29. október 2025
Íbúum Ásahrepps, Rangárþings ytra og Rangárþings eystra er boðið á íbúafund á vegum Heilbrigðisstofnunar Suðurlands og sveitarfélaganna.
Fundurinn verður haldinn miðvikudaginn 5. nóvember 2025 í Hvolnum á Hvolsvelli á milli 18 og 19.
HSU verður með kynningu á starfi stofnunarinnar og vonast eftir góðum og uppbyggilegum umræðum.
Meðal markmiða fundarins eru að:
- Ræða hvernig hægt er að byggja upp sameiginlega framtíðarsýn með heilsu og vellíðan að leiðarljósi.
- Hlusta, ræða saman og fá hugmyndir.
- Skoða hvernig við getum vaxið saman sem samfélag.
Við hvetjum fólk til að mæta og taka þátt í samtalinu.