Bleikur október hefur verið haldinn um árabil til vitundarvakningar um krabbamein hjá konum.
Ný bleik slaufa er hönnuð árlega og seld í fjáröflun Krabbameinsfélags Íslands.
Bleiki dagurinn í ár er miðvikudagurinn 22. október - eftirfarandi upplýsingar eru af heimasíðu Krabbameinsfélagsins:
Á Bleika deginum berum við Bleiku slaufuna, klæðumst bleiku og lýsum skammdegið upp í bleikum ljóma til að minna á að það er list að lifa með krabbameini. Við stöndum með öllum konum sem greinst hafa með krabbamein og aðstandendum þeirra.
Ýmsar hugmyndir
- Bleikt morgunkaffi
- Bleikur hádegisverður
- Skreyta vinnustaðinn
- Klæðast einhverju bleiku
- Veita verðlaun fyrir fatnað og skreytingar
- Göngutúr í hádeginu
- Bleik lýsing
- Hópeflisleikir
- Bleikur matseðill á matarvefnum Gott & einfalt
- Skoða hvað samstarfsaðilar Bleiku slaufunnar bjóða upp á í tilefni dagsins
- Lýsa upp byggingar með bleiku ljósi þar sem því verður komið við.
Sendið sögur og myndir
Við hvetjum alla til að senda okkur skemmtilegar, bleikar myndir af sér og vinahópum eða vinnufélögum á netfangið bleikaslaufan@krabb.is og munum við birta þær hjá okkur á facebooksíðu Bleiku slaufunnar. Merkið myndirnar #bleikaslaufan.