Eigna- og framkvæmdasvið Rangárþings ytra leitar að duglegum og metnaðarfullum starfsmanni til þess að hafa umsjón með og sinna almennum viðhaldsverkefnum á eignum sveitarfélagsins ásamt snjómokstri og öðrum tilfallandi verkefnum.
Um fullt starf til framtíðar er að ræða.
Við leitum að einstaklingi sem er drífandi og býr yfir sjálfstæðum vinnubrögðum.
Hæfniskröfur:
- Sveinspróf í húsasmíði æskilegt
- Hafa gott vald á íslensku eða ensku í ræðu og riti
- Fagleg og nákvæm vinnubrögð
- Frumkvæði og sjálfstæði
- Góð mannleg samskipti
- Bílpróf er nauðsyn
- Vinnuvélaréttindi eru kostur
Umsóknarfrestur er til 27. október 2022 og æskilegt er að umsækjandi geti hafið störf sem fyrst.
Umsóknum skal fylgja starfsferilskrá, prófskírteini og kynningarbréf og skulu þær sendar á tomas@ry.is eða til Rangárþings ytra, Suðurlandsvegi 1-3, 850 Hellu.
Nánari upplýsingar veitir Tómas Haukur Tómasson, forstöðumaður eigna- og framkvæmdasviðs í s: 8946655 eða í tölvupósti tomas@ry.is .
Hjá Rangárþingi ytra starfa um 150 manns í allt hjá hinum ýmsu stofnunum en skrifstofa og þjónustumiðstöð sveitarfélagsins er staðsett á Hellu. Hjá Eigna- og framkvæmdasviði starfa að jafnaði 6-8 manns auk sumarstarfsfólks og vinnuskóla.