Grunnskólinn á Hellu og Laugalandsskóli taka þátt í Skólahreysti fimmtudaginn 28. apríl.
Sýnt er frá keppninni í beinni útsendingu á RÚV. Laugalandsskóli ríður á vaðið og keppir kl. 17 en Grunnskólinn á Hellu kl. 20.
Frá Laugalandsskóla:
Laugalandsskóli mætir til leiks með lið í Skólahreysti þetta árið en keppnin hefur verið haldin árlega frá árinu 2005 og má með sanni segja að það ríki mikil tilhlökkun meðal krakkanna að fá að taka þátt í þessari skemmtilegu keppni.
Keppnin hefst kl. 17:00 og stendur til 18:00. Liðið okkar er með Turkísbláan þemalit sem gaman væri að hafa sýnilegan í stúkunni.
Keppendur að þessu sinni eru:
- Vikar Reyr Víðisson, upphífingar og dýfur.
- Esja Nönnudóttir, armbeygjur og hreystigreip.
- Sumarliði Erlendsson og Svanborg Jónsdóttir, hraðaþraut.
- Steindór Orri Þorbergsson og Sylvía Sif Sigurðardóttir, varamenn.
Frá Grunnskólanum á Hellu
Keppendur að þessu sinni er:
- Davíð og Jónína – hraðabraut
- Veigar Þór – upphýfingar og dýfur
- Þórhildur Lotta – hreystigreip og armbeygjur.
- Guðrún og Kristófer Árni eru varamenn.
Ekki má gleyma að nefna stuðningslið Grunnskólans á Hellu en þar munu nemendur 8. -10. bekkjar gegna lykilhlutverki í að hvetja keppendur áfram með trommuslætti, hvatningarhrópum og eintómri gleði.
Við viljum hvetja alla bæði konur og kalla til að horfa á keppnina, ekki síst með yngri nemendum skólanna til að ýta undir áhuga komandi keppenda.