3 styrkir frá Atvinnuþróunarsjóði Suðurlands enduðu í Rangárþingi ytra

3 styrkir frá Atvinnuþróunarsjóði Suðurlands enduðu í Rangárþingi ytra

Á fundi sínum þann 2. maí s.l. úthlutaði stjórn Atvinnuþróunarfélags Suðurlands 5 milljónum í styrki til atvinnuþróunar á starfssvæði sínu en auglýst var eftir umsóknum um styrki í mars og apríl. Til úthlutunar voru 5 milljónir og að þessu sinni voru 12 verkefni styrkt. 3 styrkir fóru í verkefni í Rangárþingi ytra að þessu sinni. Styrkhöfum er óskað alls hins besta með sín verkefni.

Verkefnin sem um ræðir og fengu styrki voru eftirtalin:

  • Gönguleiðir í Ásahreppi og Rangárþingi ytra
    • Umsækjandi: Steinsholt sf. með stuðningi sveitarfélaganna sem vísað er til.
    • Upphæð styrks: 450.000 kr.
    • Stutt lýsing á verkefninu:
      Verkefnið Gönguleiðir í Ásahreppi og Rangárþingi ytra snýst um að kortleggja áhugaverðar
      gönguleiðir í byggð og hálendisjaðri sveitarfélaganna og gera þær aðgengilegar.
       
  • Vinnsla á hrognum úr villtum laxi
    • Umsækjandi: Reynir Friðriksson í samstarfi við Fiskás á Hellu og Rangárþing ytra.
    • Upphæð styrks: 600.000 kr.
    • Stutt lýsing á verkefninu:
      Verkefni þetta snýst um að fullnýta laxahrogn sem falla til við vinnslu á villtum laxi úr 
      Rangánum.
       
  • Aðstoð til Markaðsmála Sveitagrills Míu
    • Umsækjandi: Stefanía Björgvinsdóttir
    • Upphæð styrks: 100.000 kr.
    • Stutt lýsing á verkefninu:
      Sótt er um styrk til að auglýsa 50's grillvagn sem staðsettur verður á Hellu.

 

Fannst þér efnið á síðunni hjálplegt?