Gáfu frisbígolfvöll á Laugaland

Formaður nemendaráðs Laugalandsskóla, Guðný Salvör Hannesdóttir frá Arnkötlustöðum veitti gjafabréfi…
Formaður nemendaráðs Laugalandsskóla, Guðný Salvör Hannesdóttir frá Arnkötlustöðum veitti gjafabréfinu viðtöku. Ljósmynd/Aðsend

Í tilefni af 60 ára afmæli Laugalandsskóla gáfu Foreldrafélag Laugalandsskóla, Kvenfélagið Framtíðin, Kvenfélagið Eining og Kvenfélagið Lóa allan búnað fyrir nýjan frisbígolfvöll sem settur verður upp á Laugalandi.

Gjöfin var afhent í afmælisveislunni sem haldin var þann 8. desember síðastliðinn.

Völlurinn verður settur upp með vorinu og mun hann þá nýtast nemendum og starfsfólki Laugalandsskóla, nemendum og starfsfólki leikskólans á Laugalandi, íbúum sveitarfélaganna í kring, sem og gestum og gangandi.

Fannst þér efnið á síðunni hjálplegt?