Rangárþing ytra óskar eftir að ráða starfsmann á skrifstofu sveitarfélagsins í 100% stöðu. Leitað er eftir öflugum einstaklingi sem er tilbúinn að takast á við fjölbreytt og krefjandi starf.
Æskilegt er að viðkomandi geti hafið störf sem fyrst.
Starfssvið:
- Færsla bókhalds og bókun reikninga.
- Afstemmingar á bókhaldi.
- Þátttaka í vinnslu uppgjörs og frágangs bókhalds fyrir endurskoðun.
- Virðisaukskattsuppgjör
- Önnur tilfallandi verkefni.
Menntunar- og hæfniskröfur:
- Háskólamenntun á sviði viðskiptafræði eða önnur menntun sem nýtist í starfi
- Þekking og reynsla af bókhaldi skilyrði og þekking á bókhaldi sveitarfélaga mikill kostur
- Góð þekking á upplýsingatækni, s.s. Excel skilyrði
- Þekking og reynsla af Navision bókhaldskerfi kostur
- Hæfni til að greina gögn og upplýsingar
- Þjónustulund og hæfni í mannlegum samskiptum
- Frumkvæði og metnaður til að ná árangri
- Skipulagshæfileikar og nákvæm vinnubrögð
Hjá Rangárþingi ytra starfa um 150 manns í allt hjá hinum ýmsu stofununum en skrifstofa sveitarfélagsins er staðsett á Hellu.
Umsóknarfrestur er til 1. október. Umsókn skal senda með rafrænum hætti á klara@ry.is. Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Nánari upplýsingar veita Klara Viðarsdóttir fjármálastjóri (klara@ry.is) og Ágúst Sigurðsson sveitarstjóri (agust@ry.is).