Fréttir

Skrifstofa sveitarfélagsins verður lokuð aðfangadag og gamlársdag. Aðra daga er opið skv. venju, þ.e. 29. og 30 desember frá kl. 9:00 - 15:00 og 2. janúar frá kl. 9.00 - 13:00.  

Tillaga Landmótunar sf og VA-arkitekta ásamt Erni Þór Halldórssyni arkitekt – Þar sem ljósgrýtið glóir, sigraði hugmyndasamkeppni um deiliskipulag og hönnun Landmannalauga. Sveitarfélagið Rangárþing ytra í samvinnu við Umhverfisstofnun og Félag íslenskra landslagsarkitekta (Fíla) efndu til samkeppninnar. 

Sorpstöð Rangárvallasýslu, Landgræðsla ríkisins, Rangárþing ytra, Rangárþing eystra og Ásahreppur gerðu í gær með sér samkomulag um notkun á seyru til landgræðslu, með fyrirvara um samþykki sveitarstjórnanna.

Sveitarstjórnir Rangárþings ytra og Ásahrepps samþykktu samhljóða á fundi þann 11.12.2014 að taka til endurskoðunar öll samstarfsverkefni sveitarfélaganna. Markmiðið er að meta árangur þeirra samninga sem í gildi hafa verið og skerpa á samstarfinu. Einnig að greina hvort færi séu til að efla og auka samstarfið enn frekar báðum aðilum til hagsbóta.

Verðlaunaafhending vegna hugmyndasamkeppni um deiliskipulag og hönnun á Landmannalaugasvæðinu fer fram miðvikudaginn 17. desember n.k. kl. 17:00 í húsakynnum Rangárþings ytra.

7. fundur hreppsnefndar Rangárþings ytra verður haldinn að Suðurlandsvegi 1-3, þriðjudaginn 16. desember 2014 og hefst kl. 09:00

Fyrstu jólatónleikar Kammerkórs Rangæinga verða haldnir föstudaginn 12. desmber n.k. kr. 20:30  í Hvoli Hvolsvelli.

Jólatrjáasala Skógræktarfélags Rangæinga verður sunnudaginn 14. desember n.k. í Bolholtsskógi á Rangárvöllum.  Þá býðst fólki að koma í skóginn og höggva sitt eigið tré. Einnig verður hægt að fá grenigreinar og köngla.  

Í óveðrinu sem gekk yfir um síðustu helgi varð mikið vatnsflóð á Hellu og flæddi m.a. inn í Íþróttahúsið. Sérfræðingar á vegum tryggingafélagsins eru nú með mikinn búnað við að þurrka undirlag gólfsins og er því íþróttahúsið lokað a.m.k. næstu 10 dagana. Á meðan er starfsemin flutt í íþróttahús okkar í Þykkvabæ og á Laugalandi.