15. júní 2016
Fréttir
Harmonikumessa verður haldin í Árbæjarkirkju í Rangárþingi ytra á sunnudaginn kemur kl.14.00. Þetta er fimmta messan sem haldin er með þessu sniði á jafnmörgum árum. Upphafsmaður að þessum viðburði var Jóhann Bjarnason á Hellu sem lést í febrúar síðastliðnum. Sr. Halldóra Þorvarðardóttir sér um guðsorðið en Harmonikufélag Rangæinga um tónlistina. Messur þessar eru að jafnaði vel sóttar og eru skemmtileg tilbreyting frá hinu hefðbundna messformi.