur hlotið staðfestingu í aðalskipulagi sem íbúðasvæði, þar sem skilmálar hafa verið skilgreindir að nýju.
Skipulagsnefnd samþykkir tillöguna og leggur til að hún verði auglýst skv. 41. gr. skipulagslaga nr. 123/2010.

Skipulags- og umferðarnefnd - 2. fundur - 13.07.2022

Rangárþing ytra hefur samþykkt að gera breytingar á landnotkun í aðalskipulagi fyrir lóðir úr Gaddstöðum þar sem stór hluti svæðisins er breytt úr frístundasvæði í íbúðasvæði. Lögð er fram tillaga að breytingu á gildandi deiliskipulagi fyrir þann hluta svæðisins sem þegar hefur hlotið staðfestingu í aðalskipulagi sem íbúðasvæði, þar sem skilmálar hafa verið skilgreindir að nýju. Viðkomandi tillaga var auglýst frá 18.5.2022 til og með 29. júní. Engar athugasemdir bárust á auglýsingatíma.
Skipulagsnefnd samþykkir tillöguna og leggur til að hún verði send Skipulagsstofnun til afgreiðslu.