Frá og með 15. apríl 2019 verður allt ferli vegna umsókna um byggingarleyfi rafrænt hjá Rangárþingi ytra. Er það liður í að einfalda ferlið þegar sótt er um byggingarleyfi, gera það skýrara fyrir hlutaðeigandi og að upplýsingar séu aðgengilegar. Hér er tengill á þjónustugáttina.
Með nýjungunum geta aðilar séð eftirfarandi í þjónustugáttinni:
• Hönnuðir, byggingarstjórar og iðnmeistarar geta skráð sig á verk með rafrænum skilríkjum í þjónustugáttinni
• Eigandi lóðar sér gögn málsins og stöðu þess.
• Hönnuðir sem sækja um byggingarleyfi fyrir hönd eiganda sjá gögn málsins og stöðu þess.
• Hönnunarstjórar, byggingarstjórar og meistarar geta séð þau verk sem þeir eru skráðir á.
• Hönnuðir geta sent inn teikningar rafrænt til yfirferðar hjá byggingarfulltrúa
Allar nánari upplýsingar eru hér: https://www.ry.is/is/stjornsysla/skipulagsmal/eydublodumsoknir